AMC દ્વારા આજે 8 જેટલી મિલકતો સીલ કરાઇ

ગત 25મી મેના રોજ રાજકોટ ગેમ ઝોનમાં ભીષણ આગ લાગી જેમાં 28 જિંદગીઓ હોમાઈ ગઈ. આ ગોઝારી દુર્ઘટનાને પગલે રાજ્યભરમાં ફાયર સેફટીનો મુદ્દો ચર્ચામાં આવી ગયો હતો અને રાજ્યભરમાં ફાયર સેફટીને લઈને વહીવટી તંત્ર દ્વારા તપાસ તેજ થઈ ગઈ. આજે અમદાવાદ શહેરમાં 4 સિનેમા, 2 હોસ્પિટલ અને 2 ફૂડ કોર્ટ સીલ કરવામાં આવ્યા છે. જેમાં, સાયન્સ સિટી વિસ્તારમાં આવેલ સમર્પણ હોસ્પિટલ સીલ કરવામાં આવ્યું હતું. તો બીજી બાજુ, એસ જી હાઇવે પર આવેલ પ્લસ હોસ્પિટલ પણ સિલ કરવામાં આવી છે. દર્દીઓને નવજીવન આપતા હોસ્પિટલમાં જ ફાયર સેફટીના અભાવો સામે આવ્યા હતા જેને લઈને બંને હોસ્પિટલો સીલ કરવામાં આવી છે. 

નિકોલમાં હીટ એન્ડ રન

અમદાવાદ સહિત સમગ્ર ગુજરાતમાં છેલ્લા કેટલાય સમયથી રોડ એક્સિડન્ટ અને હીટ એન્ડ રનની ઘટનાઓ સતત વધી રહી છે. ત્યારે અમદાવાદના નિકોલ વિસ્તારમાં આવેલ ગૂરૂકુલ સર્કલ પાસે એક કાર ચાલકે રસ્તાની બાજુમાં ઉભેલા પરિવારના 3 સભ્યોને અડફેટે લીધા હતા. રાત્રે ફરવા નીકળેલા પરિવારને કાર ચાલકે ટક્કર મારી હતી. જેને પગલે પરિવારના ત્રણેય સભ્યો ગંભીર રીતે ઇજાગ્રસ્ત થયા હતા. જોકે, અકસ્માત થતાં જ આસપાસના લોકો એકત્રિત થઈ ગયા હતા અને ઇજાગ્રસ્તોને સારવાર માટે હોસ્પિટલ ખસેડયા હતા.

ઉત્પાદન ઘટતા બટાકાના ભાવમાં અધધ વધારો

બધાં જ શાકમાં બટાકા સૌથી પ્રખ્યાત અને કદાચ બધા ઘરમાં સૌથી વધુ માનીતુ શાક છે. જેનું મુખ્ય કારણ તે દરેક શાકમાં ભળી જાય છે અને મોટા ભાગનાં શાક બટેકા સિવાય બનતાં નથી. ત્યારે હાલ છેલ્લા એકાદ મહિનાથી જૂનાગઢ માર્કેટીંગ યાર્ડમાં એકાત્રા બટેટાની આવક થતી જોવા મળતી રહેલી છે. આમ, ઉત્પાદન ઘટતાં અને તેની સામે માંગ વધતાં ભાવમાં ઉછાળો જોવા મળથાં બજારમાં રૂ.45 નાં કીલો થતાં ગૃહિણીઓનાં બજેટ ખોરવાયાં છે.

અમરેલીમાં ફાયર NOC વગરની 2 શાળા

રાજકોટમાં થયેલા અગ્નિકાંડની ઘટના બાદ અમરેલીમાં ફાયર વિભાગ દ્વારા કડક કાર્યવાહી કરવામાં આવી રહી છે અને આ અગાઉ કોમર્શિયલ કોમ્પ્લેક્સ તેમજ સિનેમા ઘર મળીને કુલ 6 ઇમારતો સીલ કરી દેવામાં આવી હતી. આજે પણ ફાયર વિભાગની ટીમ દ્વારા અગાઉ વારંવાર નોટિસ આપવા છતાં પણ ફાયર NOC ન મેળવનાર સંસ્થાનો ને સીલ કરવાની કાર્યવાહી હાથ ધરવામાં આવી હતી. સૌપ્રથમ અમરેલીમાં લીલીયા રોડ પર આવેલી જ્ઞાનદીપ વિદ્યાલય નામની સ્કૂલને ફાયર NOC ના હોવાના કારણે સીલ મારી દેવામાં આવ્યું હતું.

ફાયર-એસ્ટેટ વિભાગે સિંધુભવન રોડ પર 15 મિલકતો કરી સિલ

રાજ્ય સરકાર દ્વારા બીયુ પરમિશન અને ફાયર NOC વિના ચાલતા એકમો સામે કાર્યવાહી કરવાની સૂચના અપાઈ છે. જેના પગલે અમદાવાદ મ્યુનિસિપલ કોર્પોરેશન દ્વારા ફાયર બ્રિગેડ અને એસ્ટેટ વિભાગની સંયુક્ત ટીમો બનાવી શહેરમાં તમામ એકમોમાં ચેકિંગ શરૂ કરવામાં આવી રહ્યું છે. કોર્પોરેશન દ્રારા બીયુ પરમિશન અને ફાયર NOCને લઈને 226 મિલકતોને તપાસી કુલ 15થી વધુ મિલકતોને સિલ કરવામાં આવી છે.

સુરત SOG પોલીસને મળી મોટી સફળતા

સુરત SOG પોલીસને મળી મોટી સફળતા મળી હતી. સુરત પોલીસે અડાજણ વિસ્તારમાંથી 40 લાખ થી વધુનું LSD ડ્રગ્સ અને હાઈબ્રીડ ગાંજો ઝડપી પાડ્યો હતો. આ ડ્રગ્સ બેંગકોકથી ડાર્કવેબ પરથી ઓનલાઈન મંગાવાતું હતું. આ કેસમાં પોલીસે એક ઓરોપીને વોન્ટેડ જાહેર કર્યો કર્યો છે. સુરત શહેરમાં પ્રથમવાર વિદેશથી ચાલતા ડ્રગ્સના ધંધાનો પર્દાફાશ કરવામાં આવ્યો છે.

રાજ્યમાં SGSTની ટીમના દરોડા

અમદાવાદ સહિત રાજ્યમાં આઈસ્ક્રીમ પાર્લર અને જ્યૂસ પાર્લર પર SGST દ્વારા દરોડા પાડવામાં આવ્યા હતા. SGST દ્વારા અમદાવાદ, રાજકોટ અને સુરતમાં મોટા ટર્નઓવર ધરાવતા 24 આઈસ્ક્રીમ પાર્લર અને 47 જ્યૂસ પાર્લર પર દરોડા પાડવામાં આવ્યા હતા. જેમાં મોટાભાગના આઈસ્ક્રીમ પાર્લર અને જ્યૂસ પાર્લરમાં ગેરરીતિ સામે આવી હતી.

પૂર્વોત્તર ભારતમાં રેમલ ચક્રવાતનો પ્રકોપ

દેશમાં એક તરફ ભીષણ ગરમીથી લોકો ત્રાહિમામ છે, જ્યારે બીજી બાજું પૂર્વોત્તર ભારતમાં પૂરે વિનાશ વેર્યો છે. મૂશળધાર વરસાદને લીધે આસામ, મણિપુર અને મિઝોરમ રાજ્યમાં પૂરને લીધે વિનાશ સર્જાયો છે. જેથી મૃતકોની સંખ્યામાં સતત વધારો થઈને આ આંકડો 50ને પાર પહોંચ્યો છે. આશરે 11 જિલ્લામાં સાડા ત્રણ લાખ લોકોને અસર થઈ છે. રેમલ ચક્રવાતને લીધે દેશના પૂર્વોત્તર રાજ્યોમાં સ્થિતિ વણસી ગઈ છે. મિઝોરમમાં ભૂસ્ખલનને લીધે મૃતકોની સંખ્યા 29 પહોંચી છે જ્યારે આસામની ઈંફાલ ઘાટીમાં ભારે વરસાદને લીધે આવેલા પૂરમાં હજારો લોકોને અસર પહોંચી છે.

ખાનગી ટ્યુશન ક્લાસીસ સંચાલકો સાથે જામનગર SPની બેઠક

રાજકોટ TRP ગેમઝોન દુર્ઘટનાના પગલે રાજ્ય સરકાર દ્વારા તમામ આનંદ પ્રમોદના સ્થળ, શૈક્ષણિક સંકુલો, ટ્યુશન ક્લાસ વગેરેમાં સુરક્ષા બાબતે સમીક્ષા કરવામાં આવી રહી છે, જેના ભાગરૂપે જામનગરના જિલ્લા પોલીસવડા પ્રેમસુખ ડેલુ ની આગેવાનીમાં જામનગર શહેરના તમામ ખાનગી ટ્યુશન ક્લાસ સંચાલકોની એક બેઠક યોજાઈ હતી, જેમાં ટ્યુશન ક્લાસમાં અભ્યાસ અર્થે આવનારા તમામ વિદ્યાર્થીઓની સુરક્ષાના મામલે ટ્યુશન ક્લાસ સંચાલકો સાથે વિચાર વિમર્ષ કરીને અવગત કરાયા હતા.

