યુપી પોલીસ ગેંગસ્ટર રોહિત મોઈની કરી શકે છે પૂછપરછ

• હત્યા માટે હથિયાર પૂરા પાડનારા સામે કાર્યવાહી
  
• રોહત મોઈ ગેંગસ્ટર જિતેન્દ્ર ગોગીનો જમણો હાથ હતો
• રોહિત મોઈ ઘણા ગેંગસ્ટર સાથે સંબંધ ધરાવે છે

યુપી STF એ ગેંગસ્ટરમાંથી માફિયા બનેલા અને તે સમયના રાજકારણી અતીક અહેમદ અને તેના ભાઈ અશરફની હત્યાની તપાસ તેજ કરી છે. હવે તે આ હુમલાખોરોને હથિયાર પૂરા પાડનાર હથિયાર સપ્લાયર ગેંગ પર કાર્યવાહી કરવાની તૈયારી કરી રહ્યા છે. રીપોર્ટ મુજબ હવે યુપી STFના હાથે કથિત રીતે ઉત્તર ભારતના સૌથી મોટા હથિયાર સપ્લાયર ગેંગસ્ટર રોહિત મોઈ સુધી પહોંચ્યા છે. રોહત મોઈ ગેંગસ્ટર જિતેન્દ્ર ગોગીનો જમણો હાથ હતો અને ગોગીની હત્યા બાદ તેની ગેંગ સમગ્ર ઉત્તર ભારતમાં રોહિત મોઈએ સંભાળી છે.

કયા ગેંગસ્ટર સાથે સંબંધ ધરાવે છે?
ગેંગસ્ટર મોઇના જેલમાં ઘણા ગુનેગારો સાથે ફોટા જોવા મળ્યા હતા. તે લોરેન્સ સાથેની કેટલીક વાયરલ તસવીરોમાં પણ જોવા મળ્યો હતો. મોઇ જિગાના પિસ્તોલનો સૌથી મોટો સપ્લાયર છે અને જિગાના પિસ્તોલનો ઉપયોગ કરીને અતિક-અશરફની હત્યામાં કરવામાં આવી હતી. આ જ કારણ છે કે યુપી પોલીસ, એસટીએફ જિગાના પિસ્તોલના હથિયાર સપ્લાય કરનારાઓ પર નજર રાખી રહી છે. આ મામલે પૂછપરછ કરવા માટે પોલીસ તિહાડ જેલમાં ગેંગસ્ટરની પૂછપરછ કરી શકે છે.

માફિયા ભાઈઓની હત્યા ક્યારે અને કેવી રીતે કરવામાં આવી
માફિયા અતીક અહેમદ અને તેના ભાઈ અશરફ અહેમદની ગયા મહિને 15 એપ્રિલે હત્યા કરવામાં આવી હતી. જ્યારે યુપી પોલીસ તેમને તબીબી સારવાર માટે પ્રયાગરાજની એક હોસ્પિટલમાં લઈ જતી હતી. ત્યારે પત્રકારોના વેશમાં આવેલા હુમલાખોરો દ્વારા પોઈન્ટ બ્લેન્ક રેન્જમાંથી અતીક-અશરફને નિશાન બનાવ્યા અને ગોળીબાર કર્યો હતો. જેના  કારણે બંને માફિયા ભાઈઓ મૃત્યુ પામ્યા હતા.

માફિયા ભાઈઓની હત્યા કરનારા ત્રણ હુમલાખોરોએ
બંનેની હત્યા કર્યા બાદ હુમલાખોરોએ સ્થળ પર જ પોલીસ સામે સરેન્ડર કરી દીઘું હતું. જે બાદ પોલીસ આ મામલે તપાસ કરી રહી છે. યુપી STF પણ આ મામલે સહયોગ કરી રહી છે. જેથી અતીક-અશરફના હત્યારાઓને સજા મળી શકે.