સુપ્રીમ કોર્ટે દિલ્હી જળ બોર્ડને નોટિસ ફટકારી, કહ્યું-"બાકી રકમ વિશે જાણકારી આપો"

•  સુપ્રીમ કોર્ટે દિલ્હી જળ બોર્ડને નોટિસ પાઠવી
  
• અધિકારીઓ દિલ્હી જળ બોર્ડને ફંડ નથી આપી રહ્યાનો આરોપ
• આગામી સુનાવણી  10 એપ્રિલે હાથ ધરવામાં આવશે

AAP સરકારની અરજી પર 1 એપ્રિલે સુપ્રીમ કોર્ટે દિલ્હીના મુખ્ય સચિવને નોટિસ પાઠવી હતી. આ અરજીમાં AAP સરકારે આરોપ લગાવ્યો હતો કે, વિધાનસભા દ્વારા બજેટની મંજૂરી હોવા છતાં અધિકારીઓ દિલ્હી જળ બોર્ડને ફંડ નથી આપી રહ્યા.

દિલ્હીની અરવિંદ કેજરીવાલ સરકારને સુપ્રીમ કોર્ટમાંથી મોટી રાહત મળી છે. AAP સરકારની અરજી પર સુપ્રીમ કોર્ટે દિલ્હી જળ બોર્ડને નોટિસ પાઠવી છે. AAP સરકારે તેની અરજીમાં આરોપ લગાવ્યો હતો કે દિલ્હી જલ બોર્ડે રાષ્ટ્રીય રાજધાનીમાં પીવાનું પાણી સપ્લાય કરતી સંસ્થાને ફંડ આપ્યું નથી. આ મામલામાં ચીફ જસ્ટિસ ડીવાય ચંદ્રચુડ અને જસ્ટિસ જેબી પારડીવાલા અને જસ્ટિસ મનોજ મિશ્રાની બેન્ચે શુક્રવારે કેસની સુનાવણી કરતા આ નોટિસ જારી કરી છે. આ નોટિસમાં કોર્ટે બાકી રકમની માહિતી માંગી છે.

કોર્ટે દિલ્હી સરકારના પ્રિન્સિપલ સેક્રેટરીને પણ ફંડ રિલીઝ કરવા કહ્યું છે. કોર્ટે આ કેસની આગામી સુનાવણી માટે 10 એપ્રિલની તારીખ નક્કી કરી છે. અગાઉ, આ જ કેસમાં, 1 એપ્રિલના રોજ, સર્વોચ્ચ અદાલતે AAP સરકારની અરજી પર દિલ્હીના મુખ્ય સચિવને નોટિસ પાઠવી હતી. આ અરજીમાં AAP સરકારે આરોપ લગાવ્યો હતો કે વિધાનસભા દ્વારા બજેટની મંજૂરી હોવા છતાં અધિકારીઓ દિલ્હી જલ બોર્ડને ફંડ નથી આપી રહ્યા.

નોંધનીય છે કે અરવિંદ કેજરીવાલ સરકારે નોકરશાહી અને દિલ્હીમાં સત્તારૂઢ AAP સરકાર સાથે જોડાયેલા આ મુદ્દા પર 20 માર્ચે સર્વોચ્ચ અદાલતનો સંપર્ક કર્યો હતો. દિલ્હી સરકારે દિલ્હી જળ બોર્ડ માટે 3000 કરોડ રૂપિયા જાહેર ન કરવાનો આરોપ લગાવ્યો હતો.