આજના સમયમાં યુવાન અને સુંદર દેખાવાની ઈચ્છા દરેકને હોય છે. યુવતીઓ સુંદર દેખાવા બ્યુટી ટ્રીટમેન્ટ કરાવા છે. બ્યુટી ટ્રીટમેન્ટમાં આજકાલ 'બોટોક્સ' શબ્દ ટ્રેન્ડીંગમાં છે. આકર્ષક દેખાવવા 'બોટોક્સ' ટ્રીટમેન્ટ હવે સામાન્ય બની ગઈ છે. પરંતુ શું તમે જાણો છો કે બોટોક્સ માત્ર ચહેરા માટે જ નહીં, પણ વાળ માટે પણ વરદાન સાબિત થઈ રહ્યું છે? આ આધુનિક સારવાર 'બોટોક્સ' શું છે તે વિગતવાર જાણીએ.
'પ્રીવેન્ટિવ બોટોક્સ' નો લોકોમાં ક્રેઝ
બોટોક્સ એ બોટ્યુલિનમ ટોક્સિન નામના પ્રોટીનનો ઉપયોગ કરીને કરવામાં આવતી એક પ્રક્રિયા છે. તે ચહેરાના સ્નાયુઓને અસ્થાયી રૂપે આરામ (Relax) આપે છે. આ ટ્રીટમેન્ટનો મુખ્ય ફાયદો છે કે તે હસતી વખતે કે ગુસ્સો કરતી વખતે ચહેરા પર પડતી કરચલીઓ (Fine lines) દૂર કરે છે. બોટોક્સ ટ્રીટમેન્ટનો ક્રેઝ ફક્ત યુવાનોમાં જ નહીં આજકાલ મોટી ઉંમરના લોકોમાં પણ છે. હવે 20 વર્ષના યુવાનો અત્યારથી જ 'પ્રીવેન્ટિવ બોટોક્સ' ટ્રીટમેન્ટ કરાવવા લાગ્યા છે જેથી ભવિષ્યમાં ચહેરા પર કરચલીઓ ન પડે.
