Loksabha Election Phase 7 Voting: હરભજન,રવિ કિશન,આદિત્યનાથ સહિત અનેક દિગ્ગજોએ કર્યું મતદાન

• હરભજન સિંહે જાલંધરમાં કર્યું મતદાન
  
• રવિ કિશને ગોરખપુરમાં કર્યું વોટિંગ
• આજે ભારતનો ભવ્ય તહેવારઃ રાઘવ ચઢ્ઢા

આજે દેશમાં સાતમા તબક્કાનું મતદાન થઈ રહ્યું છે. જેમાં કુલ 57 બેઠકોનો સમાવેશ થયો છે. આ સમયે વહેલી સવારે જ અનેક દિગ્ગજોએ પોતાનો કિંમતી મત આપ્યો છે અને સાથે જ લોકોને પણ વધુમાં વધુ મતદાન કરવાની અપીલ કરી છે. તો જાણો હરભજન સિંહ, રવિ કિશન, જેપી નડ્ડા, મુખ્યમંત્રી યોગી આદિત્યનાથ સહિત કોણે કોણે મતદાન કર્યું છે.

હરભજન સિંહે જાલંધરમાં કર્યું મતદાન

ભૂતપૂર્વ ભારતીય ક્રિકેટર અને AAPના રાજ્યસભાના સાંસદ હરભજન સિંહે જાલંધરના એક મતદાન મથક પર પોતાનો મત આપ્યો હરભજન સિંહ કહે છે, "આજનો દિવસ આપણા બધા માટે ખૂબ જ મહત્વપૂર્ણ છે અને હું દરેકને અપીલ કરીશ કે બહાર આવો અને મતદાન કરો અને સરકાર પસંદ કરો. તમારા માટે કામ કરી શકે છે."

રવિ કિશને ગોરખપુરમાં કર્યું મતદાન

ગોરખપુરના ભાજપના ઉમેદવાર રવિ કિશને લોકસભા ચૂંટણીના સાતમા તબક્કા માટે આ મતદાન કરવા માટે ગોરખપુરના એક મતદાન કેન્દ્ર પર પહોંચ્યા. ગોરખપુર બેઠક પર ભાજપના રવિ કિશન, સપાના કાજલ નિષાદ અને બસપાના જાવેદ અશરફ વચ્ચે જંગ છે.

જેપી નડ્ડાએ આપ્યો વોટ

બીજેપીના રાષ્ટ્રીય અધ્યક્ષ જેપી નડ્ડાએ હિમાચલ પ્રદેશના બિલાસપુરમાં એક મતદાન કેન્દ્ર પર પોતાનો મત આપ્યો. તેમની પત્ની મલ્લિકા નડ્ડાએ પણ અહીં પોતાનો મત આપ્યો હતો.

આજે ભારતનો ભવ્ય તહેવારઃ રાઘવ ચઢ્ઢા

લોકસભા ચૂંટણીના સાતમા તબક્કા માટે પોતાનો મત આપ્યા પછી, AAP સાંસદ રાઘવ ચઢ્ઢા કહે છે, "આજે ભારતનો ભવ્ય તહેવાર છે. નાગરિકનો દરેક મત દેશની દિશા અને સ્થિતિ નક્કી કરશે. હું દરેકને વિનંતી કરું છું કે તેમના મતદાનના અધિકારનો ઉપયોગ કરો."

યોગી આદિત્યનાથે ગોરખપુરમાં કર્યું મતદાન

ઉત્તર પ્રદેશના મુખ્યમંત્રી યોગી આદિત્યનાથે ગોરખપુરના ગોરખનાથમાં મતદાન મથક પર પોતાનો મત આપ્યો. ગોરખપુર બેઠક પર ભાજપના રવિ કિશન, સપાના કાજલ નિષાદ અને બસપાના જાવેદ અશરફ વચ્ચે જંગ છે.

લોકસભા ચૂંટણીના છેલ્લા તબક્કામાં શનિવારે એટલે કે આજે 7 રાજ્યો અને 1 કેન્દ્રશાસિત પ્રદેશની 57 બેઠકો પર મતદાન થઈ રહ્યું છે. જેમાં વડાપ્રધાન નરેન્દ્ર મોદીની વારાણસી સીટ પણ સામેલ છે. આજે જે બેઠકો પર મતદાન થઈ રહ્યું છે તેમાં પંજાબ અને યુપીની 13-13 બેઠકો, પશ્ચિમ બંગાળની 9 બેઠકો, બિહારની 8 બેઠકો, ઓડિશાની 6 બેઠકો, હિમાચલ પ્રદેશની 4 બેઠકો, ઝારખંડની 3 બેઠકો અને ચંદીગઢની એક બેઠકનો સમાવેશ થાય છે .