અદાણી ગ્રુપ-હલ્દીરામ...મહિલા IPLમાં ટીમ ખરીદવા આગળ આવ્યા મોટા નામ

• 25 જાન્યુઆરી સુધી કંપનીઓ-દાવેદારોએ નામ આપવા પડશે
  
• ટેન્ડરોમાં અત્યાર સુધીમાં 30થી વધુ કંપનીઓના નામ સામે આવ્યા
• હલ્દીરામ, અપોલો, શ્રીરામ ગ્રુપ, નીલગીરી ગ્રુપ, કાતકુરી ગ્રુપે રસ દાખવ્યો

BCCIએ મહિલા IPLની તૈયારીઓ કરી લીધી છે અને ટુંક સમયમાં જ ટીમોની હરાજી યોજાવાની છે. મહિલા IPLમાં ટીમ ખરીદવા માટે ઘણી મોટી કંપનીઓએ રસ દાખવ્યો છે.

30થી વધુ કંપનીઓના નામ સામે આવ્યા

વર્ષ 2023 ભારતીય ક્રિકેટ માટે ખાસ રહેવાનું છે, કારણ કે આ વર્ષથી મહિલા IPL શરૂ થવાની છે. BCCI દ્વારા થોડા દિવસો પહેલા મહિલા ઈન્ડિયન પ્રીમિયર લીગ માટે ટેન્ડર બહાર પાડવામાં આવ્યા હતા, જેમાં કંપનીઓ અલગ-અલગ ટીમો ખરીદવા માટે સ્પર્ધા કરી રહી છે. BCCI દ્વારા બહાર પાડવામાં આવેલા ટેન્ડરોમાં અત્યાર સુધીમાં 30થી વધુ કંપનીઓના નામ સામે આવ્યા છે, જે ટીમો ખરીદવા માટે આગળ આવી છે.

મોટા નામોએ ટીમ ખરીદવામાં રસ દાખવ્યો

એક રિપોર્ટ અનુસાર, જે કંપનીઓએ મહિલા IPL માટે ટીમો ખરીદવામાં રસ દાખવ્યો છે તેમાં હલ્દીરામ અને અપોલો જેવા નામ સામેલ છે. ચેન્નાઈના પ્રખ્યાત શ્રીરામ ગ્રુપ, નીલગીરી ગ્રુપ અને કાતકુરી ગ્રુપે ટીમ ખરીદવામાં રસ દાખવ્યો છે. આ સિવાય જે નામો સામે આવ્યા છે તેમાં એપોલો ગ્રુપ અને હલ્દીરામ ગ્રુપનો સમાવેશ થાય છે. કેટલીક સિમેન્ટ કંપનીઓ પણ છે જે ટીમો ખરીદવા આગળ આવી છે, જેમાં જેકે સિમેન્ટ અને ચેટ્ટીનાડ સિમેન્ટનો સમાવેશ થાય છે. આ સિવાય અદાણી ગ્રૂપ અને કપરી ગ્લોબલે પણ ટીમ ખરીદવા માટે ટેન્ડર લીધા છે.

25 જાન્યુઆરી સુધીમાં નામ આપવા પડશે

તમને જણાવી દઈએ કે 25 જાન્યુઆરી સુધીમાં તમામ કંપનીઓ અથવા દાવેદારોએ તેમના નામ આપવા પડશે, કારણ કે તે પછી ટીમો ખરીદવા માટે હરાજી શરૂ થશે. કોઈપણ કંપની અથવા વ્યક્તિ જેની નેટવર્થ રૂ. 1000 કરોડ કે તેથી વધુ છે તે જ ટીમને ખરીદવાના દાવામાં જોડાઈ શકે છે.

વાયકોમ 18ને 950 કરોડમાં મીડિયા અધિકારો

મહિલા IPLની ઘણા સમયથી માંગ કરવામાં આવી રહી હતી અને હવે તે સાચી પડી છે. તાજેતરમાં, BCCIએ મહિલા IPL માટે મીડિયા અધિકારો વેચ્યા છે, જેણે રેકોર્ડબ્રેક કમાણી કરી છે. BCCIએ વાયકોમ 18ને પાંચ વર્ષ માટે 950 કરોડ રૂપિયામાં મીડિયા અધિકારો વેચ્યા છે. એટલે કે દરેક મેચની કિંમત 7 કરોડ રૂપિયા સુધી હશે.