Weather Updates: આગામી 5 દિવસ મેઘમંડાણ..! ગુજરાત સહિત 14 રાજ્યોમાં મેઘરાજા ધમરોળશે

• દેશમાં ચોમાસુ બરોબરનું જામ્યું
  
• ઉત્તર-દક્ષિણ-પૂર્વ-પશ્ચિમના ભારતમાં વરસાદ રહેશે
• દેશની અનેક નદીઓ થઇ ઓવરફ્લો

દેશમાં ચોમાસું પોતાનો પ્રભાવ બતાવી રહ્યા છે. ઉત્તર-પૂર્વના રાજ્યોથી લઈને પર્વતીય રાજ્યો સુધી વરસાદની અસર જોવા મળી છે. એટલું જ નહીં, આગામી 5 દિવસ દરમિયાન પશ્ચિમ કિનારે અલગ-અલગ સ્થળોએ ભારેથી અતિ ભારે વરસાદ ચાલુ રહેવાની શક્યતા છે.

આગામી 5 દિવસ મેઘમંડાણ..!

આગામી 3-4 દિવસ દરમિયાન ઉત્તર-પશ્ચિમ, મધ્ય અને પૂર્વ ભારતમાં અલગ-અલગ ભારેથી અતિ ભારે વરસાદ સાથે વ્યાપક વરસાદ થવાની સંભાવના છે. હવામાન વિભાગની આગાહી મુજબ, આગામી 24 કલાકમાં કર્ણાટક, કેરળ, ગુજરાત, ઉત્તરાખંડ, પૂર્વ ઉત્તર પ્રદેશ અને પશ્ચિમ બંગાળમાં વરસાદની સંભાવના છે. આગામી 24 કલાકમાં દક્ષિણ આંતરિક કર્ણાટકમાં અલગ-અલગ સ્થળોએ ભારેથી અતિ ભારે વરસાદની અપેક્ષા છે.

હવામાન વિભાગની આગાહી મુજબ, કેરળ, ગુજરાત પ્રદેશ, છત્તીસગઢ, ઉત્તરાખંડ, કોસ્ટલ કર્ણાટક, કોંકણ અને ગોવા, મધ્ય મહારાષ્ટ્ર, બિહાર, આસામ અને મેઘાલયમાં છૂટાછવાયા સ્થળોએ ભારેથી અતિ ભારે વરસાદની શક્યતા છે. પૂર્વ રાજસ્થાન, ઉત્તરાખંડ, પૂર્વ ઉત્તર પ્રદેશ, તેલંગાણા, તમિલનાડુ, સૌરાષ્ટ્ર, ઉત્તર આંતરિક કર્ણાટક, મરાઠવાડા, ઉપ-હિમાલયી પશ્ચિમ બંગાળ, ઝારખંડ અને મિઝોરમમાં છૂટાછવાયા સ્થળોએ ભારે વરસાદની અપેક્ષા છે.

બુધવારે દિલ્હીમાં ભારે વરસાદની સંભાવના છે, જેનાથી શહેરમાં ભેજવાળી ગરમીથી રાહત મળવાની અપેક્ષા છે. IMDએ જણાવ્યું હતું કે રાષ્ટ્રીય રાજધાનીમાં લઘુત્તમ તાપમાન 30.4 ડિગ્રી સેલ્સિયસ નોંધાયું હતું, જે આ સિઝનના સામાન્ય તાપમાન કરતાં 3.3 ડિગ્રી સેલ્સિયસ વધારે છે. સવારે 8.30 કલાકે શહેરમાં સાપેક્ષ ભેજનું પ્રમાણ 79 ટકા નોંધાયું હતું.