Lifestyle: અનિદ્રાની સમસ્યાને કહો બાય-બાય! સારી ઊંઘ માટે આજે જ બદલી લો આ 4 આદતો

આજની ભાગદોડભરી જિંદગીમાં તણાવ અને ગેજેટ્સના અતિરેકને કારણે 'અનિદ્રા' એક વૈશ્વિક સમસ્યા બની ગઈ છે. પૂરતી ઊંઘ ન લેવાથી માત્ર થાક જ નથી લાગતો, પણ તે માનસિક સ્વાસ્થ્ય અને પાચનતંત્ર પર પણ ગંભીર અસર કરે છે. પ્રખ્યાત ન્યુટ્રિશનિસ્ટ રુજુતા દિવેકરે સૂતા પહેલાંની એવી 4 આદતો જણાવી છે, જે તમને ગણતરીની મિનિટોમાં શાંત ઊંઘ અપાવી શકે છે.

ઘણીવાર રાત્રે અચાનક ગળું સુકાવાને કારણે અથવા ડિહાઇડ્રેશનને લીધે ઊંઘ ઊડી જતી હોય છે. જો પાણી પાસે ન હોય, તો આળસમાં આપણે પાણી પીતા નથી અને ઊંઘમાં ખલેલ પહોંચે છે. સૂતી વખતે માથા પાસે પાણી રાખવાથી તમે જરૂર પડ્યે તુરંત હાઇડ્રેટ થઈ શકો છો. તે સ્નાયુઓના ખેંચાણને રોકવામાં પણ મદદરૂપ થાય છે અને શરીરને શાંત કરે છે.

આ એક અત્યંત પ્રાચીન અને અસરકારક પદ્ધતિ છે. સૂતા પહેલા પગના તળિયે થોડું દેશી ઘી લગાવીને માલિશ કરવાથી શરીરની નસો શાંત થાય છે અને મગજને આરામ મળે છે. જે લોકોને વારંવાર વિચારો આવવાને કારણે ઊંઘ નથી આવતી, તેમના માટે આ શ્રેષ્ઠ ઉપાય છે. ઉપરાંત, નાકમાં ઘીના ટીપાં નાખવાથી નસકોરા અને બંધ નાકની સમસ્યામાં પણ રાહત મળે છે.

જો તમને રાત્રે સૂતી વખતે સૂકી ઉધરસ આવતી હોય અથવા ગળું સુકાઈ જતું હોય, તો સાકરના નાના ટુકડા મોઢામાં રાખવાથી લાળ (Saliva) બને છે, જે ગળાને હાઇડ્રેટ રાખે છે. આ પ્રક્રિયા શરીરને રિલેક્સ કરે છે અને રાત્રે આવતી ઉધરસમાં રાહત આપી ઊંઘની ગુણવત્તા સુધારે છે.

રાજગરા (Amaranth) પોષક તત્વોનો ખજાનો છે. તેમાં રહેલું મેગ્નેશિયમ અને ટ્રિપ્ટોફન નામનું તત્વ શરીરમાં 'મેલાટોનિન' (ઊંઘ માટે જવાબદાર હોર્મોન) ને સક્રિય કરે છે. સૂતા પહેલા રાજગીરાનો એક લાડુ ખાવાથી મન શાંત થાય છે અને શરીરને જરૂરી ઉર્જા મળે છે, જે ગાઢ ઊંઘ માટે અનુકૂળ પરિસ્થિતિ પેદા કરે છે.