દિનેશ કાર્તિકે નિવૃત્તિની જાહેરાત કરી

T20 વર્લ્ડકપ 2024 માટે ન્યૂયોર્કમાં પ્રેક્ટિસ કરી રહી છે, તો બીજી તરફ ટૂર્નામેન્ટની શરૂઆત પહેલા ટીમ ઈન્ડિયાના સ્ટાર ખેલાડીએ નિવૃત્તિની જાહેરાત કરી દીધી છે. વાસ્તવમાં ટીમ ઈન્ડિયાના વિકેટકીપર બેટ્સમેન દિનેશ કાર્તિકે શનિવારે ક્રિકેટના તમામ ફોર્મેટમાંથી સત્તાવાર રીતે સંન્યાસ લઈ લીધો છે.

ગુજરાતમાં ભાજપને 25માંથી 25 બેઠકે જીત,કોંગ્રેસ-AAPનું ખાતું ન ખુલ્યું

લોકસભા ચૂંટણી 2024ના તમામ 7 તબક્કાનું મતદાન પૂર્ણ થઈ ગયું છે અને હવે ધીરે ધીરે એક્ઝિટ પોલના અનુમાનો સામે આવી રહ્યા છે. એક્ઝિટ પોલના અનુમાન મુજબ ગુજરાતમાં તમામ 25 બેઠકો પર ભાજપને જીત મળતી જોવા મળી રહી છે. સુરત બેઠક પહેલા જ બિનહરીફ જાહેર થઈ ચૂકી છે અને આ બેઠક પર ભાજપના ઉમેદવારની પહેલા જ જીત થઈ ચૂકી છે. આમ, ગુજરાતમાં આ વખતે પણ તમામ 26 બેઠકો ભાજપને મળતી હોવાનું અનુમાન કરવામાં આવ્યું છે. તો Times Nowના એક્ઝિટ પોલ મુજબ ગુજરાતમાં ભાજપને તમામ 26 માંથી 26 બેઠકો મળી રહી છે. તો આ વખતે પણ કોંગ્રેસનું લોકસભામાં ખાતું ખૂલતું નથી જોવા મળી રહ્યું. 

સાંજે 5 વાગ્યા સુધી 58.34 ટકા મતદાન

લોકસભા ચૂંટણીના છેલ્લા તબક્કામાં 8 રાજ્યોની 57 બેઠકો પર મતદાન ચાલી રહ્યું છે. સાંજે 5 વાગ્યા સુધી 58.34 ટકા મતદાન થયું હતું. સૌથી વધુ મતદાન પશ્ચિમ બંગાળમાં થયું હતું જ્યારે સૌથી ધીમુ મતદાન બિહારમાં થયું હતું.

બિહાર - 48.86%

ચંદીગઢ - 62.80%

હિમાચલ પ્રદેશ - 66.56%

પંજાબ - 55.20%

ઝારખંડ -- 67.95%

ઓડિશા - 62.46%

ઉત્તર પ્રદેશ - 54.00%

પશ્ચિમ બંગાળ - 69.89%

કીર્તિમંદિરમાં જ ફાયર સેફટીનો અભાવ

પોરબંદર ખાતે આવેલ મહાત્મા ગાંધીજીના જન્મસ્થળે ફાયર સેફટીની કોઈ જ સુવિધા નથી. જયારે તે જ સંકુલમાં આવેલ કિર્તીમંદિરની ઈમારત પણ માત્ર 5 કટાયેલા બાટલાના સહારે છે. ત્યારે, હરિ ન કરેને અહી આગનો બનાવ બને તો મોટી જાનહાની થવાની ભિતિ પણ સેવાઈ રહી છે. આથી અહી ફાયર સેફટીની પુરતી સુવિધાઓ આપવા માંગ ઉઠી છે. 

વાંચો સાંજના છ વાગ્યા સુધીના તમામ સમાચાર

1. Raid: અમદાવાદ સહિત રાજયભરમાં આઈસ્ક્રીમ પાર્લર અને જ્યુસ પાર્લર પર SGSTના દરોડા

2. ટૂંક સમયમાં ગાંધીનગર પહોંચશે અમદાવાદ મેટ્રો, કેબલ બ્રિજનું કામ પૂર્ણ

3. Bhavnagar News: સેન્ટ મેરી સ્કૂલના એક્સેલેન્ટ સ્ટાર ગ્રુપનું બિલ્ડિંગ સીલ

4. Monsoon In India: કેરળમાં ચોમાસુ બન્યું આફત..! ભૂસ્ખલન અનેક જગ્યાએ વૃક્ષો ધરાશાયી

5. Delhiના CM કેજરીવાલને કોર્ટમાંથી નથી મળી રાહત,આવતીકાલે તિહાર જેલમાં કરવું પડશે સરેન્ડર

6. Narendra Modi: પીએમ મોદીએ જીડીપીના આંકડાઓની પ્રશંસા કરી આવું નિવેદન આપ્યું

7. Pakistan News: પાકિસ્તાનની આડોડાઈ, બે ભારતીયોને કથિત આરોપ હેઠળ રાજદ્વારી મદદથી ઈનકાર

8. Ahmedabdમાં ફાયર-એસ્ટેટ વિભાગે સિંધુભવન રોડ પર 15 મિલકતો કરી સિલ

9. Income Tax: 15 જૂન પછી નોકરી કરનારે શા માટે IT રિટર્ન ભરવું,જાણો

10 T20 WC 2024: આ સ્ટેડિયમમાં ટકરાશે ભારત-પાકિસ્તાન,જાણો પિચ રિપોર્ટ અને બાઉન્ડ્રીની લંબાઇ

 અમદાવાદ સહિત રાજયભરમાં આઈસ્ક્રીમ પાર્લર અને જ્યુસ પાર્લર પર SGSTના દરોડા

આઈસ્ક્રીમ અને જ્યુસ પાર્લરમાં તપાસ દરમિયાન ૪૦ કરોડથી વધુની કરચોરી સામે આવી હતી, અમદાવાદ, સુરત અને રાજકોટના ૨૪ મોટા ટર્નઓવર ધરાવતા આઈસ્ક્રીમ અને જ્યુસ પાર્લર પર દરોડા પાડવામાં આવ્યા હતા, ૨૪ મોટા આઈસ્ક્રીમ અને જ્યુસ પાર્લરના ૪૭ સ્થળોએ SGSTના દરોડા, જેમાં મોટાભાગના આઈસ્ક્રીમ અને જ્યુસ પાર્લરમાં ગેરરીતિ સામે આવી હતી, અમદાવાદમાં ૫ટેલ આઈસક્રીમ આસ્ટોડિયા જ્યુશ સેંટર, આઈસક્રીમ લાઈબ્રેરી (શંકર આઈસક્રીમ), જયસિંહ આઈસક્રીમ, સુરત, બિસ્મિલ્લાહ, મહાલક્ષ્મી જ્યુશ અને ફાસ્ટફુડ કોર્નર, ૫૧ રેમ્બો, જયારે રાજકોટમાં અતૂલ આઈસક્રીમમાં દરોડા પાડયા હતા.

અમદાવાદના પીરાણા નજીક ગોડાઉનમાં આગ

ગાય સર્કલ પાસે ઝાયલીન-સોલવન્ટના ગોડાઉનમાં આગ લાગતા ફાયરની 8 ગાડીઓ ઘટના સ્થળે,આગને કાબુમાં લેવા ફાયરની ટીમ કરી રહી છે સતત મહેનત.  

રાજકોટ અગ્નિકાંડને લઈ પોલીસ એક્શન મોડમાં

રાજકોટ પોલીસે લોકોને મદદે આવવા કરી અપીલ,આગને નજરે જોનારા લોકો માહિતી આપે તેવી અપીલ,તપાસમાં મદદરૂપ થવા માટે જાહેર કર્યા નંબરો,પોલીસ અધિકારીઓના ફોન નંબર કર્યા જાહેર,મદદનીશ CPનો 90336 90990 પર કરી શકાશે સંપર્ક,PI જાડેજાનો સંપર્ક 97149 00997 પર કરી શકાશે,PSI ઝાલાનો સંપર્ક 98258 55350 પર કરી શકાશે,PSI સાકરિયાનો સંપર્ક 80000 40050 પર કરી શકાશે,0281-2444165 પર DCB પો.સ્ટે.નો સંપર્ક કરી શકાશે,રાજકોટ તા.પોલીસ સ્ટેશનના સંપર્ક માટે 0281-2563340,પો.કંટ્રોલ રૂમના સંપર્ક  માટે 0281-2457777 (100),ઘટનાને નજરે જોનાર લોકોને મદદ કરવા અપીલ.

અગ્નિકાંડને લઈ રચાયેલી SITને લઈ સૌથી મોટા સમાચાર

SITને તપાસ રિપોર્ટ આપવામાં લાગી શકે છે સમય,રિપોર્ટ સોંપવા માટેના સમયમાં થઈ શકે છે વધારો,નિવેદન તપાસ,રેકોર્ડની ચકાસણી માટે લાગી શકે સમય,સરકારે 10 દિવસમાં સંપૂર્ણ રિપોર્ટ સોંપવાનું કહ્યું હતું,વિસ્તૃત તપાસ માટે સમયમાં વધારો કરાય તેવી સંભાવના

બોટાદમાં અકસ્માતમાં થતા 2 યુવકના મોત અને 1 વ્યકિત ઈજાગ્રસ્ત

કાર અને બાઈક વચ્ચે સર્જાયો અકસ્માત,સાળંગપુર રોડ પર અકસ્માતમાં 2ના મોત,સાળંગપુર દર્શન કરી બોટાદ આવતા નડયો અકસ્માત,પોલીસે અકસ્માતને લઈ કાર્યવાહી હાથધરી.

