Holi 2025: અહીં હોળીનો રંગ નથી, પરંપરાનો ડર વધુ છે

ભારતમાં જ્યાં ઠેરઠેર રંગોથી, ફુલોથી અને પાણીથી હોળી રમવા આવે છે ત્યાં એક સ્થળ એવું છે જ્યાં તહેવારના નામે ડર જોવા મળ્યો છે. અહીં જો યુવકનો રંગ યુવતી પર પડે તો કાંતો તેણે દંડ ફટકારવામાં આવે છે અથવા તે બંનેએ લગ્ન કરવા પડે છે. ઝારખંડના સંથાલ આદિવાસી સમાજમાં હોળીના તહેવાર નિમિત્તે અનોખી પરંપરા જોવા મળે છે. પરંતુ હવે અહીં પુરુષ જ પુરુષ સાથે હોળી રમી શકે છે.

પ્રકૃતિની પૂજા અને તીર-ધનુષનો ઉત્સવ

બાહા એક તહેવાર જ નહી પરંતુ પ્રકૃતિની પૂજા કરવાનો અવસર પણ છે. આ દિવસે સંથાલ આદિવાસી પારંપરિક હથિયાર તીર અને ધનુષની પૂજા કરે છે. અને સાથે જ પાંદડા અને ફુલોને કાનમાં લગાવીને આ તહેવારને ખાસ બનાવે છે. એવું માનવામાં આવે છે કે જેવી રીતે સાલના પાંદડા રંગ નથી બદલતા તેવી જ રીતે સંથાલ સમાજ તેમની પરંપરાઓ અડીગપણે નિભાવે છે. ઢોલ-નગારાના સાથે પુરુષો એકબીજા સાથે હોળીનો તહેવાર ઉજવે છે.

રંગોથી રમ્યા પછી શિકારની પરંપરા

બાહા ઉત્સવ પછી, સંથાલ સમાજમાં બીજી એક અનોખી પરંપરા જોવા મળે છે. શિકાર અને સમુદાયનો તહેવાર. કેટલાક વિસ્તારોમાં, રંગોથી રમીને જંગલી પ્રાણીઓનો શિકાર કરવાનો રિવાજ છે. જે કંઈ શિકાર કરવામાં આવે છે તે આખા ગામના લોકો સાથે મળીને રાંધે છે અને એક સમુદાય ભોજન સમારંભનું આયોજન કરવામાં આવે છે. આ પરંપરા પાછળની માન્યતા એ છે કે તે સમાજમાં એકતા જાળવવા અને પ્રકૃતિનો આભાર માનવાનો એક માર્ગ છે.