સોશિયલ મીડિયાના યુગમાં લગ્નની જાહેરાતો હવે માત્ર પારંપરિક માપદંડો પૂરતી મર્યાદિત નથી રહી. તાજેતરમાં એક સોશિયલ મીડિયા ઇન્ફ્લુએન્સરના લગ્નની અનોખી જાહેરાતે ઇન્ટરનેટ પર ભારે ચર્ચા જગાવી છે અને સિંગલ પુરુષો તેમજ નેટીઝનને આશ્ચર્યચકિત કરી દીધા છે. સામાન્ય રીતે લગ્નની મેચમેકિંગ જાહેરાતોમાં સરકારી નોકરી, ઉંચો પગાર, સારો પરિવાર કે દેખાવની અપેક્ષાઓ રજૂ થતી હોય છે, પરંતુ આ વાયરલ થયેલી અખબારની જાહેરાતે આ બધી પરંપરાઓને જાણે નેવે મૂકી દીધઈ હોય.
વરરાજા માટે વિડિઓ એડિટિંગ અને રીલ્સની શરતો
વાયરલ થયેલા અખબારના સ્ક્રીનશોટ અનુસાર, 'રિયા' નામની એક સોશિયલ મીડિયા ઇન્ફ્લુએન્સરે પોતાના માટે જીવનસાથી શોધવા અખબારમાં એક જાહેરાત આપી છે. આ જાહેરાતમાં વરરાજા માટે એવી વિચિત્ર શરતો રાખવામાં આવી છે જેણે સૌનું ધ્યાન ખેંચ્યું છે. શરતો મુજબ, થનારો પતિ કેમેરા સામે શરમાળ ન હોવો જોઈએ અને ઇન્ફ્લુએન્સર સાથે રીલ્સ બનાવવા માટે હંમેશાં તૈયાર રહેવો જોઈએ. એટલું જ નહીં, તેને 'MOI-MOI' જેવા ટ્રેન્ડિંગ ગીતો અને સોશિયલ મીડિયા ટ્રેન્ડ્સનું પૂરતું જ્ઞાન હોવું જોઈએ. ઉમેદવાર પ્રીમિયર પ્રો (Premier Pro) જેવા પ્રોફેશનલ સોફ્ટવેરનો ઉપયોગ કરીને વિડિઓઝ અને વ્લોગ્સ એડિટિંગ કરવામાં નિપુણ હોવો આવશ્યક છે. આ ઉપરાંત, શરતમાં એ પણ સ્પષ્ટ કરવામાં આવ્યું છે કે વરરાજા સંયુક્ત પરિવારમાંથી ન હોવો જોઈએ.
https://www.instagram.com/p/DcaHkCMiA87/?utm_source=ig_web_copy_link&igsi=MzRlODBiNWFlZA==