અગ્નિકાંડને લઈ પૂર્વ ધારાસભ્ય ગોવિંદ પટેલનું નિવેદન

મારી સંડોવણી આવે તો જાહેર જીવન છોડી દઈશ,ઘટનાથી હું વ્યક્તિગત દુઃખી છું,આવું ક્યારેય ના બનવું જોઈએ 

જવાબદારોને સજા મળવી જોઈએ,સરકાર જવાબદારો સામે કાર્યવાહી કરશે જ.

16 જુન પહેલા નવી સરકારની રચના થશે

5 જૂને રાષ્ટ્રપતિ દ્રૌપદી મુર્મુ વડાપ્રધાન નરેન્દ્ર મોદીના નેતૃત્વમાં કેન્દ્રીય મંત્રી પરિષદને વિદાય રાત્રિભોજન આપશે.રાષ્ટ્રપતિ ભવન ખાતે રાત્રે 8 વાગ્યાથી આ ભોજન સમારંભનું આયોજન કરવામાં આવશે.17મી લોકસભાનો કાર્યકાળ 16 જૂન 2024ના રોજ સમાપ્ત થઈ રહ્યો છે. એટલે કે 16 જૂન પહેલા નવી સરકારની રચના થઈ જશે.

જૂનાગઢના વિજયપ્રકાશ સ્વામી પર હુમલો થવાની ઘટનામાં મોટો ઘટસ્ફોટ

સ્વામી પર હુમલો કરનાર ભૂમાફિયા હોવાનો ધડાકો,હુમલો કરનાર આરોપીઓ ભૂમાફિયા,સ્વામીનારાયણના સંતોને ટાર્ગેટ કરાય છે,ભૂમાફિયાઓ સંતોને કરી રહ્યા છે ટાર્ગેટ,10થી 12 લોકોની ગેંગ સક્રિય છે,ભૂમાફિયાઓ, જમીનદલાલો કરી રહ્યા છે કાવતરું,સંતો પાસેથી પૈસા પડાવવા અપાય છે લાલચ,'ઓછા ભાવમાં જમીન આપવાની આપે છે લાલચ,જમીનના ખોટા દસ્તાવેજો બનાવાય છે.

અમદાવાદમાં પંડિતે મહિલા સાથે કરી છેડતી

ગ્રહશાંતિ માટે બોલાવેલા પંડિતે કરી છેડતી,પતિ સાથે ઝઘડાને લઈ મહિલાએ બોલાવ્યો હતો પંડિત,પંડિતે પૂજાવિધિ બાદ મહિલાને કેફી પીણું પિવડાવ્યું,મહિલાના બીભત્સ ફોટો પાડી 70 હજારની કરી માંગણી,20 હજાર પડાવી ફોટો વાયરલ કરવાની આપી ધમકી,પંડિત સુરેન્દ્ર પ્રસાદ તિવારી નામના શખ્સ વિરુદ્ધ નોંધાઈ ફરિયાદ

ભાવનગર કોબડી ટોલબુથ ઉપર થયેલ માથાકૂટનો વિડીયો સોશિયલ મિડીયામાં વાયરલ 

કોબડી ટોલબુથના કર્મચારી સાથે કોઈ બાબતે બોલાચાલી થતા મામલો બિચકાતા ટોળુ ટોલબુથ ઉપર ધસી આવ્યું,ટોળાના હાથમાં તલવાર, ધારીયા, પાઇપો ધોકા જેવા હથિયારો પણ જોવા મળ્યા હતા,આ ઘટના ગઈકાલની છે જેના વિડીયો સોશિયલ મિડીયામાં વાયરલ થયા હતા.આ ઘટનાના 24 કલાક બાદ પણ વરતેજ પોલીસે કોઈ કાર્યવાહી અને FIR કરી નથી.

રાજકોટ અગ્નિકાંડ બાદ ફાયર વિભાગની તપાસનો ધમધમાટ શરૂ  

પાદરામાં વડોદરા ફાયર વિભાગના ઓફિસર સહિત પાદરા નગર પાલિકા અને અધિકારીઓનું સયુંકત તપાસ અભિયાન,પાદરાની હોસ્પિટલોમાં ફાયર સેફ્ટી અંગે કરવામાં આવ્યું ચેકીંગ,ફાયર સેફ્ટીના સાધનોની તપાસ કરવામાં આવી

બપોરના 3 વાગ્યા સુધી સરેરાશ 49.68 % મતદાન

બિહાર-42.95%

ચંદીગઢ-52.61%

હિમાચલ પ્રદેશ-58.41%

ઝારખંડ-60.14%

ઓડિશા-49.77%

પંજાબ-46.38%

ઉત્તર પ્રદેશ-46.83%

પશ્ચિમ બંગાળ-58.46%

પાકિસ્તાનની આડોડાઈ, બે ભારતીયોને કથિત આરોપ હેઠળ રાજદ્વારી મદદથી ઈનકાર

પાડોશી દેશ પાકિસ્તાનની ફરી એકવાર આડોડાઈ સામે આવી છે. પાકિસ્તાને બે ભારતીય નાગરિકોને રાજદ્વારી મદદ આપવાથી ઈનકાર કરી દીધો છે. પાકિસ્તાનની સુરક્ષા એજન્સીઓએ જાસૂસી આરોપ હેઠળ બે ભારતીય યુવકોની ધરપકડ કરી હતી. આ બંને ભારતીય યુવકોની કોન્સયુલર એક્સેસ આપવાથી શુક્રવારે પાકિસ્તાને ધરાર ના પાડીને કહ્યું કે સમયે આવી સુવિધા પૂરી પાડવામાં આવતી હોય છે. પાકિસ્તાન વિદેશ મંત્રાલયે માહિતી આપતા કહ્યું કે ગિલગિત-બાલ્ટિસ્તાનમાં કથિત જાસૂસીના આરોપ હેઠળમાં બે ભારતીય નાગરિકોની ધરપકડ કરી લેવામાં આવી છે. જેથી રાજદ્વારી મદદ નહિ કરવાનો નિર્ણય લીધો છે.

કન્યાકુમારીમાં PM મોદીની ધ્યાનસાધના પૂર્ણ

કન્યાકુમારીમાં PM મોદીની ધ્યાનસાધના પૂર્ણ થઇ છે. જેમાં 45 કલાક સુધી PM મોદીએ ધ્યાન કર્યું છે. વિવેકાનંદ મેમોરિયલમાં PMની સાધના પૂર્ણ થઇ છે. PM મોદીએ તિરુવલ્લુવરને નમન કર્યાં છે. 

Jamnagarમાં એક પણ GIDC વસાહતમાં ફાયર સ્ટેશન જ નથી

રાજકોટની આગ દુર્ઘટના બાદ જામનગરને જેના કારણે બ્રાસ સીટીની ઓળખ મળી છે તેવા જામનગરના બાસ ઉદ્યોગમાં છ હજારથી વધુ નાના- મોટા એકમોમાં ઈન્ડસ્ટ્રીયલ સેફ્ટી- ફાયર સેફ્ટીની જેની જવાબદારી છે તેવી ઈન્ડસ્ટ્રીયલ સેફ્ટી અને હેલ્થના ડેપ્યુટી ડાયરેક્ટરની કચેરીની બલીહારીથી ઉદ્યોગનગરના મોટાભાગના યુનિટોમાં ફાયર સેફ્ટીના સાધનોની ગેરહાજરી જોવા મળે છે.

અમદાવાદ એરપોર્ટ ખાતેથી ઝડપાયેલ 4 આતંકીઓનો હેન્ડલર ઝડપાયો

અમદાવાદ એરપોર્ટ ખાતેથી ઝડપાયેલ 4 આતંકીઓનો હેન્ડલર ઝડપાયો  છે. ATSની ટીમ દિલ્હીથી શ્રીલંકન એજન્સી સાથે સીધા સંપર્કમાં છે. તેમાં કોલંબોની ક્રિમિનલ ઇન્વેસ્ટિગેશને ધરપકડ કરી છે. જેમાં  આતંકીઓના સંપર્કમાં રહેલા એક વ્યક્તિની ધરપકડ કરી છે. 

અંબાજી મંદિર ખાતે પણ 2 વેન્ડીંગ મશીન મુકવામાં આવ્યા

અંબાજી મંદિર ખાતે પણ 2 વેન્ડીંગ મશીન મુકવામાં આવ્યા છે. જેમા 5 રૂપિયાના સિક્કો નાખવાથી મશીનથી નાની કપડાંની થેલી નીકળે છે. જયારે અન્ય મશીનથી 10 રૂપિયાનો સિક્કો નાખવાથી મોટી કપડાંની થેલી નીકળે છે. શક્તિપીઠ અંબાજી ધામ માં પણ પ્લાસ્ટિક મુક્ત અંબાજી કરવાનું અભિયાન અંબાજી મંદિર દેવસ્થાન ટ્રસ્ટે ઉપાડ્યું છે. જેને લઇ અંબાજી મંદિરમાં પ્રસાદ માટે અપાતી પ્લાસ્ટિકની થેલીઓ સામે હવે કપડાની થેલીઓના વિતરણ માટે ખાસ ઓટોમેટિક વેન્ડીંગ મશીન મુકવામાં આવ્યા છે.

