બાબર આઝમે રચ્યો ઈતિહાસ, આ કારનામું કરનારો વિશ્વનો પ્રથમ કેપ્ટન

• પાકિસ્તાન અને આયર્લેન્ડ વચ્ચે 3 મેચની ટી-20 સિરીઝ
  
• બીજી ટી-20માં પાકિસ્તાનની 7 વિકેટે શાનદાર જીત
• બાબર કપ્તાન તરીકે સૌથી વધુ મેચ જીતનારો ખેલાડી

હાલમાં પાકિસ્તાન અને આયર્લેન્ડ વચ્ચે 3 મેચની ટી-20 સિરીઝ રમાઈ રહી છે. પાકિસ્તાને પ્રથમ મેચમાં કારમી હારનો સામનો કર્યા બાદ બીજી મેચમાં ભવ્ય જીત મેળવી હતી. બીજી ટી-20માં આયર્લેન્ડે પ્રથમ બેટિંગ કરતા 20 ઓવરમાં 7 વિકેટના નુકસાને 193 રન બનાવ્યા હતા. જવાબમાં ટાર્ગેટનો પીછો કરવા ઉતરેલી પાકિસ્તાને માત્ર 17મી ઓવરમાં જ 3 વિકેટ ગુમાવીને લક્ષ્ય હાંસલ લીધો હતો. આ સાથે બાબર આઝમે ખાસ રેકોર્ડ પોતાના નામે કર્યો છે.

બાબર આઝમે રચ્યો ઈતિહાસ

બાબર આઝમ ટી-20 ક્રિકેટમાં કપ્તાન તરીકે સૌથી વધુ મેચ જીતનારો ખેલાડી બની ગયો છે. આયર્લેન્ડ સામેની જીત સાથે બાબરે ટી-20માં કપ્તાન તરીકે 45મી મેચ જીતી હતી. આ સાથે તેણ યુગાન્ડાના કેપ્ટન બ્રાયન મસાબા પાછળ છોડી દીધો હતો. બ્રાયન મસાબા કપ્તાન તરીકે 44 મેચમાં જીત મેળવી હતી.

જાણો ભારતીય ક્યા સ્થાને

ઈંગ્લેન્ડનો કેપ્ટન ઈયન મોર્ગન 42 જીત સાથે ત્રીજા સ્થાને છે. અફઘાનિસ્તાનના ભૂતપૂર્વ કેપ્ટન અસગર અફઘાન પણ કેપ્ટન તરીકે 42 જીત સાથે મોગર્નના રેકોર્ડ બરાબરી પર છે. જ્યારે એમએસ ધોની અને રોહિત શર્મા 41-41 જીત સાથે ચોથા નંબર પર છે. ઓસ્ટ્રેલિયાનો એરોન ફિન્ચ 40 જીત સાથે પાંચમા સ્થાને છે.