મહિલાઓ દર મહિને માસિક સ્ત્રાવની સમસ્યાનો સામનો કરે છે. પરંતુ ચોક્કસ સમયગાળા પછી માસિક સ્ત્રાવ બંધ થઈ જાય છે. માસિક સ્રાવ બંધ થવાને મેનોપોઝ કહે છે. મહિલાઓમાં 12 થી 14 વર્ષની ઉંમરે માસિક આવવાની શરૂઆત થાય છે. અને સામાન્ય રીતે 50 વર્ષ બાદ મહિલાઓમાં માસિક બંધ થાય છે. એટલે કે 50 વર્ષ પછી મહિલાઓ મેનોપોઝ સમયગાળામાં પ્રવેશ કરે છે. પરંતુ આજકાલ 40 વર્ષ પહેલા મહિલાઓમાં મેનોપોઝ આવે છે.
દુર્લભ બીમારીનું જોખમ, Early મેનોપોઝ
આરોગ્ય નિષ્ણાતના મતે સામાન્ય રીતે 45 થી 55 વર્ષની ઉંમર વચ્ચે થાય છે. પરંતુ આજે લોકોની જીવનશૈલી બદલાઈ છે એટલે 40 વર્ષની આસપાસ અને તેની પહેલા પણ મહીલાઓમાં મેનોપોઝ આવે છે. વહેલા મેનોપોઝ આવવાના આનુવંશિક અને શારીરિક કારણો હોઈ શકે છે. ગંભીર બીમારીમાં કીમોથેરાપી અથવા રેડિયોથેરાપી જેવી તબીબી સારવાર અને શસ્ત્રક્રિયા તેમજ માનસિક તણાવના કારણે Early મેનોપોઝ આવી શકે છે. Early મેનોપોઝના કારણે મહિલાઓમાં ઓસ્ટીયોપોરોસિસ અને હૃદય રોગ જેવા ગંભીર રોગોનું જોખમ વધે છે. તો કયારેક આ સમયગાળામાં માનસિક સ્વાસ્થ્ય પર પણ અસર થાય છે. Early મેનોપોઝના લક્ષણોને ઓળખવામાં આવે તો આવી સ્વાસ્થ્ય સમસ્યાથી બચી શકીએ છીએ.