બપોરે 03 વાગ્યા સુધીના મહત્ત્વના સમાચાર

1- Gujarat News: શક્તિપીઠ અંબાજી ધામને પ્લાસ્ટિક મુક્ત બનાવાશે

2- Gujarat Weather : રાજ્યના આ શહેરોમાં ડસ્ટ સ્ટ્રોમની આગાહી કરવામાં આવી

3- Rajkot TRP Game Zone અગ્નિકાંડમાં સાગઠીયા સહિત 4 કર્મચારીઓને લઈ ખુલાસો

4- Gandhinagar જિલ્લાના ચાર સ્થળે કોલેરાનો કહેર, લોકોમાં ફફડાટ

5- Suratમાં વાવાઝોડાની આગાહીને પગલે બીચ બંધ કરાયા

6- EXIT Poll :88 વર્ષ પહેલા આ દેશમાં વિશ્વમાં પહેલીવાર એક્ઝિટ પોલ થયો

7- Rajkot અગ્નિકાંડના સાત દિવસ પછી ભાનુ બહેનની આંખમાં આવ્યા આંસુ,દોષિતોને નહી છોડાય

8- H-1B Visa: અમેરિકામાં છટણી બાદ એચ-1બી વિઝાધારકોને રાહત,છ માસ સુધી રહી શકશે

9- Bhavanagarમાં ફાયર સેફટીને લઈ સેન્ટમેરી સ્કૂલના એક્સલન્ટ સ્ટાર ગ્રુપના બિલ્ડીંગને સિલ કરાયું

10- Pune Porsche Accident: સગીર આરોપીની માતાની ધરપકડ, પુત્રની સામે પૂછપરછ કરવામાં આવશે

ગાંધીનગરમાં કોલેરા કેસો સંદર્ભે અમિત શાહે નોંધ લીધી 

ગાંધીનગરમાં કોલેરા કેસો સંદર્ભે અમિત શાહે નોંધ લીધી છે. જેમાં ગાંધીનગર લોકસભાના સાંસદ તરીકે અમિત શાહે કલેકટર સાથે વાતચીત કરી છે. તેમાં કોલેરાને નાથવા તાત્કાલિક પગલા લેવા સુચના આપી છે. કોલેરાને નાથવા સાથે સારવારની યોગય વ્યવસ્થા માટે સુચના પણ આપી છે. 

આજે 57 સીટો ઉમેર્યા બાદ આપણો આંકડો 411-417 થશે - નિશિકાંત દુબે

ઝારખંડની ગોડ્ડા લોકસભા બેઠક પરથી ભાજપના ઉમેદવાર નિશિકાંત દુબેએ કહ્યું કે આજે ભાજપ 57 બેઠકો જીતી રહ્યું છે. અત્યારે આપણો આંકડો 360 ની આસપાસ હતો, જો 57 વધુ ઉમેરવામાં આવે તો તે 411-417 થઈ જશે. અહીં ચૂંટણી એકતરફી છે. ઝારખંડમાં જો કોઈ લોકસભા સીટ સૌથી વધુ મતોથી જીતવામાં આવશે તો તે ગોડ્ડા લોકસભા સીટ હશે.

બંગાળમાં ભાજપને 30થી વધુ બેઠકો મળશેઃ લોકેટ ચેટર્જી

પશ્ચિમ બંગાળના હુગલી લોકસભા મતવિસ્તારના ભાજપના ઉમેદવાર લોકેટ ચેટર્જીએ અંતિમ તબક્કા માટે સંસદીય મતવિસ્તારના મતદાન મથક પર પોતાનો મત આપ્યો. વોટ આપ્યા બાદ મીડિયા સાથે વાત કરતા લોકેટ ચેટર્જીએ કહ્યું, 'મોટી સંખ્યામાં લોકોએ ભાજપને વોટ આપ્યો છે. ટીએમસીના લોકો પણ પાર્ટીથી નારાજ છે. રાજ્યમાં ભાજપને 30થી વધુ બેઠકો મળવા જઈ રહી છે. એવી સંભાવના છે કે 2026 પહેલા TMC સરકાર પડી શકે છે. મમતા બેનર્જી લોકશાહીની વાત કરે છે પરંતુ પશ્ચિમ બંગાળની સ્થિતિ સૌથી ખરાબ છે.

રાજ્યના આ શહેરોમાં ડસ્ટ સ્ટ્રોમની આગાહી કરવામાં આવી

રાજ્યમાં આગામી 5 દિવસ તાપમાન યથાવત રહેશે. જેમાં અરેબિયન સમુદ્રમાંથી ભેજ આવતા બફારો રહેશે. તેમજ 25થી 30 કિમી પ્રતિકલાકની ઝડપે પવન ફૂંકાશે. ત્યારે રાજ્યના કેટલાક ભાગોમાં ડસ્ટસ્ટ્રોમની આગાહી કરવામાં આવી છે. તેમજ અમદાવાદ સહિત રાજ્યમાં વાદળછાયું વાતાવરણ રહેશે.

જૂન મહિનો શરૂ થતા દેશમાં 4 મોટા ફેરફાર લાગુ

1- કોમર્શિયલ એલપીજીના ભાવમાં 72 રૂપિયાનો ઘટાડો

2- હવાઈ ઈંધણના ભાવમાં આજથી કાપ મુકાયો

3- ડ્રાઈવિંગ લાયસન્સ ટેસ્ટ હવે ખાનગી સંસ્થામાં થઈ શકશે

4- આધાર કાર્ડ ફ્રીમાં અપડેટ કરવાની ડેડલાઈન 14 જૂન સુધી

બંગાળના ભાંગરમાં TMC અને ISF કાર્યકરો વચ્ચે ઘર્ષણ

ભાંગરમાં TMC અને ISF કાર્યકર્તાઓ વચ્ચેની અથડામણ અંગે પશ્ચિમ બંગાળના બીજેપી ચીફ અને બાલુરઘાટથી લોકસભાના ઉમેદવાર સુકાંત મજુમદારે કહ્યું કે ભાંગરમાં TMC અને ISF કાર્યકરો વચ્ચે અથડામણ થતી રહે છે. આમાં ઘણા લોકો ઘાયલ થયા છે. પશ્ચિમ બંગાળમાં કાયદો અને વ્યવસ્થાની સ્થિતિ સૌથી ખરાબ છે. હિંસાની ઘટનાઓને કારણે લોકો મતદાન કરવા ઘરની બહાર નીકળી શકતા નથી.

લોકસભા ચૂંટણીના 7મા તબક્કા માટે મતદાન, 1 વાગ્યા સુધી સરેરાશ 40.09 ટકા મતદાન

બપોરે 1 વાગ્યા સુધી 40.09% મતદાન

બિહાર- 35.65%

ચંદીગઢ-40.14%

હિમાચલ પ્રદેશ- 48.63%

ઝારખંડ- 46.80%

ઓડિશા- 37.64%

પંજાબ- 37.80%

ઉત્તર પ્રદેશ-39.31%

પશ્ચિમ બંગાળ-45.07%

આ વખતે બિહાર 400ને પાર કરવા માટે 40 સીટોનું યોગદાન આપી શકે છેઃ ઉપેન્દ્ર કુશવાહા

રાષ્ટ્રીય લોક મોરચાના વડા અને કરકટથી પાર્ટીના ઉમેદવાર ઉપેન્દ્ર કુશવાહાએ કહ્યું, 'મને સમગ્ર લોકસભા મતવિસ્તારમાંથી સકારાત્મક સમાચાર મળી રહ્યા છે અને તેઓ અમે જે વિચાર્યું છે તેની સાથે જોડાઈ રહ્યા છે. અપેક્ષાઓ અને મુદ્દાઓ બધા વિકાસની આસપાસ ફરે છે. પીએમ મોદીએ કહ્યું છે કે આ વખતે તે 400ને પાર કરશે. બિહાર આમાં 40 સીટોનું યોગદાન આપી શકે છે અને તે ચોક્કસપણે થશે. અમે લોકોને અપીલ કરીએ છીએ કે એક પણ મતદાર આ પ્રક્રિયામાં ભાગ લીધા વિના ન રહે.

સગીર આરોપીની માતાની ધરપકડ, પુત્રની સામે પૂછપરછ કરવામાં આવશે

પુણે પોર્શ કાર અકસ્માતમાં કાર્યવાહી કરતા ક્રાઈમ બ્રાન્ચે સગીર આરોપીની માતાની પણ ધરપકડ કરી છે અને આજે તેને કોર્ટમાં રજૂ કરવામાં આવશે. સગીર આરોપીની માતા શિવાની અગ્રવાલે તેના પુત્રના બ્લડ સેમ્પલ સાથે ચેડાં કર્યાં હતાં એટલું જ નહીં તેને બદલી પણ નાખ્યું હતું. આ સમાચાર બહાર આવતા જ શિવાની ભૂગર્ભમાં ઉતરી ગઈ હતી. આખરે પુણે પોલીસે તેને શોધી કાઢી છે. તે ગઈકાલે રાત્રે મુંબઈથી પુણે આવી હતી.

