CDSCOને 53 દવાઓ ટેસ્ટમાં નિષ્ફળ મળી છે. આ માહિતી સામે આવ્યા બાદ તમારા મનમાં આ સવાલ પણ આવી રહ્યો હશે કે CDSCO શું છે. CDSCO નું પૂરું નામ સેન્ટ્રલ ડ્રગ સ્ટાન્ડર્ડ કંટ્રોલ ઓર્ગેનાઈઝેશન છે. તેને હિન્દીમાં સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશન કહે છે.
50થી વધુ દવાઓ ગુણવત્તા પરીક્ષણમાં નિષ્ફળ
દેશમાં 53 દવાઓ સેન્ટ્રલ ડ્રગ્સ સ્ટાન્ડર્ડ્સ કંટ્રોલની તપાસમાં ફેલ જોવા મળી છે. જેમાં પેરાસિટામોલ પણ સામેલ છે. જેનો ઉપયોગ તાવ-દુખાવામાં થતો હોય છે. CDSCO એ પોતાની નવી નોટ ઓફ સ્ટાન્ડર્ડ ક્વોલિટી એલર્ટ યાદીમાં 53 દવાઓના નામ મૂક્યા છે. આ યાદીમાં વિટામીન સી અને D3 ની ગોળીઓ શેલકાલ(Shelcal 500), વિટામીન બી કોમ્પ્લેક્સ, વિટામીન સી સોફ્ટજેલ, એન્ટાસિડ Pan-D, પેરાસિટામોલ 500 MG, ડાયાબિટીસની દવા ગ્લીમેપિરાઈડ, હાઈ બ્લડ પ્રેશરની દવા ટેલ્મીસેરટેન પણ સામેલ છે.
CDSCO નું પૂરું નામ સેન્ટ્રલ ડ્રગ સ્ટાન્ડર્ડ કંટ્રોલ ઓર્ગેનાઈઝેશન છે. તેને હિન્દીમાં સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશન કહે છે. તે ભારત સરકાર હેઠળ આવે છે. CDSCO એ ભારતની રાષ્ટ્રીય નિયમનકારી સત્તા છે. તેનું મુખ્ય મથક FDA ભવન, કોટલા રોડ, નવી દિલ્હી ખાતે છે. તેની છ ઝોનલ અને ચાર સબ-ઝોનલ કચેરીઓ છે. તેની દેશભરમાં સાત પ્રયોગશાળાઓ પણ છે.
જાણો CDSCOના કાર્યો
- નવી દવાઓની મંજૂરી
- ક્લિનિકલ ટ્રાયલ હાથ ધરે છે
- દવાઓ માટેના ધોરણો નક્કી કરવા
- દેશમાં આવતી દવાઓની ગુણવત્તાને નિયંત્રિત કરવી
- રાજ્ય ઔષધ નિયંત્રણ સંસ્થાઓના કાર્યનું સંકલન કરવું
- દવાઓ, સૌંદર્ય પ્રસાધનો અને તબીબી ઉપકરણોની સલામતી, અસરકારકતા અને ગુણવત્તામાં વધારો કરીને જાહેર આરોગ્યનું રક્ષણ કરવું.
ડ્રગ્સ એન્ડ કોસ્મેટિક્સ એક્ટ 1940 અને નિયમો 1945 એ દવાઓ અને સૌંદર્ય પ્રસાધનોના નિયમન માટે કેન્દ્ર અને રાજ્યના નિયમનકારોને વિવિધ જવાબદારીઓ સોંપી છે. CDSCO ની અંદર ડ્રગ કંટ્રોલર જનરલ ઓફ ઈન્ડિયા (DCGI) દવાઓ અને તબીબી ઉપકરણોનું નિયમન કરે છે અને આરોગ્ય અને પરિવાર કલ્યાણ મંત્રાલય હેઠળ આવે છે. DCGI ને ડ્રગ ટેકનિકલ એડવાઇઝરી બોર્ડ (DTAB) અને ડ્રગ કન્સલ્ટેટિવ કમિટી (DCC) દ્વારા સલાહ આપવામાં આવે છે. ઓથોરિટી સાથે કામ કરતા ઉત્પાદકોએ ભારતમાં CDSCO સાથેના તમામ વ્યવહારોમાં તેમનું પ્રતિનિધિત્વ કરવા માટે એક અધિકૃત ભારતીય પ્રતિનિધિ (AIR) નિયુક્ત કરવાની જરૂર છે.
