શિયાળામાં માણો પ્રોટીનથી ભરપૂર સૂપની મજા, ઘરે જ બનશે ફટાફટ

• ખરતા વાળની સમસ્યામાં પણ લાભદાયી છે પાલક
  
• નિયમિત સેવન કરવાથી શરીરમાં હિમોગ્લોબીન વધારે છે
• પાચનતંત્રને સારું રાખવામાં મદદરૂપ છે પાલકનું સેવન

પાલકનું નિયમિત સેવન કરવાથી શરીરમાં હિમોગ્લોબીન વધે છે. આ સિવાય ગર્ભવતી સ્ત્રીઓમાં ફોલિક એસિડની ઊણપ દૂર કરવા માટે તેનું સેવન લાભદાયક હોય છે. તેમાં રહેલું કેલ્શિયમ બાળકો, વૃદ્ધાઓ, ગર્ભવતી સ્ત્રીઓ, સ્તનપાન કરાવતી માતાઓ માટે બહુ ફાયદાકારક હોય છે. તેના ઉપયોગથી યાદશક્તિ પણ મજબૂત થાય છે. આ ઉપરાંત પાલકની ભાજી ખાવાથી પાચનતંત્રમાં રેસા ઉમેરાય છે એટલે પાચન સરળ થઈ જાય છે. તે આંખનું તેજ વધારે છે અને સાથે જ ખરતા વાળની સમસ્યામાં પણ લાભદાયી બને છે.

પાલક સૂપ

સામગ્રી

-500 ગ્રામ પાલક

-3 થી 4 નંગ ટામેટાં

-1 ઈંચનો આદુનો ટુકડો

-1/2 ટીસ્પૂન સંચળ

-1 ટેબલસ્પૂન લીંબુનો રસ

-2 ટેબલસ્પૂન બટર

-2 ટેબલસ્પૂન ક્રીમ

-1 ટેબલસ્પૂન કોથમીર સમારેલી

-મીઠું સ્વાદાનુસાર

રીત

સૌપ્રથમ પાલક, ટામેટાં અને આદુના કટકા કરી તેને બાફી લો. ત્યાર બાદ તેની પ્યોરી બનાવી લો. હવે આ પ્યોરીમાં પાંચથી છ કપ પાણી નાખી ગળણીથી ગાળી લો. તેને ધીમા તાપે મીઠું, સંચળ અને મરી નાંખી બેથી ત્રણ મિનિટ ચઢવા દો. સૂપને ગેસ પરથી ઉતારી તેમાં બટર અને લીંબુનો રસ ઉમેરી ગરમ-ગરમ સર્વ કરો. આ સૂપ નાના બાળકોથી માંડીને પરિવારના તમામ સભ્યોને પસંદ આવશે. તમે તેને અઠવાડિયામાં 2 વાર ટ્રાય કરી શકો છો.