જો વોટિંગ ન કરીએ તો ફરિયાદ કરવાનો અધિકાર પણ નથી: આયુષ્માન ખુરાના
અભિનેતા આયુષ્માન ખુરાનાએ ચંડીગઢના એક મતદાન મથક પર મતદાન કર્યું. મીડિયા સાથે વાત કરતાં તેમણે કહ્યું કે, 'હું મારો મત આપવા અને મારા અધિકારનો ઉપયોગ કરવા માટે મારા શહેરમાં પાછો આવ્યો છું.  આ વખતે મુંબઈમાં બહુ ઓછું મતદાન થયું હતું પરંતુ આપણે મત આપવો જોઈએ. જો મતદાન ન કરીએ તો ફરિયાદ કરવાનો પણ અધિકાર નથી.

તાલાલા અને સાસણગીરમાં ભૂકંપનો વધુ એક ઝટકો

તાલાલા અને સાસણગીરમાં 2.3ની તીવ્રતાનો આંચકો નોંધાતા લોકોમાં ભયનો માહોલ જોવા મળી રહ્યો છે. ભૂકંપનું કેન્દ્રબિંદુ તાલાલાથી 13 કિમી દૂર નોર્થ ઇસ્ટમાં નોંધાયું હતું. બપોરે 12:17 મિનિટે ભૂકંપનો આંચકો નોંધાયો હોવાનું જાણવા મળ્યું છે. ગઈકાલે સાંજે પણ તાલાલામાં આંચકો નોંધાયો હતો. 

ચંડીગઢમાં મેં કરેલા કામ માટે લોકો મને યાદ રાખશેઃ કિરણ ખેર

બીજેપી નેતા અને ચંડીગઢના વર્તમાન સાંસદ કિરણ ખેરે વોટ આપ્યા બાદ મીડિયા સાથે વાત કરતા કહ્યું, 'મેં કરેલા કામ માટે લોકો મને યાદ કરશે. ભાજપે મારી ટિકિટ કેન્સલ કરી નથી. 3 મહિના પહેલા મેં તેમને ના પાડી હતી. છેલ્લા 10 વર્ષમાં કરેલા કામને લોકો જીવનભર યાદ રાખશે, જેઓ કહે છે કે મારી પાસે સુલભતા નથી તેઓ વાહિયાત વાતો કરે છે.

અગ્નિકાંડ પર રાજ્યમંત્રી ભાનુબેન બાબરિયાની પ્રતિક્રિયા

ભાનુબેન બાબરિયાએ ઘટનાના 7 દિવસ બાદ કહ્યું કે ‘જો મારું નામ ખુલશે તો જાહેર જીવન છોડી દઈશ’.જ્યારે ઘટના બની ત્યારે હું બહારગામ હતી. બીજા દિવસે મેં સિવિલની મુલાકાત લીધી હતી. ઘટના સ્થળની પણ મુલાકાત લીધી હતી. કોઈપણ દોષિતોને છોડવામાં નહીં આવે. સાગઠિયા વિશે સવાલ પૂછતા ભાનુબેને બોલવાનું ટાળ્યું હતું. તેઓએ કહયું SIT દ્વારા કડક કાર્યવાહી કરાશે. ગોવિંદ પટેલે પણ સાગઠિયા વિશે બોલવાનું ટાળ્યું હતું.

પોસ્ટ ઓફિસના પાર્સલમાંથી અમદાવાદ ક્રાઈમ બ્રાન્ચે ડ્રગ્સ ઝડપી પાડયું 

અમદાવાદના શાહીબાગની પોસ્ટ ઓફિસના પાર્સલમાંથી અમદાવાદ ક્રાઈમ બ્રાન્ચે ડ્રગ્સ ઝડપી પાડયું છે,થાઈલેન્ડ,યુએસ અને કેનેડાથી આ ડ્રગ્સ આવ્યુ હતુ જેને અમદાવાદ,તાપી,પાલનપુર પાર્સલ મારફતે મોકલવાનું હતું,આ સમગ્ર ઘટના પર ક્રાઈમ બ્રાન્ચે ખુલાસો કર્યો છે,આ ડ્રગ્સ જે તે જગ્યા પર પહોંચાડવા માટે વર્ચ્યુઅલ નંબરનો ઉપયોગ કરવામાં આવતો હતો.

દિનેશ લાલ યાદવ નિરહુઆએ પોતાનો મત આપ્યો

આઝમગઢ ભાજપના ઉમેદવાર દિનેશ લાલ યાદવ નિરહુઆએ ગાઝીપુર મતદાન મથક પર પોતાનો મત આપ્યો

Suratમાં આવેલી રેડીયન્ટ ઇન્ટરનેશનલ સ્કૂલે ધાબા પર ગેરકાયદેસર રસોડુ બનાવ્યું

રાજકોટની દુર્ઘટના બાદ ગુજરાતનુ ફાયર વિભાગ અને પોલીસ તંત્ર જાગ્યું છે,જે જગ્યાએ એનઓસી લેવાની હોય અને જે તે લોકોએ એનઓસી ન લીધી હોય તેની સામે ગુનો નોંધી જે તે મિલકતને સીલ કરી દેવામાં આવી છે,સુરતમાં રેડીયન્ટ ઈન્ટરનેશનલ સ્કૂલે ધાબા પર ગેરકાયદેસર રસોડું ઉભી કરી દેવામાં આવ્યું છે,જયારે કોઈ ઘટના બને ત્યારે કોણ જવાબ આપશે અને આ રસોડું ઉભુ કરવાની પરમિશન કોણે આપી તે પણ એક સવાલ છે.

ગાંધીનગર જિલ્લાના ચાર સ્થળોને કોલેરાગ્રહત જાહેર કરાયા 

ગાંધીનગર જિલ્લાના ચાર સ્થળોને કોલેરાગ્રહત જાહેર કરાયા છે. જેમાં ચાર સ્થળો પર પાંચ કોલેરાના કેસ સામે આવ્યા છે. ત્યારે ગાંધીનગર જિલ્લા કલેકટર દ્વારા જાહેરનામું પ્રસિદ્ધ કરાયું છે. તેમાં દહેગામ,મોટી સિહોલી,પેથાપુર તથા કલોલના વિસ્તારો જાહેર થયા છે. દહેગામના ખારા વિસ્તાર, કલોલના રામદેવપુરા વાસ ગાયનો ટેકરો, મોટી શિહોલી પેથાપુરના વણકર વાસમાં કોલેરાના કેસ સામે આવ્યા છે. 

હિમાચલની તમામ 4 બેઠકો ભાજપ જીતશે, અમે પેટાચૂંટણી પણ જીતીશું: જયરામ ઠાકુર

હિમાચલ પ્રદેશના LOP અને બીજેપી નેતા જયરામ ઠાકુરે કહ્યું, 'હું લોકોમાં જબરદસ્ત ઉત્સાહ જોઈ શકું છું. પ્રચાર લાંબો ચાલ્યો પરંતુ તે અંત સુધી ઉત્સાહ સાથે ચાલુ રહ્યો. મને વિશ્વાસ છે કે હિમાચલની તમામ 4 સીટો પર ભાજપ જીતશે. અમે બેઠકો જીતીશું, અમે પેટાચૂંટણી પણ જીતીશું.

બપોરે 12 વાગ્યા સુધીના મહત્ત્વના સમાચાર 

1- Rajkot TRP GameZone અગ્નિકાંડ મામલે સરકારના વલણથી IAS અને IPS લોબી નારાજ

2- Saputaraના વાતાવરણમાં પલટો આવ્યો, સહેલાણીઓને મોજ આવી ગઇ

3- Rajkot: RMCના ભ્રષ્ટ અધિકારી રૂ.75 હજારના પગારદાર પાસે કરોડોની સંપત્તિ

4- Junagadhમાં વિજ્ય પ્રકાશ સ્વામીએ નોંધાવી પોલીસ ફરિયાદ

5- Gujarat News: પફ ખાવાના શોખીનો માટે ચોંકાવનારો કિસ્સો સામે આવ્યો

6- Rajkot TRP Game Zone અગ્નિકાંડ બાદ અમદાવાદમાં AMC તંત્ર સફાળે જાગ્યું

7- Gujarat Weather: આંધી સાથે ભારે પવન ફૂંકાશે, જાણો શું છે વરસાદની આગાહી

8- Lawrence bishnoi : કેવી રીતે પોલીસ કોન્સ્ટેબલનો પુત્ર લોરેન્સ બન્યો ગેંગસ્ટર,જાણો AToZ

9- Ahmedabadમાં ચાંદખેડા પોલીસે ફાયર સેફટીના અભાવે જગતપુરની સોસાયટીના ચેરમેન સામે નોંધ્યો ગુનો

10- IndiGo Flight Threat: ઈન્ડિગોની ચેન્નાઈ-મુંબઈ ફ્લાઈટમાં બોમ્બની ધમકી, ઈમરજન્સી લેન્ડિંગ

7માં તબક્કામાં સવારે 11 વાગ્યા સુધી 26.30% મતદાન

લોકસભા ચૂંટણી 2024ના 7માં તબક્કામાં સવારે 11 વાગ્યા સુધી 26.30% મતદાન નોંધાયું છે. બિહારમાં 24.25%, હિમાચલ પ્રદેશમાં 31.92%, ઝારખંડમાં 29.55%, ઓડિશામાં 22.64%, પંજાબમાં 32.91%, ઉત્તર પ્રદેશમાં 28.02%, પશ્ચિમ બંગાળમાં 28.10%, ચંદીગઢમાં 25.03% મતદાન થયું હતું.

