અમદાવાદમાં એક મુસ્લિમ વિસ્તારની સભાનો વિડીયો વાઇરલ થયો છે જેમાં આમ આદમી પાર્ટી (AAP) ના મહિલા નેતાએ ઉશ્કેરણીજનક ભાષણ કરતા જોવા મળી રહ્યા છે. આ વાયરલ વીડિયોમાં તે મહિલા મુસ્લિમ સમાજના લોકો સમક્ષ મસ્જિદો તેમજ દરગાહોની તોડફોડ અને રસ્તા પર નમાજ પઢવા જેવા સંવેદનશીલ મુદ્દાઓ છેડીને લોકોને ઉશ્કેરવાનો પ્રયાસ કર્યો છે.
દરગાહો પર તોડફોડ થઈ રહી છે
AAP ના મહિલા નેતા વિડીયોમાં કહી રહ્યાં છે કે “આપણને સાંભળવા વાળું કોઈ નથી. મસ્જિદો પર જે પ્રહાર થઇ રહ્યા છે, દરગાહો પર તોડફોડ થઈ રહી છે, તે આમ આદમી પાર્ટી સત્તા પર આવશે તો સમસ્યાઓ દૂર કરશે કે મસ્જિદો ન તૂટવી જોઇએ અને દરગાહો ન તૂટવી જોઇએ. તે સિવાય રસ્તા પર નમાજ પઢીએ ત્યારે આપણને ઊભા કરી દેવામાં આવે છે. આપણે મુસ્લિમ છીએ અને ભારતમાં રહીએ છીએ. તો આમ આદમી પાર્ટી તેના માટે પણ કામ કરશે.”
