Winter Recipe Hara Bhara Kabab : વેડિંગ સિઝન અને વિન્ટર સિઝનનો બેસ્ટ સ્નેક્સ એટલે હરાભરા કબાબ, ઘરે બનાવશો તો બાળકોને મોજ

શિયાળાની ઋતુ સાથે અત્યારે અનેક સ્થાનો પર લગ્નસરાની સિઝન છે. વેડિંગમાં અપાતા સ્નેકસમાં લોકોનો ફેવરીટ છે હરાભરા કબાબ. જાનના આગમન બાદ અથવા કોઈ ફંકશનમાં સ્નેકસ માટે આ વાનગી બેસ્ટ છે. હરાભરા કબાબ કંઈક સ્વસ્થ અને ગરમ ખાવાની ઇચ્છાપૂર્ણ કરે છે. પાલકમાંથી બનતી આ વાનગી શિયાળામાં નાસ્તા માટેનો બેસ્ટ વિકલ્પ કહી શકાય. બાળકોથી લઈને પુખ્ત વયના લોકો સુધી તે બધાને ખૂબ જ ગમે છે, અને સાંજની ચા અને ટમેટો સોસ સાથે તેનો સ્વાદ વધુ સારો લાગે છે.  

હરભરા કબાબ માટે સામગ્રી :

લીલા મરચાં, આદુ, કોથમીર ક્રશ કરેલી, ચાટ મસાલો, લાલ મરચું, મીઠું તમામ મસાલો જરૂરિયાત મુજબ

• 1 કપ- બાફેલી પાલક 
• 1 કપ- બાફેલા લીલા વટાણા 
•  2 બાફેલા બટાકા
• 1/2 કપ (છીણેલું) પનીર 
•  કોર્નફ્લોર અથવા બ્રેડક્રમ્સ - 2-3 ચમચી
• તેલ - તળવા માટે/છીછરા તળવા માટે

હરભરા કબાબ બનાવવાની રીત :

આ વાનગી બનાવવા માટે પહેલા પાલક અને લીલા વટાણાને સ્વચ્છ પાણીથી ધોઈ લો. પછી બંનેને 10-15 મિનિટ પાણીમાં ઉકાળો. ત્યારબાદ બહાર કાઢી પાણી કાઢી બંનેને મિક્સરમાં ક્રશ કરી લો. પછી એક બાઉલમાં બાફેલા બટાકા, પનીર, વટાણા-પાલકની પેસ્ટ મિક્સ કરો. તેમાં મસાલા, કોર્નફ્લોર અને મીઠું ઉમેરો અને સારી રીતે મિક્સ કરો. આ મિશ્રણને ગોળ કબાબનો આકાર આપો. ત્યારબાદ તવા પર થોડું તેલ રેડો તેને સોનેરી થાય ત્યાં સુધી શેલો ફ્રાય કરો. શિયાળાની સિઝનમાં પાલકમાંથી બનતી વાનગી હરા ભરા કબાબ ખાવાથી ખૂબ જ લાભ થાય છે. રોગપ્રતિકારક શક્તિ વધારવામાં મદદ કરે છે લીલી શાકભાજી.