સીએમ નીતિશ કુમારે પોતાનો વોટ આપ્યો

બિહારના મુખ્યમંત્રી નીતિશ કુમારે બખ્તિયારપુરમાં મતદાન કર્યું

PM મોદીની યોગ સાધનાનો આજે ત્રીજો દિવસ

PM નરેન્દ્ર મોદી શનિવારે (1 જૂન) સવારે 10 વાગ્યે કન્યાકુમારીમાં વિવેકાનંદ રોક મેમોરિયલ ખાતે ધ્યાનથી બહાર આવ્યા હતા. શનિવાર તેમનો ધ્યાનનો ત્રીજો દિવસ છે. મોદી 30 મેના રોજ અહીં પહોંચ્યા હતા. શુક્રવારે તેમના ધ્યાનની તસવીરો સામે આવી હતી. તેઓ કેસરી વસ્ત્રો, હાથમાં રુદ્રાક્ષની માળા અને કપાળ પર તિલક ધારણ કરેલા જોવા મળ્યા હતા. સવારે તેમણે સૂર્યને અર્ઘ્ય આપ્યો, મંદિરની પરિક્રમા કરી અને ધ્યાનની મુદ્રામાં બેઠા.

સલમાન પર થવાનો હતો Ak-47થી હુમલો, 4 શૂટર્સ એરેસ્ટ

ફિલ્મ અભિનેતા સલમાન ખાન પર એકવાર હુમલો કરવાની કોશિશને મુંબઈ પોલીસે નાકામ કરી છે. નવી મુંબઈ પોલીસે લોરેન્સ બિશ્નોઈ ગેંગના 4 લોકોની ધરપકડ કરી છે જે પનવેલમાં અભિનેતા સલમાન ખાનની કાર પર હુમલો કરવાની યોજના બનાવી રહ્યા હતા. આ માટે પાકિસ્તાની હથિયાર સપ્લાયરથી હથિયાર મંગાવવાની યોજના હતી. આ સમયે એમ લાગી રહ્યું છે કે સલમાન ખાન હજુ પણ સેફ નથી.

Bhavnagar RTO દ્વારા 17 ઓવરલોડ ટ્રકોને મેમો આપવામાં આવ્યો

ભાવનગર ઘોઘા બંદરેથી સુરત, હજીરા વચ્ચે રો-રો ફેરી જહાજ દ્વારા મુસાફરો તેમજ ટ્રકો, બસો, કારની હેરાફેરી થતી હોય છે. ઓવરલોડ ટ્રક માલ ભરતા સંચાલકો પોલીસ કાર્યવાહીથી બચવા માટે થઇને રો-રો ફેરી જહાજમાં ઓવલોડ માલ ભરી ટ્રકો જહાજમાં સુરત મોકલવામાં આવતા હોવાની ભાવનગર આર.ટી.ઓ.ને માહિતી મળી હતી જે અન્વયે ઘોઘા બંદર ખાતે રો- રો ફેરી જહાજમાં ટ્રકો, બસો તેમજ અન્ય વાહનોનું ચેકીંગ હાથ ધરાયું હતું. તપાસ દરમિયાન ઓવરલોડ માલ ભરાયેલા 17 જેટલા ટ્રકો ઝડપાયા હતા જે તમામને આર.ટી.ઓ. દ્વારા દંડ સ્વરૂપે મેમો અપાયા હતા.

સુખબીર સિંહ બાદલે પરિવાર સાથે મતદાન કર્યું

શિરોમણી અકાલી દળના પ્રમુખ સુખબીર સિંહ બાદલે તેમની પત્ની અને ભટિંડા લોકસભા બેઠક પરથી પાર્ટીના ઉમેદવાર હરસિમરત કૌર બાદલ અને પરિવાર સાથે પોતાનો મત આપ્યો.

સુરતમાં વાવાઝોડાની આગાહીને પગલે બીચ બંધ કરાયા

સુરતમાં વાવાઝોડાની આગાહીને પગલે બીચ બંધ કરાયા છે. જેમાં 1થી 7 જૂન ડુમસ અને સુવાલી બીચ પર પ્રવેશબંધી છે. ગુજરાતના દરીયાકિનારે ભારે પવન ફુંકાવાની આગાહી છે. તેથી સહેલાણીઓની અવરજવર પર પ્રતિબંધ મુકી દેવામાં આવ્યો છે. બંને બીચ પર જશો તો પોલીસ પરત મોકલશે. 

રાજકોટ ગેમિંગ ઝોન અગ્નિકાંડના મામલે  રાજ્ય સરકારના વલણથી આઈએએસ અને આઈપીએસ લોબી નારાજ 

રાજકોટ ગેમિંગ ઝોન અગ્નિકાંડના મામલે  રાજ્ય સરકારના વલણથી આઈએએસ અને આઈપીએસ લોબી નારાજ થઇ છે. જેમાં એસઆઈટી સમક્ષ પૂછપરછ માટે આઈએએસ અને આઇપીએસને બોલાવવાની વાતથી નારાજ થયા છે.   સૂત્રોના જણાવ્યા પ્રમાણે અગ્નિકાંડ દરમિયાન તત્કાલીન આઈએએસ અને આઇપીએસ અધિકારીઓની બદલીના ઓર્ડરથી નારાજગી વ્યક્ત કરાઇ છે. 

4 જૂને 400ને પાર કરશે અને પટના સાહિબ 4 લાખને પાર કરશે - રવિશંકર પ્રસાદ.

બિહારની પટના સાહિબ લોકસભા સીટ પરથી ભાજપના ઉમેદવાર રવિશંકર પ્રસાદે પોતાનો મત આપ્યો. વોટ આપ્યા બાદ તેમણે કહ્યું કે દેશમાં બિહાર અને પટના સાહિબમાં ખૂબ જ નિર્ણાયક જીત થવાની છે, 4 જૂને દેશમાં 400ને પાર અને જનતાના આશીર્વાદથી પટના સાહિબ 4 લાખને પાર કરશે.

ગિરિમથક સાપુતારાના વાતાવરણમાં પલટો આવ્યો 

ગિરિમથક સાપુતારાના વાતાવરણમાં પલટો આવ્યો છે. કાળાડિબાંગ વાદળો છવાતા અદભૂત નજારો સર્જાયો છે. સાપુતારા સહિત તળેટી વિસ્તારોમાં વાદળછાયું વાતાવરણ રહેતા સહેલાણીઓને મોજ આવી ગઇ છે. સાપુતારામાં બદલાયેલા મોસમથી સહેલાણીઓમાં ખુશી છે. વેકેશનના કારણે સાપુતારામાં સહેલાણીઓનો ધસારો જોવા મળી રહ્યો છે. 

સોમનાથમાં કેન્દ્રીય ગૃહમંત્રી અમિત શાહે દર્શન કર્યા 

સોમનાથમાં કેન્દ્રીય ગૃહમંત્રી અમિત શાહે દર્શન કર્યા છે. જેમાં પરિવાર સાથે મહાદેવનાં દર્શન કરી ધ્વજા પૂજા કરી છે. પ્રથમ જ્યોતિર્લિંગનાં ચરણોમાં  શીશ ઝુકાવી ધન્યતા અનુભવી છે.

સચિન પાયલોટે લોકસભા ચૂંટણીમાં ચૂંટણી રેલીઓની સદી ફટકારી 

લોકસભા ચૂંટણી 2024માં, રાજસ્થાનના ભૂતપૂર્વ નાયબ મુખ્ય પ્રધાન, AICC મહાસચિવ અને ટોંકના ધારાસભ્ય સચિન પાયલટે 14 રાજ્યોની 53 લોકસભા બેઠકો પર 101 જાહેર સભાઓ યોજી હતી. લોકસભા ચૂંટણીની ટિકિટોની વહેંચણી થતાં જ સચિન પાયલોટ દેશભરમાં લોકસભાની વિવિધ બેઠકો પર પ્રચાર માટે ખૂબ જ લોકપ્રિય હતા. પાયલોટે રાજસ્થાન અને તેમના પ્રભારી રાજ્ય સહિત વિવિધ રાજ્યોની લોકસભા બેઠકો પર કોંગ્રેસ અને ભારત ગઠબંધનના ઉમેદવારોની તરફેણમાં પ્રચાર કર્યો. સચિન પાયલોટે દિવસના 18 કલાક રોકાયા વિના સતત પ્રચાર કર્યો.

જૂનાગઢમાં વિજ્ય પ્રકાશ સ્વામીએ ફરિયાદ નોંધાવી

જૂનાગઢમાં વિજ્ય પ્રકાશ સ્વામીએ ફરિયાદ નોંધાવી છે. જેમાં જમીન મુદ્દે લેતીદેતીની અદાવતમાં માર માર્યાની ફરિયાદ થઇ છે. તેમાં તાલુકા પોલીસ સ્ટેશનમાં 6 શખ્સો સામે ફરિયાદ નોંધાવી છે. તેમજ જસ્મીન માઢક, જય મોલિયા પ્રકાશ વાઘ સામે ફરિયાદ થતા પોલીસે વધુ તપાસ શરૂ કરી છે. તેમજ રામ આહિર, અન્ય બે અજાણ્યા શખ્સનો ફરિયાદમાં ઉલ્લેખ છે. 

