- બીજેપીના ઉમેદવાર પંકજા મુંડે સામે બજરંગ સોનાવણેને ટીકિટ આપી
- NCPની બીજી યાદીમાં માત્ર બે ઉમેદવારોના નામ સામેલ કરવામાં આવ્યાં
- મહારાષ્ટ્રમાં શરદ પવારની પાર્ટી NCPએ સુરેશ મ્હાત્રેને ભિવંડીથી ટિકીટ આપી
શરદ પવારની પાર્ટી NCP એ મહારાષ્ટ્રમાં લોકસભા ચૂંટણી માટે ઉમેદવારોની બીજી યાદી જાહેર કરી છે. બજરંગ સોનાવણેને બીડથી ટિકિટ આપવામાં આવી છે. બજરંગ સોનવણેએ તાજેતરમાં અજિત પવારના જૂથને આંચકો આપ્યો હતો અને શરદ પવાર સાથે જોડાયા હતા. બીજેપી તરફથી પંકજા મુંડે બીડથી ઉમેદવાર છે. આ સાથે મહારાષ્ટ્રમાં શરદ પવારની પાર્ટી NCP એ સુરેશ ઉર્ફે બલાયમામા મ્હાત્રેને ભિવંડીથી મેદાનમાં ઉતાર્યા છે.
NCPની બીજી યાદીમાં માત્ર બે ઉમેદવારોના નામ જાહેર કર્યાં
શરદ પવારની પાર્ટી NCP દ્વારા બહાર પાડવામાં આવેલી બીજી યાદીમાં માત્ર બે ઉમેદવારોના નામ સામેલ છે. આ પહેલા પાર્ટીએ પ્રથમ યાદીમાં પાંચ ઉમેદવારોના નામ જાહેર કર્યા હતા. મહારાષ્ટ્ર લોકસભા ચૂંટણીને ધ્યાનમાં રાખીને શરદ પવારના જૂથની NCPએ 30 માર્ચે ઉમેદવારોની પ્રથમ યાદી જાહેર કરી હતી. પ્રથમ યાદીમાં 5 ઉમેદવારોની જાહેરાત કરવામાં આવી હતી. હવે બીજી યાદીમાં શરદ પવાર જૂથ દ્વારા બે નવા ઉમેદવારોની જાહેરાત કરવામાં આવ્યા બાદ અત્યાર સુધીમાં કુલ 7 ઉમેદવારોના નામની જાહેરાત કરવામાં આવી છે. પ્રથમ યાદીમાં શરદ પવારની પુત્રી સુપ્રિયા સુલેને ફરી એકવાર બારામતી લોકસભા સીટથી ઉમેદવાર બનાવવામાં આવી છે. સુપ્રિયા સુલે અહીંથી ત્રણ વખત લોકસભા ચૂંટણી જીતી ચૂકી છે. તેઓ અહીંથી ચોથી વખત ચૂંટણી જીતવાના ઈરાદા સાથે ચૂંટણી લડી રહ્યા છે.
પવાર જૂથ NCPની બીજી યાદીમાં સામેલ ઉમેદવારો
•બીડ- બજરંગ સોનવણે
ભિવંડી- સુરેશ ઉર્ફે બલ્યામામા મ્હાત્રે
શરદ પવારની પાર્ટીની પ્રથમ યાદીમાં સામેલ ઉમેદવારો
• વર્ધા- અમર કાલે
• ડીંડોરી- ભાષ્કર ભગરે
•બારામતી- સુપ્રિયા સુલે
•શિરુર- અમોલ કોલ્હે
• અમદાવાદ- નિલેશ લંકે
મહારાષ્ટ્રમાં લોકસભાની કુલ 48 બેઠકો છે. મહારાષ્ટ્રની તમામ સીટો પર કુલ પાંચ તબક્કામાં મતદાન થશે. 4 જૂને મહારાષ્ટ્ર સહિત દેશભરની તમામ સીટો માટે પરિણામ જાહેર થશે.
