સોશિયલ મીડિયા પર ક્યારે શું વાયરલ થઈ જાય તે કોઈ નથી જાણતું. આ દિવસોમાં એક વિચિત્ર દેખાવનારી ડોલ જેને લાબુબૂ ડોલ કહેવામાં આવે છે તે ખૂબ જ વાયરલ થઈ રહી છે. તેને જોઈને લોકો હેરાન તો થઈ રહ્યા છે સાથે સાથે ડર પણ લાગી રહ્યો છે.
ઘણા લોકોનું કહેવું એમ છે કે, આ એક શેતાની ડોલ છે અને રાક્ષસનું રૂપ છે. તો ઘણા લોકો એમ પણ કહે છે કે આ ડોલ નેગેટિવ છે. કહેવાય છે કે આ ડોલ એક પ્રાચીન સમયના રાક્ષસ સાથે જોડાયેલ છે, એટલા માટે બાળકોને આ ડોલ આપવી ખતરનાક સાબિત થઈ શકે છે. પરંતુ શું હકીકતમાં આવું થાય છે, કે પછી આ માત્ર ખોટી ખબરો છે? જાણો
તે શૈતાની હોવાની શંકા કેવી રીતે થઈ?
લાબૂબુ ડોલ એક રાક્ષસી ડોલ હોવાની શંકા ત્યારે ઉભી થઈ જ્યારે એક ઇન્સ્ટાગ્રામ વીડિયો વાયરલ થયો. આમાં, લાબૂબુ ડોલ એક ડરામણી વ્યક્તિ પાસે બતાવવામાં આવી હતી. આ વીડિયોમાં ફેમસ એનિમેટેડ સિટકોમ ધ સિમ્પસન્સનો એક સીન ઉમેરવામાં આવ્યો છે, જેમાં એક મહિલા ભૂલથી એક રાક્ષસી ડોલ ખરીદી લે છે અને તેને તેના બાળકને આપે છે, ત્યારબાદ તેની આસપાસ વિચિત્ર રાક્ષસી પ્રવૃત્તિઓ થવા લાગે છે. આ કારણે, આ ડોલને રાક્ષસીનું સ્વરૂપ માનવામાં આવે છે અને આ વસ્તુ સોશિયલ મીડિયા પર આગની જેમ વાયરલ થઈ છે.
લાબૂબુ વિશે સત્ય શું છે?
લાબૂબુ ડોલ જોવામાં સુંદર અને ડરામણી બંને છે. આ વિચિત્ર રાક્ષસ જેવી ડોલ હોંગકોંગના કલાકાર કેસિંગ લંગ દ્વારા બનાવવામાં આવી હતી. તેમણે 2015માં એક પિક્ચર બુક સીરીઝમાં બનાવી હતી, જેનું નામ ધ મોન્સ્ટર હતું. આ પુસ્તકમાં લાબૂબુ નામનું એક પાત્ર પણ હતું. કેસિંગે રમકડાની દુકાન પોપ માર્ટ સાથે મળીને તેને ડોલ તરીકે બનાવી અને બજારમાં રજૂ કરી. આ ડોલમાં રાક્ષસ જેવી મોટી આંખો અને સસલા જેવા મોટા કાન છે, સાથે જ તેના ચહેરા પર ખતરનાક સ્મિત પણ છે. આ ડોલને પહેલી વાર જોઈને ખરેખર ડર લાગે છે.
લાબૂબુબુ ડોલ કેવી રીતે વેચાય છે?
લાબૂબુ ડોલ જે રીતે વેચાય છે તે પણ તેના વાયરલ થવા પાછળનું એક મોટું કારણ માનવામાં આવે છે. વાસ્તવમાં, તે બ્લાઇન્ડ બોક્સમાં આવે છે, એટલે કે ડોલ ખરીદનાર વ્યક્તિને ખબર નથી હોતી કે તેના બોક્સમાં કઈ ડોલ આવવાની છે. મનમાં ઉત્સાહ અને આશ્ચર્ય બંને છે. હવે લોકોમાં આ ડોલની માગ એટલી વધી ગઈ છે કે પોપ માર્ટની એપ અમેરિકન એપ્સમાં ટોચ પર પહોંચી ગઈ છે અને કંપનીના શેર પણ વધ્યા છે.
