IRCTCની આ 'જાદુઈ' સુવિધા, હવે બોલીને ટ્રેન ટિકિટ બુક થશે

IRCTCએ એક ખુબજ મહત્વની સુવિધા એમના પોર્ટલ પર સેવામાં રાખેલ છે જે સેવાથી ઘણા ખરા લોકો હજી અજાણ છે. હજી પણ ઘણા મુસાફરો ટ્રેન ટિકિટ બુકવા કરવા માટે અલગ અલગ પોર્ટલ પર લાંબી પ્રક્રિયા ફોલો કરતાં હોય છે.

બોલીને ટિકિટ બુક થશે

IRCTCના પોર્ટલ પર હવે મુસાફરોને એમના પ્રવાસન સ્થળની ટિકિટ બુક કરવા માટે IRCTC પાસવર્ડ યાદ રાખવાની જરૂર નથી. હવે યાત્રિક તેમના મોબાઇલથી અવાજનો ઉપયોગ કરીને ટિકિટ બુક અથવા રદ કરી શકે છે અને એ પણ એકદમ સરળતાથી.

ચેટ બોટ AskDISHA 2.0 સૌથી સરળ

IRCTCના AI-સંચાલિત આ ચેટ બોટનું નાં AskDISHA 2.0 છે જેમાં યાત્રિક હિન્દી, અંગ્રેજી, ગુજરાતી અથવા અન્ય ભાષાઓમાં બોલીને એમની ટિકિટ બુક કરવાની સુવિધા આપે છે. આ માટે તમારે IRCTCમાં તમારો રજિસ્ટર્ડ મોબાઇલ નંબર દાખલ કરવો પડશે અને ત્યાર બાદ OTP દાખલ કર્યા પછી બસ થોડા સરળ સ્ટેપ ફોલો કરીને સેવાનો લાભ લઈ શકો છો.

માત્ર 6 સ્ટેપ અને ટિકિટ બુક

સૌ પ્રથમ તમારે IRCTC એપ ખોલીને તેમ Ask Disha પર ક્લિક કરવાનું છે. ત્યારબાદ ત્યાં ચેટ બોટમાં ટિકિટ બુક ટાઈપ કરીને પછી બોલીને કમાન્ડ આપવાનો છે. ત્યારબાદ તમારી જરૂરિયાત મુજબ પ્રવાસનનું સ્થળ , પ્રવાસની તારીખ અને કયા ક્લાસમાં તમારે સીટ બુક કરાવી છે વગેરે પસંદ કરવાનું છે.આટલું કર્યા બાદ ત્યાં તમને જે ટ્રેન ઉપલબ્ધ હશે તેના ટાઈમિંગ અને સીટ વગેરેની માહિતી મળશે. ત્યારબાદ પસંદગીની ટ્રેન કોચ અને કેટલા યાત્રિકો પ્રવાસ કરશે તે એડ કરીને ટિકિટ બુક કરી શકો છો.