મધ્ય પૂર્વનો એક નાનો દેશ કતાર આજે વિશ્વના સૌથી ધનિક દેશોમાં ગણાય છે. ફક્ત 12,000 ચોરસ કિલોમીટરમાં ફેલાયેલો આ દેશ લગભગ 28 લાખ લોકોનો છે. જેમાંથી 90 ટકા લોકો સ્થળાંતરિત છે. પરંતુ એક સમયે આ કતાર એટલો ગરીબ હતો કે લોકો અહીંથી સ્થળાંતર કરી રહ્યા હતા. પરિસ્થિતિ એવી હતી કે 1930 અને 40 ના દાયકામાં દેશની 30 ટકા વસ્તી અહીંથી નીકળી ગઈ હતી અને કતારમાં માંડ 24 થી 25 હજાર લોકો બચ્યા હતા.
તેલ દ્વારા બદલાય ગઈ કિસ્મત
કતારનું 1939 નું વર્ષ માટે એક વળાંક સાબિત થયું આ વર્ષે, કતારની રાજધાની દોહાથી લગભગ 80 કિલોમીટર દૂર દુખાન વિસ્તારમાં પ્રથમ તેલનો કૂવો શોધાયો . વિશ્વ બીજા વિશ્વયુદ્ધની તૈયારી કરી રહ્યું હતું અને કતારે તેનો પૂરો લાભ લીધો. કતારના ખજાના તેલ નિકાસથી ભરવા લાગ્યા અને ધીમે ધીમે દેશનું નસીબ બદલાવા લાગ્યું. તેલના કૂવાને કારણે નસીબમાં ફેરફારની સાથે, 1971 માં કતારને વિશ્વનો સૌથી મોટો કુદરતી ગેસ ભંડાર મળ્યો. આ શોધે કતારના અર્થતંત્રને રોકેટની જેમ ઉપર લઈ ગયો . રશિયા અને ઈરાન જેવા દેશોની તુલનામાં ગેસ નિકાસમાં કતાર એક મોટો ખેલાડી બન્યો. આજે કતાર તેલ અને ગેસ બંનેનો સૌથી મોટો સપ્લાયર છે .
