ઈરાન અને ઈઝરાયલ વચ્ચે ચાલી રહેલા યુદ્ધમાં અમેરિકાએ હવે એન્ટ્રી મારી છે. અમેરિકાએ ઈરાન પર ત્રણ પરમાણુ ઠેકાણાઓ ફોર્દો, નંતાઝ અને ઈસ્ફહાન પર હુમલો કર્યો છે. આ હુમલા પછી હવે અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે, ઈરાને હવે શાંતિ સ્થાપિત કરી લેવી જોઈએ. મીડિયા રિપોર્ટ મુજબ, અમેરીકી ઉપરાષ્ટ્રપતિ ઝેડી વેંસ આ હુમલાના પક્ષમાં ના હોતા.
હુમલા પછી તેમણે નિવેદન આપ્યું હતું કે, અમેરિકા ઈરાન સાથે યુદ્ધ નથી કરી રહ્યું, અમારું લક્ષ્ય ફક્ત ઈરાનના પરમાણુ ઠેકાણાઓને નાશ કરવાનું છે. જે કે ઈરાન આ હુમલાને યુએન રાષ્ટ્ર ચાર્ટરનું ઉલ્લંઘન કર્યું છે તેવું કહી રહ્યો છે. અમેરિકાના આ હુમલા પછી હવે મનમાં ઘણા સવાલો થઈ રહ્યા છે કે શું કોઈ પણ દેશ ગમે ત્યારે ઈચ્છે ત્યારે તે હુમલે કરી શકે છે? શું અમેરિકીને રોકવા માટે કોઈ નિયમ નથી.
શું અમેરિકા કોઈ પણ દેશ પર હુમલો કરી શકે છે?
અમેરિકા પાસે વિશ્વની સૌથી મજબૂત સેના છે. તેની પાસે આધુનિક હથિયારો છે. તેની પાસે સ્ટીલ્થ બોમ્બર્સ છે. તેની પાસે વિશ્વના સૌથી ખતરનાક અને આધુનિક ફાઇટર જેટ છે. તેની પાસે વિશ્વની સૌથી શક્તિશાળી નેવીસેના અને વિશ્વની સૌથી શક્તિશાળી વાયુસેના છે. તમે અમેરિકાની શક્તિનો અંદાજ એ હકીકત પરથી લગાવી શકો છો કે તેનું સંરક્ષણ બજેટ ઘણા દેશોના કુલ GDP કરતા વધુ છે. જોકે, આનો અર્થ એ નથી કે અમેરિકા જ્યારે ઇચ્છે ત્યારે કોઈપણ દેશ પર હુમલો કરશે. અમેરિકા સામાન્ય રીતે રાષ્ટ્રીય સુરક્ષા, આતંકવાદ સામે લડાઈ અથવા લોકશાહીના રક્ષણના નામે હુમલો કરે છે.
આ માટે તેની ઘણી ટીકા થાય છે, પરંતુ અમેરિકાની લશ્કરી અને રાજદ્વારી શક્તિ એટલી મહાન છે કે તેણે સંયુક્ત રાષ્ટ્ર, આંતરરાષ્ટ્રીય કાયદા અથવા વૈશ્વિક વિરોધ છતાં ઘણીવાર અન્ય દેશો સામે લશ્કરી કાર્યવાહી કરી છે.
અમેરિકાએ કયા દેશો પર હુમલો કર્યો છે?
જો આપણે ઇતિહાસ પર નજર કરીએ તો અમેરિકાએ વિશ્વના ઘણા દેશો પર હુમલો કર્યો છે. બીજા વિશ્વયુદ્ધ પછી તેણે જાપાન પર પરમાણુ હથિયારોથી હુમલો કર્યો. દક્ષિણ કોરિયાને બચાવવાના નામે તે કોરિયન યુદ્ધમાં પ્રવેશ્યું. તે સામ્યવાદને રોકવા માટે વિયેતનામ ગયો અને પછી હાર સ્વીકારીને ભાગી જવું પડ્યું. ઇરાક, અફઘાનિસ્તાન, લિબિયા અને સીરિયા જેવા ઘણા દેશો તેના ઉદાહરણો છે. અમેરિકાએ આ દેશોમાં વિવિધ કારણોસર દખલ કરી.
શું અમેરિકાને કોઈ રોકી શકતું નથી?
સંયુક્ત રાષ્ટ્ર સુરક્ષા પરિષદ પાસે કોઈપણ દેશ વિરુદ્ધ કાર્યવાહી અટકાવવાની સત્તા છે, પરંતુ અમેરિકા પોતે UNSCનો કાયમી સભ્ય છે અને તેની પાસે વીટો પાવર છે જેના દ્વારા તે પોતાનું રક્ષણ કરી શકે છે. અમેરિકાની લશ્કરી, આર્થિક અને રાજકીય શક્તિ એટલી મહાન છે કે મોટાભાગના દેશો તેની સાથે સીધો મુકાબલો કરવા માગતા નથી. જોકે, હાલમાં વિશ્વ બે ભાગમાં વહેંચાયેલું છે. એક તરફ અમેરિકા અને પશ્ચિમી દેશો છે અને બીજી તરફ રશિયા, ચીન, ઉત્તર કોરિયા જેવા દેશો છે. આ દેશો એવા દેશોને ટેકો આપે છે જે અમેરિકા સાથે નથી મળતા.
