આજના વ્યસ્ત સમયમાં દરેક સંબંધમાં નાની-મોટી દલીલો સામાન્ય છે, પરંતુ ઘણીવાર ઝઘડાનું કારણ કોઈ ગંભીર મુદ્દો નહીં, પરંતુ એક સાદો રોજિંદા પ્રશ્ન હોય છે: આજે રાત્રિભોજનમાં શું બનાવવું? એક જીવનસાથી હળવું અને સ્વસ્થ ઘરે બનાવેલું ભોજન ઇચ્છે છે, તો બીજો બહારથી કંઈક ઓર્ડર કરવા માંગે છે. કોઈને સાંજે સાત વાગ્યે ભૂખ લાગે છે, તો કોઈ મોડી રાત્રે જમવાનું પસંદ કરે છે. જ્યારે આવી અલગ-અલગ પસંદગીઓ રોજિંદા તણાવનું કારણ બને છે, ત્યારે કેટલાક યુગલોએ એક રસપ્રદ અને સરળ ઉકેલ શોધી કાઢ્યો છે, જેને 'ફૂડ ડિવોર્સ' કહેવામાં આવે છે.
ફૂડ ડિવોર્સનો નવો ટ્રેન્ડ
આ નામ સાંભળીને સંબંધ તૂટવા જેવું લાગી શકે છે, પરંતુ તેનો વાસ્તવિક અર્થ સાવ અલગ છે. આમાં પતિ-પત્ની કે પાર્ટનર્સ એકબીજાથી અલગ થતા નથી, પરંતુ માત્ર પોતાની ખોરાકની પસંદગીઓ સ્વતંત્ર રાખવાનું નક્કી કરે છે. એટલે કે, જો દરરોજ એક જ પ્રકારના ભોજનને લઈને ઝઘડા થતા હોય, તો બંને પોતાની પસંદગી મુજબ અલગ ખોરાક ખાઈ શકે છે. આનાથી ખોરાક બાબતે સમાધાન કરવાની કે દલીલ કરવાની જરૂર રહેતી નથી. તેઓ એક જ ઘરમાં સાથે રહે છે, સંબંધ પણ સમાન રહે છે, પરંતુ રાત્રિભોજનમાં શું ખાવું તે સાથે મળીને નક્કી કરવાથી મુક્તિ મળે છે.