લોકસભા ચૂંટણી 2024ના છેલ્લા તબક્કામાં સવારે 9 વાગ્યા સુધી 11.31 ટકા મતદાન

લોકસભા ચૂંટણી 2024ના છેલ્લા તબક્કામાં સવારે 9 વાગ્યા સુધી 11.31 ટકા મતદાન નોંધાયું છે. ચૂંટણી પંચના આંકડા અનુસાર, બિહારમાં 10.58%, ચંદીગઢમાં 11.6%, હિમાચલ પ્રદેશમાં 14.35%, ઝારખંડમાં 12.15%, ઓડિશામાં 7.69%, પંજાબમાં 9.64%, યુપીમાં 12.94% અને પશ્ચિમ બંગાળમાં 12.64% મતદાન થયું છે.

પશ્ચિમ બંગાળ: 24 પરગણામાં હંગામો, બદમાશોએ આગ લગાવી, વિસ્તારમાં તણાવ

મતદાનની શરૂઆત પહેલા જ પશ્ચિમ બંગાળના ઉત્તર 24 પરગનાની ખરદાહ નગરપાલિકાના વોર્ડ નંબર 2માં હંગામો થયો હતો. ખરદાહ નગરપાલિકાના વોર્ડ નંબર 2 માં સ્થિત વિવેકાનંદ સ્ટેડિયમની બાજુમાં આવેલી તૃણમૂલ કોંગ્રેસના અસ્થાયી કાર્યાલયમાં બદમાશોએ પેટ્રોલ રેડ્યું અને આગ લગાવી. આગમાં આખી ઓફિસ બળીને ખાખ થઈ ગઈ છે. આ ઘટનાથી આસપાસના વિસ્તારમાં ભારે તંગદિલી ફેલાઈ ગઈ છે. રાહરા પોલીસે સમગ્ર મામલે તપાસ શરૂ કરી હતી.

હિમાચલ પ્રદેશની 4 બેઠકો 400ને પાર કરવામાં યોગદાન આપશેઃ કંગના રનૌત

હિમાચલ પ્રદેશના મંડી લોકસભા મતવિસ્તારમાંથી બીજેપી ઉમેદવાર કંગના રનૌતે મતદાન કર્યા પછી કહ્યું, 'મેં હમણાં જ મારો મત આપ્યો છે. હું લોકોને અપીલ કરવા માંગુ છું કે લોકશાહીના ઉત્સવમાં ભાગ લે અને પોતાના મતાધિકારનો ઉપયોગ કરે. હિમાચલ પ્રદેશમાં પીએમ મોદીની લહેર છે, મને આશા છે કે મંડીના લોકો મને આશીર્વાદ આપશે અને અમને રાજ્યની તમામ 4 બેઠકો મળશે. હિમાચલ પ્રદેશની 4 બેઠકો 400ને પાર કરવામાં મદદ કરશે.

પફ ખાવાના શોખીનો માટે ચોંકાવનારો કિસ્સો સામે આવ્યો

પફ ખાવાના શોખીનો માટે ચોંકાવનારો કિસ્સો સામે આવ્યો છે. જેમાં વડોદરામાં પફમાંથી જીવાત નીકળી છે. મી.પફના સ્ટોરમાંથી લીધેલા પફમાં જીવાત નીકળી છે. તેમાં દુકાન માલિકે ભૂલ હોવાનો સ્વીકાર કર્યો છે. તેમજ જાગૃત ગ્રાહકે સોશિયલ મીડિયામાં વીડિયો વાયરલ કર્યો છે. જેમાં બ્રાન્ડના નામે લાલીયાવાડી ચલાવતી કંપનીઓ વધી રહી છે. 

લોકશાહી અને બંધારણના રક્ષણ માટે મતાધિકારનો ઉપયોગ કરોઃ અરવિંદ કેજરીવાલ

દિલ્હીના મુખ્યમંત્રી અરવિંદ કેજરીવાલે X પર એક પોસ્ટમાં લખ્યું, 'લોકતંત્રના આ મહાન તહેવારમાં આજે દેશ છેલ્લા તબક્કામાં મતદાન કરશે. આપ સૌને લોકશાહી અને બંધારણની રક્ષા માટે મોટી સંખ્યામાં તમારા મતદાન અધિકારનો ઉપયોગ કરવા વિનંતી છે. જાતે મત આપવા જાઓ અને તમારા પડોશના લોકોને તમારી સાથે લઈ જાઓ. સરમુખત્યાર હારશે, લોકશાહી જીતશે.

RMCના ભ્રષ્ટ TPO સાગઠિયાની સંપત્તિ અંગે તપાસ શરૂ કરવામાં આવી

રાજકોટમાં RMCના ભ્રષ્ટ TPO સાગઠિયાની સંપત્તિ અંગે તપાસ શરૂ કરવામાં આવી છે. જેમાં સાગઠિયાની સંપત્તિ કેટલી તે અંગે ACBની તપાસ શરૂ થઇ છે. રાજકોટ શહેર અને આસપાસના વિસ્તારમાં તપાસ શરૂ કરવામાં આવી છે. રોકાણ સહિતના મુદ્દે દસ્તાવેજો શોધવા ટીમો કામે લાગી છે. રૂપિયા 75 હજારના પગારદાર સાગઠિયા પાસે કરોડોની સંપત્તિ છે.

પશ્ચિમ બંગાળમાં તોફાનીઓએ EVM અને VVPATને પાણીમાં ફેંકી દીધા

પશ્ચિમ બંગાળના દક્ષિણ 24 પરગણાના કુલતાઈમાં બૂથ નંબર 40, 41 પર ટોળા દ્વારા EVM અને VVPAT મશીનોને કથિત રીતે પાણીમાં ફેંકવામાં આવ્યા હતા.

4 જૂનનો સૂર્ય દેશમાં નવી સવાર લાવવા જઈ રહ્યો છેઃ રાહુલ ગાંધી

કોંગ્રેસ નેતા રાહુલ ગાંધીએ X પર એક પોસ્ટમાં લખ્યું, 'પ્રિય દેશવાસીઓ! આજે મતદાનનો સાતમો અને અંતિમ તબક્કો છે અને અત્યાર સુધીના વલણો પરથી સ્પષ્ટ છે કે દેશમાં ભારતની સરકાર બનવા જઈ રહી છે. મને ગર્વ છે કે કાળઝાળ ગરમીમાં પણ તમે બધા લોકશાહી અને બંધારણની રક્ષા માટે મતદાન કરવા બહાર આવ્યા છો. આજે પણ મોટી સંખ્યામાં બહાર આવો અને અહંકાર અને અત્યાચારનું પ્રતિક બની ગયેલી આ સરકારને તમારા વોટથી 'આખરી ઝટકો' આપો. 4 જૂનનો સૂર્ય દેશમાં એક નવી સવાર લાવવા જઈ રહ્યો છે.

મિથુન ચક્રવર્તીએ કોલકાતાના બેલગાચિયામાં પોતાનો મત આપ્યો

બેલગાચિયામાં મતદાન કેન્દ્ર પર પોતાનો મત આપ્યા બાદ ભાજપના નેતા મિથુન ચક્રવર્તીએ કહ્યું, 'હું ભાજપનો કેડર છું, મેં મારી ફરજ બજાવી છે.'

લાલુ યાદવે પત્ની રાબડી અને પુત્રી રોહિણી સાથે પટનામાં મતદાન કર્યું

આરજેડીના વડા લાલુ પ્રસાદ યાદવ, રાબડી દેવી અને તેમની પુત્રી અને સારણ લોકસભા સીટથી પાર્ટીના ઉમેદવાર રોહિણી આચાર્ય પટનામાં મતદાન કરવા માટે મતદાન કેન્દ્ર પહોંચ્યા.

ભારતનું જોડાણ 4 જૂને પત્તાની જેમ તૂટી જશે - અનુપ્રિયા પટેલ

કેન્દ્રીય મંત્રી અને મિર્ઝાપુર લોકસભા સીટ પરથી અપના દળ (સોનેલાલ)ના ઉમેદવાર અનુપ્રિયા પટેલ મતદાન કેન્દ્ર પર પહોંચી અને પોતાનો મત આપ્યો. પોતાનો મત આપ્યા પછી, તેમણે કહ્યું કે મને સંપૂર્ણ વિશ્વાસ છે કે મિર્ઝાપુરના સામાન્ય રહેવાસી ફરી એકવાર તેમના અમૂલ્ય મતથી મને આશીર્વાદ આપશે. 4 જૂને દૂધનું દૂધ અને પાણીનું પાણી થઈ જશે. INDI ગઠબંધન પત્તાના ઘરની જેમ તૂટી જશે અને નરેન્દ્ર મોદીના નેતૃત્વમાં ત્રીજી વખત મજબૂત NDA સરકાર બનશે.

મેં વિકસિત ભારત અને રામ રાજ્ય માટે મત આપ્યો: રવિ કિશન

ગોરખપુરથી બીજેપી ઉમેદવાર રવિ કિશને પોતાની પત્ની પ્રીતિ સાથે વોટ આપ્યો. મત આપ્યા બાદ તેમણે કહ્યું કે મેં વિકસિત ભારત, રામ રાજ્ય અને ભારતને વિશ્વ નેતા બનાવવા માટે યોગદાન આપવા માટે મત આપ્યો છે.

