UP News: ઇન્ડિ.ગઠબંધનની રેલીમાં હંગામો,ભાષણ આપ્યા વિના જ નીકળી ગયા રાહુલ-અખિલેશ

• યુપીના પ્રયાગરાજમાં ઇન્ડિ ગઠબંધનની જનસભામાં હંગામો
  
• ભાગોડ થતા કેટલાક લોકો ઘાયલ થયા હોવાનું આવ્યું સામે
• અખિલેશ યાદવ પહોંચતા જ ભીડ બેકાબૂ બની

લોકસભાની ચૂંટણીને લઇને રાજકીય દિગ્ગજો દ્વારા પ્રચાર તેજ કરવામાં આવ્યો છે. ત્યારે ઇન્ડિ ગઠબંધનની જાહેર સભા આજે પ્રયાગરાજમાં યોજાઇ હતી. જેમાં ભાગદોડ થતા અનેક લોકો ઘાયલ થયા હોવાનું સામે આવ્યું છે.

રાહુલ અને અખિલેશ પરત ફર્યા

મળતી માહિતી મુજબ અખિલેશ આવતા જ કાર્યકર્તાઓ બેકાબૂ બની ગયા હતા. બેરિકેડ તોડીને સ્ટેજ પર ચઢવાનો પ્રયાસ કરવા લાગ્યા. આ દરમિયાન ભાગદોડ થઇ હતી. નાસભાગને કારણે મીડિયાકર્મીઓના કેમેરા અને સ્ટેન્ડ તૂટી ગયા હતા. અરાજકતાને કારણે અરાજકતાનો માહોલ સર્જાયો હતો. ફુલપુરના પંડિલામાં આ જાહેરસભાનું આયોજન કરવામાં આવ્યું હતું. રાહુલ ગાંધી અને અખિલેશ યાદવ કોઈ ભાષણ આપ્યા વિના જ નીકળી ગયા હતા.

હેલિકોપ્ટરમાં બેસીને નીકળી ગયા

  ઈન્ડિયા એલાયન્સની રેલીમાં સપા અને કોંગ્રેસના કાર્યકરોની ભીડ એકઠી થઈ હતી. કોંગ્રેસ નેતા રાહુલ ગાંધી અને વિધાનસભા અધ્યક્ષ અખિલેશ યાદવને જોવા માટે લોકોની ભીડ ઉમટી પડી હતી.કાર્યકરો બેરિકેડ તોડી અંદર પ્રવેશ્યા. બધા કાર્યકરો સ્ટેજ પર ચઢી ગયા. આ પછી રાહુલ અને અખિલેશ ગુસ્સે થઈ ગયા. કાર્યકરોની ગેરવર્તણૂકથી રોષે ભરાયેલા બંને નેતાઓએ કશું ભાષણ આપ્યુ નહી. તેઓ બંને સ્ટેજ છોડીને હેલિકોપ્ટરમાં બેસીને રવાના થઇ ગયા હતા.