ભારતમાં ક્રિકેટનો ખૂબ જ ક્રેઝ છે. ભારતમાં ક્રિકેટરોને ભગવાનની જેમ પુજવામાં આવે છે. ક્રિકેટનું કોઈ મોટું ટુર્નામેન્ટ આવે તો ફેન્સ તેને તહેવારની જેમ સેલીબ્રેટ કરે છે.
ભારત-ઈંગ્લેન્ડ ટેસ્ટ સીરીઝ
ભારત-ઈંગ્લેન્ડ ટેસ્ટ સીરીઝ પર નજર નાખો. ક્રિકેટ પ્રેમીઓમાં આ પાંચ મેચની સીરીઝનો ક્રેઝ ચરમસીમાએ છે. ભલે ભારત આ સીરીઝ માં બે મેચ હારી ગયું હોય અને ઈંગ્લેન્ડ 2-1થી આગળ હોય, ફેન્સને ચોથી ટેસ્ટમાં ટીમ ઈન્ડિયા પાસેથી ઘણી અપેક્ષાઓ છે. ભારતમાં ક્રિકેટનો આ ક્રેઝ નવો નથી. તેનો ઇતિહાસ ઘણો જૂનો છે. ભારત એ જ દેશ છે જેના ફેન્સ T-20 અને ODI કરતાં ટેસ્ટ ક્રિકેટને વધુ પસંદ કરે છે.
શું તમે જાણો છો કે ભારતમાં પહેલી ટેસ્ટ મેચ ક્યારે અને કઈ ટીમો વચ્ચે રમાઈ હતી અને કયા સ્ટેડિયમમાં રમાઈ હતી? જાણો
હોમ ગ્રાઉન્ડ પર થઈ હતી પહેલી ટેસ્ટ મેચ
ભારતે 1933માં હોમ ગ્રાઉન્ડ પર પહેલી ટેસ્ટ મેચ રમી હતી. આ મેચ 15 થી 18 ડિસેમ્બર દરમિયાન બોમ્બેના જીમખાના ગ્રાઉન્ડ ખાતે યોજાઈ હતી. ભારતીય ભૂમિ પર રમાયેલી પહેલી ટેસ્ટ મેચ ઇંગ્લેન્ડ સામે હતી. તે ત્રણ ટેસ્ટ મેચની સીરીઝ હતી જેમાં ભારતને તેની પહેલી જ મેચમાં 9 વિકેટથી હારનો સામનો કરવો પડ્યો હતો.
આ ટેસ્ટ સીરીઝની બીજી મેચ ઇડન ગાર્ડન્સ ખાતે રમાઈ હતી, જે ડ્રો રહી હતી. આ પછી ત્રીજી મેચ 10 થી 13 ફેબ્રુઆરી 1934 દરમિયાન મદ્રાસ ક્રિકેટ ક્લબ ગ્રાઉન્ડ ખાતે રમાઈ હતી, જેમાં ઇંગ્લેન્ડ 202 રનથી જીત્યું હતું.
