રોઝ વોટર સ્કીન પર નેચરલ ગ્લો લાવે છે. આ ઉપરાંત ઉનાળાની ગરમીમાં ત્વચાની બળતરાને શાંત કરવા, સનબર્ન અને કાળા ડાઘ દૂર કરવા ગુલાબ જળ વધુ અસરકારક છે. ફેસપેક, ફ્રૂટ મસાજ કે ફૂટ કેર સહિતની બ્યુટી ટ્રીટમેન્ટમાં ગુલાબજળનો ઉપયોગ સામાન્ય બન્યો છે. સ્કીન કેરમાં રોઝ વોટરનો ઉપયોગ વધતા બજારમાં તેનું મોંઘા ભાવે વેચાણ થવા લાગ્યું છે. ત્વચા માટે ફાયદાકારક ગુલાબજળ તમે ઘરે સરળતાથી બનાવી શકો છો. ઓછી સામગ્રીમાં કેમિકલ વગર ઘરે બનતી વસ્તુ સ્કીન કેરમાં મહત્વની છે.
ઓછી કિમંતમાં ઘરે બનશે રોઝ વોટર
ઘરે શુદ્ધ ગુલાબ જળ (Rose Water) બનાવવું ખૂબ જ સરળ છે. બજારમાં મળતા ગુલાબ જળમાં ઘણીવાર કેમિકલ કે પ્રિઝર્વેટિવ્સ હોય છે, જ્યારે ઘરે બનાવેલું ગુલાબ જળ 100% કુદરતી અને ત્વચા માટે ફાયદાકારક હોય છે. ઘરે શુદ્ધ ગુલાબજળ બનાવવા માટે તાજા ગુલાબની પાંખડીઓની જરર પડશે. તેમજ 2-3 કપ સ્વચ્છ પાણી લેવાનું રહેશે. ફક્ત આટલી સામગ્રીમાં જ તમે સ્કીન કેરની બેસ્ટ પ્રોડકટ બનાવી શકશો. ઓછી કિમંતમાં વધુ અસરકારક છે રોઝ વોટર.