- બિહારના પૂર્વ મુખ્યમંત્રી લાલુ યાદવની લગભગ અઢી કલાક સુધી પૂછપરછ કરી
- આ તપાસ IRCTC કૌભાંડ એટલે કે નોકરી માટે જમીન કૌભાંડમાં થઈ હતી
- નોકરી માટે જમીન કૌભાંડનો આ મામલો 14 વર્ષ જૂનો છે
કેન્દ્રીય તપાસ એજન્સી સીબીઆઈએ મંગળવારે બિહારના પૂર્વ મુખ્યમંત્રી લાલુ યાદવની લગભગ અઢી કલાક સુધી પૂછપરછ કરી. આ તપાસ IRCTC કૌભાંડ એટલે કે નોકરી માટે જમીન કૌભાંડમાં થઈ હતી. લાલુની પૂછપરછ કરવા માટે સીબીઆઈની ટીમ મીસા ભારતીના દિલ્હી સ્થિત આવાસ પર પહોંચી હતી. લાલુ હજુ પણ અહીં રહે છે. આ પહેલા સીબીઆઈએ સોમવારે પટનામાં રાબડી દેવીની ચાર કલાક પૂછપરછ કરી હતી.
આ દરમિયાન લાલુની પુત્રી રોહિણી આચાર્યએ ટ્વીટ કરીને કહ્યું કે, પાપાને સતત હેરાન કરવામાં આવી રહ્યા છે. જો તેમને કંઈ થશે તો હું કોઈને છોડીશ નહીં. તમે પપ્પાને પરેશાન કરો છો, આ યોગ્ય વાત નથી. આ બધું યાદ હશે. સમય બળવાન છે, તેની પાસે મહાન શક્તિ છે. આ યાદ રાખજો.
CBIએ લાલુને સમન્સ મોકલ્યા છે
નોકરીના બદલે જમીન કૌભાંડની તપાસ માટે સીબીઆઈએ લાલુને સમન્સ મોકલ્યુ હતુ. લાલુ યાદવની આજે દિલ્હીમાં સીબીઆઈ દ્વારા નોકરી માટે જમીન કૌભાંડમાં તેમની કથિત સંડોવણી અંગે પૂછપરછ કરવામાં આવી રહી છે.
નોકરીના બદલે જમીન કૌભાંડ શું છે?
નોકરી માટે જમીન કૌભાંડનો આ મામલો 14 વર્ષ જૂનો છે. તે સમયે લાલુ યાદવ રેલવે મંત્રી હતા. એવો દાવો કરવામાં આવે છે કે લાલુ યાદવે જ્યારે તેઓ રેલવે મંત્રી હતા ત્યારે લોકોને રેલવેમાં નોકરી આપવાને બદલે જમીન રાઈટ ઓફ કરાવી હતી. લાલુ યાદવ 2004થી 2009 સુધી રેલ્વે મંત્રી હતા. સીબીઆઈએ આ મામલે 18 મેના રોજ કેસ નોંધ્યો હતો. સીબીઆઈના જણાવ્યા અનુસાર, લોકોને પહેલા રેલ્વેમાં ગ્રુપ ડી પોસ્ટમાં અવેજી તરીકે ભરતી કરવામાં આવી હતી અને જ્યારે તેમના પરિવારોએ જમીનનો સોદો કર્યો ત્યારે તેમને નિયમિત કરવામાં આવ્યા હતા.
