Zika Virus: પુણેમાં ઝીકા વાયરસના વધુ 5 કેસ નોંધાયા, સ્વાસ્થ્ય વિભાગ એલર્ટ

• મહારાષ્ટ્રના પુણેમાં જીકા વાયરસના નવા 5 કેસ
  
• મહારાષ્ટ્ર સ્વાસ્થ્ય વિભાગ એલર્ટ
• અત્યાર સુધીમાં જીકા વાયરસના કુલ 11 દર્દીઓ

મહારાષ્ટ્રના પુણેમાં ઝીકા વાયરસના 5 નવા કેસ સામે આવતાં ખળભળાટ મચી ગયો છે. PMCએ શનિવારે ત્રણ સગર્ભા મહિલાઓ સહિત શહેરમાં વધુ પાંચ લોકોમાં ઝિકા વાયરસના સંક્રમણની પુષ્ટિ કરી હતી. આ સાથે 20 જૂનથી અત્યાર સુધીમાં કુલ 11 કેસ નોંધાયા છે.

એલર્ટમાં સ્વાસ્થ્ય વિભાગ

નવા કેસ નોંધાતા મહારાષ્ટ્ર આરોગ્ય વિભાગ એલર્ટ મોડ પર આવી ગયું છે. ડોક્ટરો તમામ સંક્રમિત દર્દીઓના સ્વાસ્થ્ય પર નજર રાખવામાં આવી રહી છે. દર્દીઓમાં શરીર પર લાલ ફોલ્લીઓ, તાવ અને સ્નાયુઓમાં દુખાવો જેવા લક્ષણો જોવા મળ્યા છે. તેમની સારવાર કરવામાં આવી રહી છે. ડોકટરો ઝિકા વાયરસથી સંક્રમિત તમામ 11 દર્દીઓના સ્વાસ્થ્ય પર નજર રાખી રહ્યા છે.

ઝિકા વાયરસ શું છે?

ડેન્ગ્યુ અને ચિકનગુનિયાની જેમ ઝીકા એ એડીસ મચ્છરથી થતો વાયરલ રોગ છે. તે બિન-જીવલેણ રોગ છે. જો કે, ઝીકાથી સંક્રમિત સગર્ભા સ્ત્રીઓમાં જન્મેલા બાળકોમાં માઇક્રોસેફાલી (માથાનું કદ ઘટાડવું) હોય છે, જે તેને એક મોટી ચિંતા બનાવે છે.

જાણો ઝીકા વાયરસના લક્ષણો

• તાવ આવવો
• સ્કીન પર રેશિઝ
• સાંધામાં દર્દ
• માંસપેશીઓમાં દર્દ
• માથું દુઃખવું
• ઉલ્ટી થવી

આ રીતે બચો ઝીકા વાયરસથી

• ઈંસેક્ટ રિપેલેંટનો કરો ઉપયોગ
• ફૂલ સ્લીવ્સના કપડા પહેરો
• બારી અને દરવાજા પર મચ્છરની જાળીનો ઉપયોગ કરો.
• શક્ય હોય તો મચ્છર દાનીનો ઉપયોગ કરો.

વાયરસ ફેલાવવાથી કેવી રીતે બચશો

આ વાયરસ જલ્દી એક વ્યક્તિથી અન્ય વ્યક્તિ સુધી પહોંચે છે. સંક્રમિત વ્યક્તિમાં લક્ષણો દેખાયા બાદ લગભગ 3 અઠવાડિયા સુધી લોકોથી અંતર બનાવીને રાખો. શારીરિક સંબંધો ટાળો. જ્યાં ઝીકા વાયરસના કેસ હોય ત્યાં જવાથી બચો.