Knowledge: કોમ્પ્યુટરના કી-બોર્ડમાં F અને Jમાં કેમ હોય છે નિશાન? જાણો

આજકાલ લગભગ દરેક જગ્યાએ કોમ્પ્યુટર અને લેપટોપનો ઉપયોગ થઈ રહ્યો છે. અભ્યાસ હોય કે નોકરી. આવી સ્થિતિમાં તમે પણ તેનો ઉપયોગ કરતા હશો. તમે એ પણ નોંધ્યું હશે કે કોમ્પ્યુટર અને લેપટોપ કી-બોર્ડ પર F અને J અક્ષરો પર બે નાના નિશાનો બનાવેલા હોય છે. આ નિશાનો કોઈપણ કી-બોર્ડ પર સરળતાથી જોઈ શકાય છે, પછી ભલે તે જૂનું કી-બોર્ડ હોય કે નવું, પરંતુ શું તમે ક્યારેય વિચાર્યું છે કે કી-બોર્ડ પર આ નિશાનો બનાવવા પાછળની કહાની શું છે? ચાલો આજે જાણીએ.

F અને J બટનો પર શા માટે નિશાન?

તમને જાણીને નવાઈ લાગશે કે F અને J બટનો પરના આ નાના નિશાનો ટાઈપિંગની દુનિયામાં મોટી ભૂમિકા ભજવે છે. તેમનો મુખ્ય હેતુ ટાઈપિંગ સ્પીડ વધારવાનો અને કી-બોર્ડને જોયા વગર સાચું બટન દબાવવામાં ટાઈપરને મદદ કરવાનો છે.

આ બટનોથી કી-બોર્ડને જોયા વગર કરી શકાય છે ટાઈપિંગ

તમને જણાવી દઈએ કે આ નિશાન આપણે ટચ ટાઈપિંગમાં મદદ કરે છે. ટચ ટાઇપિંગમાં આપણે કી-બોર્ડને જોયા વગર આંગળીઓ અને બટનોની સ્થિતિ અનુભવીને ટાઇપ કરીએ છીએ. તેમજ ડાબા હાથની તર્જની આંગળીને F બટન પર અને જમણા હાથની તર્જની આંગળીને J બટન પર રાખવાથી બાકીની આંગળીઓ આપોઆપ સાચી જગ્યાએ જાય છે. આનાથી ટાઇપિંગની ઝડપ અને સાચી પદ્ધતિ થાય છે. આ ઉપરાંત આ નિશાન ટાઇપ કરનારને ટાઇપ કરવાનું શરૂ કરવા માટે કી-બોર્ડ પર આંગળીઓનું સાચું સ્થાન જણાવવામાં પણ મદદરૂપ થાય છે.

કેમ F અને J બટનોને જ પસંદ કરાયા?

હવે પ્રશ્ન એ ઊભો થાય છે કે આના માટે માત્ર F અને J બટનો જ કેમ પસંદ કરવામાં આવ્યા? તો ચાલો તમને જણાવી દઈએ કે આનું કારણ આ બટનોની સ્થિતિ છે. આ બે બટનો કી-બોર્ડની બરાબર મધ્યમાં છે અને તેમની આસપાસના બટનોનો સૌથી વધુ ઉપયોગ થાય છે. તેથી આ બટનો પર નિશાન કરીને ટાઈપર માટે અન્ય બટનો સુધી પહોંચવાનું સરળ બને છે.

આ બટનોનો ઈતિહાસ

જો આપણે આ બટનોનો ઈતિહાસ જોઈએ તો તેમનો ઈતિહાસ ટાઈપરાઈટરના સમયનો છે. તે સમયે ટાઈપરાઈટર પર ટાઈપ કરવા માટે બન્ને હાથની આંગળીઓને ચોક્કસ જગ્યાએ રાખવી પડતી હતી. આ નિશાનોથી ટાઈપર આંગળીઓનું ચોક્કસ સ્થાન જાણી શકતો હતો. પછી જ્યારે કોમ્પ્યુટર અને કી-બોર્ડ આવ્યા ત્યારે આ ડિઝાઇન પણ અપનાવવામાં આવી.