રવિ કિશન પોતાનો વોટ આપવા માટે ગોરખપુર પોલિંગ બૂથ પહોંચ્યા

ઉત્તર પ્રદેશની ગોરખપુર સંસદીય સીટ પરથી બીજેપી ઉમેદવાર રવિ કિશન પોતાનો વોટ આપવા માટે પોલિંગ બૂથ પર પહોંચી ગયા છે. તે પોતાનો મત આપવાનો વારો આવે તેની રાહ જોતા લાઇનમાં ઊભા જોઈ શકાય છે.

મોદી સરકાર ફરી સત્તામાં આવશેઃ યુપીના મુખ્યમંત્રી યોગી આદિત્યનાથ

ઉત્તર પ્રદેશના મુખ્યમંત્રી યોગી આદિત્યનાથે છેલ્લા તબક્કાના મતદાન દરમિયાન ગોરખપુરમાં પોતાનો મત આપ્યો. મત આપ્યા બાદ તેમણે કહ્યું કે આ લોકશાહીનો મહાન તહેવાર છે. આજે ઉત્તર પ્રદેશની 13 બેઠકો સહિત આઠ રાજ્યોની 57 બેઠકો પર મતદાન થઈ રહ્યું છે. મતદાન કરવા આવેલા તમામ લોકોનો હું આભાર વ્યક્ત કરું છું. અમને દેશભરમાંથી સમર્થન મળી રહ્યું છે. છેલ્લા અઢી મહિનાથી દેશમાં સામાન્ય લોકોની આકાંક્ષાઓને પૂર્ણ કરવા માટે વિવિધ પક્ષોએ પોતપોતાના મુદ્દાઓ રજૂ કરીને તેમની સરકારની કામગીરીને આગળ ધપાવી છે. આ અંગે મતદારોએ જે ઉત્સાહ દર્શાવ્યો છે તેનો હું આભાર વ્યક્ત કરું છું. મોદી સરકાર ફરી એકવાર સરકાર બનાવશે.

AAP સાંસદ રાઘવ ચઢ્ઢાએ પોતાનો મત આપ્યો

આમ આદમી પાર્ટીના સાંસદ રાઘવ ચઢ્ઢાએ આનંદપુર સાહિબ મતવિસ્તાર હેઠળના લખનૌના સાહિબજાદા અજીત સિંહ નગરમાં પોતાનો મત આપ્યો.

ફાયર NOC, BU ના ધરાવતા એકમો પર AMCની તવાહી

ફાયર NOC, BU ના ધરાવતા એકમો પર AMCની તવાહી આવી છે. જેમાં કાફે,ટી પોસ્ટ અને હોસ્પિટલ સહિત 15 એકમો  સીલ કરાઈ છે. તેમજ 6 હોસ્પિટલ અને 9 રેસ્ટોરન્ટ સીલ કરાતા વેપારીઓમાં ફફડાટ વ્યાપી ગયો છે. તેમજ તપાસ દરમ્યાન 3 એકમોમાં ગેરકાયદે બાંધકામ જોવા મળ્યુ છે. 

હિમાચલઃ જેપી નડ્ડાએ મતદાન કર્યું, કહ્યું- મજબૂત, સક્ષમ અને આત્મનિર્ભર ભારત માટે મત આપો

બીજેપીના રાષ્ટ્રીય અધ્યક્ષ જેપી નડ્ડાએ હિમાચલ પ્રદેશના બિલાસપુરમાં મતદાન કેન્દ્ર પર પોતાનો મત આપ્યો. પોતાનો મત આપ્યા પછી ભાજપના રાષ્ટ્રીય અધ્યક્ષ જેપી નડ્ડાએ કહ્યું કે આજે મને મારા વતન વિજયપુરના મારા બૂથ પર આવીને મારો મત આપવાનું સૌભાગ્ય મળ્યું છે. મજબૂત, સક્ષમ અને આત્મનિર્ભર ભારત માટે મત આપો. લોકશાહીને મજબૂત કરો. વિકસિત ભારતના વિઝનને પરિપૂર્ણ કરવામાં યોગદાન આપો.

રાજ્યમાં કાળઝાળ ગરમીથી રાહત મળી

રાજ્યમાં કાળઝાળ ગરમીથી રાહત મળી છે. જેમાં રાજ્યમાં તાપમાનમાં ઘટાડો નોંધાયો છે. પવનોની દિશા બદલાતા તાપમાન ઘટ્યું છે. અમદાવાદમાં સૌથી વધુ તાપમાન 42.6 ડિગ્રી રહ્યુ છે. તેમજ ગાંધીનગરમાં 42.4, સુરેન્દ્રનગરમાં 42.3 ડિગ્રી તથા ભાવનગરમાં 41.5, અમરેલીમાં 41.2 ડિગ્રી અને રાજકોટમાં 40.6 ડિગ્રી, ડીસામાં 40.2 ડિગ્રી તાપમાન રહ્યું છે.

લોકશાહીના આ મહાન ઉત્સવમાં ઉત્સાહપૂર્વક ભાગ લો - PM મોદી

લોકસભાના છેલ્લા તબક્કામાં 8 રાજ્યોની 57 સીટો પર મતદાન ચાલી રહ્યું છે. આ દરમિયાન પીએમ મોદીએ લોકોને વોટ કરવાની અપીલ કરી છે. તેમણે ટ્વીટ કરીને કહ્યું કે, લોકસભા ચૂંટણીના છેલ્લા તબક્કામાં આજે મતદાન થવાનું છે. હું આ તબક્કાના તમામ મતદારોને લોકશાહીના આ મહાન તહેવારમાં ઉત્સાહપૂર્વક ભાગ લેવા વિનંતી કરું છું. મને વિશ્વાસ છે કે આપણા યુવા અને મહિલા મતદારો રેકોર્ડ સંખ્યામાં આગળ આવશે અને તેમનો મત આપશે. ચાલો આપણે સાથે મળીને આપણી લોકશાહીને વધુ ગતિશીલ બનાવીએ.

8 રાજ્યોમાં 57 બેઠકો પર મતદાન શરૂ થઈ ગયું છે

લોકસભા ચૂંટણીના સાતમા અને અંતિમ તબક્કામાં 8 રાજ્યોની 57 બેઠકો પર મતદાન શરૂ થઈ ગયું છે.

કેન્દ્રીય ગૃહમંત્રી અમિત શાહની મતદારોને અપીલ

કેન્દ્રીય ગૃહમંત્રી અમિત શાહે મતદારોને મતદાન કરવાની અપીલ કરી છે. તેમણે કહ્યું કે બિહારમાં લોકસભા ચૂંટણીના છેલ્લા તબક્કામાં આજે મતદાન કરવા જઈ રહેલી બહેનો અને ભાઈઓને હું ઐતિહાસિક મતદાન કરવા વિનંતી કરું છું. બિહારને વંશવાદી જૂથના શ્રાપમાંથી મુક્ત કરવાની આ તક છે જે યુવાનોને નોકરીની લાલચ આપીને તેમની જમીન હડપ કરે છે અને પેઢી દર પેઢી ગરીબી નાબૂદ કરવાના માત્ર વચનો આપે છે. દેશ અને બિહારના વિકાસ અને સમૃદ્ધિ માટે સ્વપ્નદ્રષ્ટા અને પ્રામાણિક સરકારને ચૂંટવા માટે મત આપો.

લોકસભા ચૂંટણી અંતર્ગત અત્યાર સુધીમાં છ તબક્કામાં મતદાન થયું છે.

- પ્રથમ તબક્કો (એપ્રિલ 19): 66.14%

- બીજો તબક્કો (26 એપ્રિલ): 66.71%

- ત્રીજો તબક્કો (7 મે): 65.68%

- ચોથો તબક્કો (મે 13): 69.16%

- પાંચમો તબક્કો (મે 20): 62.2%

- છઠ્ઠો તબક્કો (25 મે): 63.36%

વડાપ્રધાન મોદી વારાણસીથી હેટ્રિક ફટકારવાની તૈયારી કરી રહ્યા છે

વડાપ્રધાન મોદી સતત ત્રીજી વખત જીતવા માટે ગંગાના કિનારે સ્થિત પ્રાચીન આધ્યાત્મિક શહેર વારાણસીથી ચૂંટણી લડી રહ્યા છે. વડાપ્રધાન મોદીને વારાણસી લોકસભા સીટ પર વિપક્ષી ગઠબંધન 'INDIA'ના ઉમેદવાર અને કોંગ્રેસના ઉત્તર પ્રદેશ એકમના અધ્યક્ષ અજય રાય દ્વારા પડકાર આપવામાં આવી રહ્યો છે. રાય આ સીટ પર વડાપ્રધાન મોદીને બે વખત પડકાર આપી ચૂક્યા છે.

19 એપ્રિલથી શરૂ થયેલી મેરેથોન મતદાન પ્રક્રિયાનો અંત આવશે

આજે, 57 બેઠકો પર મતદાન સાથે, 19 એપ્રિલથી શરૂ થયેલી મેરેથોન મતદાન પ્રક્રિયાનો અંત આવશે. આંધ્રપ્રદેશ વિધાનસભા સહિત 543 લોકસભા બેઠકો માટે મતોની ગણતરી 4 જૂને થશે, જ્યારે અરુણાચલ પ્રદેશ અને સિક્કિમમાં વિધાનસભા ચૂંટણીની મત ગણતરી 2 જૂને થશે