હરિયાણાના હિસારની રહેવાસી પાકિસ્તાની જાસૂસ જ્યોતિનો ખુલાસો હવે બધાની સામે થયો છે. ટ્રાવેલ બ્લોગર્સના કવર પેજ પર રહેતી જ્યોતિ આવું કંઈક કરતી, તેના પડોશીઓ જ નહીં પણ તેના પરિવારને પણ આ વાતની કોઈ ખબર નહોતી, પણ જ્યોતિ મલ્હોત્રા ક્યારે પાકિસ્તાન માટે જાસૂસ બની ગઈ તેનો કોઈને ખ્યાલ પણ ન આવ્યો.
જ્યોતિ હરિયાણાના હિસારની રહેવાસી છે. લોકડાઉન પહેલા તે ગુરુગ્રામમાં એક ખાનગી કંપનીમાં કામ કરતી હતી, પરંતુ કોરોના અને લોકડાઉનને કારણે, તેણીએ નોકરી ગુમાવી દીધી. આ પછી તે હિસાર આવી અને યુટ્યુબ પર તેનું ટ્રાવેલ બ્લોગિંગ કાર્ય શરૂ કર્યું. 2023 માં તેણીએ પાકિસ્તાનનો પ્રવાસ કર્યો અને ત્યાં તે પાકિસ્તાની ગુપ્તચર એજન્સીના સંપર્કમાં આવી.
જ્યોતિએ કેવી રીતે જાસૂસી કરી?
જ્યોતિ મલ્હોત્રાની સાથે, પાકિસ્તાન માટે જાસૂસી કરવાના આરોપમાં 5 વધુ ભારતીયોની ધરપકડ કરવામાં આવી છે. આ બધા લોકો પાકિસ્તાન માટે જાસૂસી કરતા હતા, તેમનું નેટવર્ક હરિયાણાથી પંજાબ સુધી ફેલાયેલું છે. જેના દ્વારા તેઓ પાકિસ્તાન સાથે સેના સંબંધિત અને અન્ય મહત્વપૂર્ણ માહિતી શેર કરતા હતા. તમને જણાવી દઈએ કે "ટ્રાવેલ વિથ જો" નામની યુટ્યુબ ચેનલ ચલાવતી જ્યોતિ મલ્હોત્રા પણ આરોપીઓમાં સામેલ છે. અધિકારીઓએ ખુલાસો કર્યો છે કે કમિશન એજન્ટો દ્વારા વિઝા મેળવ્યા બાદ તે 2023 માં પાકિસ્તાન ગઇ હતો. તેણે મુલાકાત દરમિયાન તેમણે નવી દિલ્હીમાં પાકિસ્તાન હાઈ કમિશનના કર્મચારી એહસાન-ઉર-રહીમ ઉર્ફે દાનિશ સાથે ગાઢ સંબંધો વિકસાવ્યા.
પાકિસ્તાન હાઇકમિશનના અધિકારીના સંપર્કમાં આવ્યા
મીડિયા રિપોર્ટ્સ અનુસાર જ્યોતિ મલ્હોત્રાના પાકિસ્તાન હાઈ કમિશનના અધિકારી દાનિશ સાથે સંબંધો હતા, જેને ભારત સરકારે 13 મે 2025 ના રોજ પર્સોના નોન ગ્રેટા જાહેર કર્યો હતો અને 24 કલાકની અંદર ભારત છોડવાનો આદેશ આપ્યો હતો. તમને જણાવી દઈએ કે દાનિશ પર જ્યોતિ અને અન્ય ભારતીયોને પાકિસ્તાની ગુપ્તચર અધિકારીઓ સાથે પરિચય કરાવવાનો આરોપ છે.
કોણ છે ગુઝાલા ?
જ્યોતિ ઉપરાંત અન્ય એક મુખ્ય આરોપી ગુઝાલા છે, જે પંજાબના માલેરકોટલાની 32 વર્ષીય વિધવા છે. 27 ફેબ્રુઆરી, 2025 ના રોજ, ગુઝાલા નવી દિલ્હી સ્થિત પાકિસ્તાન હાઈ કમિશનમાં વિઝા માટે અરજી કરવા ગઇ અને ત્યાં, તે દાનિશને મળી અને તેની સાથે નિયમિત વાત કરવા લાગી. દાનિશે ટૂંક સમયમાં જ તેણીને વોટ્સએપથી ટેલિગ્રામ પર સ્વિચ કરવા માટે સમજાવી, અને દાવો કર્યો કે તે વધુ સુરક્ષિત છે. તેણે લગ્નનું વચન આપીને અને ચેટ અને વિડીયો કોલ દ્વારા રોમેન્ટિક સંબંધ શરૂ કરીને તેણીનો વિશ્વાસ પણ મેળવ્યો.
સમય જતાં, દાનિશે ગુઝાલાને પૈસા મોકલવાનું શરૂ કર્યું - 7 માર્ચે પેમેન્ટ એપ ફોનપે દ્વારા 10,000 રૂપિયા અને 23 માર્ચે બીજી પેમેન્ટ એપ ગુગલ પે દ્વારા 20,000 રૂપિયા. બાદમાં, તેણે તેણીને 10,000 રૂપિયા આપ્યા જેમાં 1,800 રૂપિયા, 899 રૂપિયા, 699 રૂપિયા અને 3,000 રૂપિયાનો સમાવેશ થાય છે.
