ગ્લોઇંગ સ્કીન માટે યુવતીઓ બ્યુટી પાર્લર, ટ્રીટમેન્ટ જેવા અનેક ઉપાય કરે છે. આ મોંઘી ટ્રીટમેન્ટ બાદ પણ તેમની ત્વચા સુંદર દેખાતી નથી. ત્યારે એ સવાલ જરૂર થાય કે આખરે આટલા ઉપાયો બાદ પણ કેમ ત્વચામાં સમસ્યા રહે છે. બ્યુટી એક્સપર્ટ કહે છે કે ગ્લોઇંગ સ્કીનની દુશ્મન તમારી કેટલીક સામાન્ય આદતો છે. દરરોજની તમારી જે આદત તમને સામાન્ય લાગે પરંતુ ત્વચા માટે બહુ નુકસાનકારક છે. આ આદતોના લીધે જ ત્વચા પર અકાળે વૃૃદ્ધત્વના નિશાન દેખાય છે.
દરરોજ ખવાતા ખોરાક ત્વચા મટાે નુકસાનકારક
ત્વચામાં વૃદ્ધત્વ ફક્ત ઉંમરના કારણે દેખાતું નથી. પરંતુ અયોગ્ય ત્વચા સંભાળ અને ખોટી આદતના કારણે ત્વચાને નુકસાન થાય છે. ફેમસ બ્યુટી એક્સપર્ટે જણાવ્યું કે કેટલાક રોજિંદા ખોરાક તમારી ત્વચામાં સમસ્યા પેદા કરે છે. આ ખોરાક લેવાની આદત ત્વચાને અંદરથી કોલેજનને નુકસાન પહોંચાડે છે, બળતરા વધારે છે અને કેટલાક સંજોગોમાં લીવર પર પણ નકારાત્મક અસર કરે છે.
પેકેજ્ડ જ્યુસ અને જંકફૂડ
બ્યુટી નિષ્ણાતના મતે સુંદર ત્વચા માટે તમારી આ ત્રણ આદત વધુ ખતરનાક છે. દરરોજ ખવાતા ત્રણ ખોરાક ત્વચામાં કરચલી, ખંજવાળ જેવી સમસ્યા પેદા કરે છે. આજકાલ લોકોમાં સોડા, પેકેજ્ડ જ્યુસ, બિસ્કિટ, ચટણી અને મોટાભાગના જંક ફૂડનુું સેવન કરવાનું વધ્યું છે. આ પ્રકારના ખોરાકમાં એક કૃત્રિમ સ્વીટનર હોય છે જે નિયમિત ગ્લુકોઝ કરતાં પણ વધુ ત્વચા પ્રોટીનને નુકસાન પહોંચાડે છે. તે શરીરમાં AGEs બનાવે છે, જે કોલેજનને તોડી નાખે છે. આના પરિણામે ત્વચા ખરબચડી થાય છે, કરચલીઓ ઝડપી બને છે અને લીવરને નુકસાન થાય છે.
ફરીથી ગરમ કરેલું રિફાઇન્ડ તેલ
સમોસાની દુકાનમાં તેલને ઘણા દિવસો સુધી ગરમ કરવાથી કેટલું નુકસાન થઈ શકે છે તેનું ઉદાહરણ તેણી આપે છે. વારંવાર ગરમ કરવાથી તેલમાં રહેલું વિટામિન E ખતમ થઈ જાય છે અને ઓક્સિડાઇઝ્ડ ચરબી પાછળ રહી જાય છે. આ ચરબી શરીરમાં બળતરા વધારે છે, જે સીધી ત્વચા પર પ્રતિબિંબિત થાય છે.
વધુ પડતા તળેલા અને કરકરા ખોરાક
ફ્રેન્ચ ફ્રાઈસ, ફ્રિટર અને ચિપ્સ જેવા ખોરાક જેટલા સોનેરી અને ક્રિસ્પી હોય છે, તેટલા જ તેમાં હાનિકારક સંયોજનો વધુ હોય છે. ડૉ. રેડ્ડી કહે છે કે રંગ જેટલો ઘાટો અને ક્રિસ્પી જેટલો ક્રિસ્પી, તેટલા વધુ AGE તમે ખાશો. તમારી ક્રીમ તમારા આહારથી થતા નુકસાનને ઉલટાવી શકતી નથી.
આ પણ વાંચો : Secondary Hypertension Risk: સેકન્ડરી હાયપરટેન્શન શું છે? ભારતીય યુવાનોમાં કેમ ઝડપથી વધી રહ્યો છે આ રોગ?
(Disclaimer: આ માહિતી વાચકોને વધારે વિગતો પુરી પાડવા માટે છે અને આ સંદર્ભમાં વધારે જાણકારી મેળવવા માટે આપ તજજ્ઞોનો સંપર્ક સાધી શકશો. )
