શિયાળાની ગુલાબી ઠંડી જેટલી આહલાદક લાગે છે, તેટલી જ તે આપણી ત્વચા માટે ક્યારેક મુશ્કેલીભરી સાબિત થાય છે. ઠંડી હવા અને વાતાવરણમાં રહેલો ભેજ ઓછો થવાને કારણે ચહેરો રૂખો, બેજાન અને નિર્જીવ દેખાવા લાગે છે. ઘણીવાર દિવસમાં અનેકવાર મોંઘા મોઈશ્ચરાઈઝર કે કોલ્ડ ક્રીમ લગાવવા છતાં ત્વચામાં ખેંચાણ અને ડ્રાયનેસ અનુભવાય છે. જો તમે પણ આ સમસ્યાથી પરેશાન છો, તો હવે મોંઘા પાર્લર ટ્રીટમેન્ટની જરૂર નથી. તમારા રસોડામાં હાજર માત્ર બે-ત્રણ વસ્તુઓથી તમે ઘરે જ 'નેચરલ ફેસ પેક' બનાવી શકો છો.
કુદરતનું શ્રેષ્ઠ મોઈશ્ચરાઈઝર
ત્વચાને અંદરથી પોષણ આપવા માટે કેળા અને દૂધની મલાઈનું મિશ્રણ રામબાણ ઈલાજ ગણાય છે. મલાઈ એ કુદરતી ફેટ અને લેક્ટિક એસિડથી ભરપૂર હોય છે, જે ત્વચાને ઊંડાણપૂર્વક નરમાશ આપે છે. ખાસ કરીને જેમની સ્કિન અત્યંત ડ્રાય હોય, તેમના માટે મલાઈ એક વરદાન સમાન છે.
બીજી તરફ, કેળામાં વિટામિન A, B અને E જેવા પોષક તત્વો વિપુલ પ્રમાણમાં હોય છે. કેળા માત્ર ત્વચાને હાઈડ્રેટ નથી રાખતા, પરંતુ તે એન્ટી-એજિંગનું કામ પણ કરે છે. તેના નિયમિત ઉપયોગથી ચહેરા પરની ઝીણી કરચલીઓ (Wrinkles) દૂર થાય છે અને ત્વચામાં કુદરતી લચક જળવાઈ રહે છે.
ફેસ પેક તૈયાર કરવાની સ્ટેપ-બાય-સ્ટેપ રીત
આ ફેસ પેક બનાવવો ખૂબ જ સરળ છે અને તેમાં કોઈ પણ પ્રકારના કેમિકલનો ઉપયોગ થતો નથી.
જરૂરી સામગ્રી:
અડધું પકેલું કેળું: (વધુ પાકેલું કેળું હોય તો શ્રેષ્ઠ પરિણામ મળે છે)
એક ચમચી તાજી મલાઈ: (દૂધ ઉપર જામતી મલાઈનો ઉપયોગ કરવો)
અડધી ચમચી મધ: (ત્વચામાં ચમક લાવવા માટે)
બનાવવાની અને લગાવવાની પદ્ધતિ:
સૌ પ્રથમ એક વાટકીમાં અડધું પકેલું કેળું લો અને તેને ચમચીની મદદથી બરાબર મસળી લો (Mash કરો), જેથી તેમાં કોઈ ગાંગડા ન રહે.હવે તેમાં એક ચમચી તાજી મલાઈ અને અડધી ચમચી મધ ઉમેરો.આ ત્રણેય વસ્તુઓને ત્યાં સુધી મિક્સ કરો જ્યાં સુધી તે એક મુલાયમ ક્રીમ જેવું ટેક્સચર ન બની જાય.આ પેક લગાવતા પહેલા ચહેરાને હૂંફાળા પાણીથી ધોઈને સાફ કરી લો. ત્યારબાદ તૈયાર કરેલો પેક ચહેરા અને ગરદન પર સમાન રીતે લગાવો.15 થી 20 મિનિટ સુધી તેને રહેવા દો. જ્યારે તે થોડું સુકાઈ જાય ત્યારે સાદા અથવા હળવા ગરમ પાણીથી ચહેરો ધોઈ લો.
