સ્થાનિક સ્વરાજ્યની ચૂંટણીઓ નજીક આવતા જ અમદાવાદના રામોલ વિસ્તારમાં રાજકીય ગરમાવો ચરમસીમાએ પહોંચ્યો છે. રામોલ બેઠક પરથી કોંગ્રેસના મહિલા ઉમેદવાર બીના મોદીએ ભાજપના ઉમેદવાર મૌલિક પટેલ પર અત્યંત ગંભીર આક્ષેપો કર્યા છે. બીના મોદીનો દાવો છે કે તેમને ઉમેદવારી ફોર્મ પરત ખેંચવા માટે લાખો રૂપિયાની ઓફર અને સતત દબાણ કરવામાં આવી રહ્યું છે.
₹25 લાખ લો અને ફોર્મ પાછું ખેંચો
કોંગ્રેસ ઉમેદવાર બીના મોદીએ ચોંકાવનારો આક્ષેપ કરતા જણાવ્યું કે, ભાજપના ઉમેદવાર મૌલિક પટેલ તેમને 25 લાખ આપવાની ઓફર કરી રહ્યા છે. તેમણે વધુમાં જણાવ્યું કે, માત્ર નાણાંની લાલચ જ નહીં પરંતુ ઉમેદવારી પરત ખેંચવા માટે તેમના પર સતત માનસિક દબાણ પણ ઉભું કરવામાં આવી રહ્યું છે.