દિવાળીના તહેવારની તૈયારીઓમાં ભાગદોડ એટલી બધી વધી જાય છે કે ઘણીવાર આપણી ત્વચા થાકેલી અને નિસ્તેજ દેખાવા લાગે છે. સમયના અભાવે સલૂન કે બ્યુટી પાર્લર જવું અશક્ય બની જાય છે, પરંતુ આજકાલ ફોટા વિનાનો તહેવાર અધૂરો ગણાય છે, તેથી દિવાળીની સાંજે ચહેરા પર એક અલગ જ ચમક હોવી ખૂબ જરૂરી છે. જો તમારી પાસે પણ તૈયારી કરવાનો સમય નથી, તો ચિંતા કરવાની જરૂર નથી. તમે ઘરે જ ઉપલબ્ધ કુદરતી ઘટકોમાંથી બનાવેલા ફેસ પેકનો ઉપયોગ કરીને ત્વરિત ગ્લો મેળવી શકો છો. આ ફેસ પેક તૈયાર થવાના 1 થી 2 કલાક પહેલાં કે ૩૦ મિનિટ અગાઉ લગાવવાથી ચહેરા પર અદ્ભુત તાજગી આવી જાય છે, કારણ કે કુદરતી તાજગી વગર મેકઅપ પણ અસરકારક બનતો નથી.
ત્વરિત ચમક મેળવવા માટેના 4 શ્રેષ્ઠ કુદરતી ફેસ પેક
1 ચોખાના લોટનો ફેસ પેક: ઇન્સ્ટન્ટ ગ્લો માટે ચોખાનો લોટ, બટાકાનો રસ, લીંબુના રસના થોડા ટીપાં, એલોવેરા જેલ, ટામેટાંનો રસ અને ગુલાબજળ મિક્સ કરીને સ્મૂથ પેસ્ટ બનાવો. તેને ચહેરા અને ગરદન પર 15 મિનિટ સુધી લગાવો (75-80% સૂકાયા પછી). ત્યારબાદ ગુલાબજળથી હળવા હાથે ગોળાકાર ગતિમાં મસાજ કરીને ચહેરાને સાફ કરી લો.