આ 3 બેટ્સમેનોએ 2024માં ટેસ્ટ ક્રિકેટમાં ફટકારી સૌથી વધુ સદી, જાણો લિસ્ટ

ટેસ્ટ ક્રિકેટમાં અત્યાર સુધી એકથી વધુ એવા ક્રિકેટર છે જેઓ પોતાની રમતના આધારે એક છાપ છોડવામાં સફળ રહ્યા છે. આ યાદીમાં શ્રીલંકન ટીમનો યુવા ખેલાડી કામિન્દુ મેન્ડિસ પણ સામેલ થઈ ગયો છે. જ્યારથી મેન્ડિસે ટેસ્ટ ક્રિકેટમાં ડેબ્યુ કર્યું છે ત્યારથી તે એક પછી એક રેકોર્ડ નોંધાવી રહ્યો છે. ગાલેમાં ન્યૂઝીલેન્ડ સામે રમતી વખતે મેન્ડિસે તેની ટેસ્ટ કારકિર્દીની પાંચમી સદી ફટકારી હતી. આ સાથે તે 2024માં ટેસ્ટ ક્રિકેટમાં સૌથી વધુ સદી ફટકારનાર બેટ્સમેન પણ બની ગયો છે.

કામિન્દુ મેન્ડિસ

કામિન્દુ મેન્ડિસે 2022માં ઓસ્ટ્રેલિયા સામે ગાલેમાં ટેસ્ટ ડેબ્યૂ કર્યું હતું. મેન્ડિસ તેની શરૂઆતથી જ રન બનાવવામાં કોઈ કસર છોડી રહ્યો નથી. આ ડાબા હાથના બેટ્સમેને 2024માં અત્યાર સુધી રમાયેલી 7* મેચની 13મી ઈનિંગ્સમાં પાંચ સદી ફટકારી છે. આ સમયગાળા દરમિયાન, તેણે 1000થી વધુ રન બનાવ્યા છે અને સૌથી વધુ રન બનાવવાના મામલે તે બીજા સ્થાને છે. મેન્ડિસ જે રીતે પ્રદર્શન કરી રહ્યો છે તે જોઈને લાગે છે કે શ્રીલંકાના આ બેટ્સમેન ભવિષ્યમાં ઘણા રેકોર્ડ તોડશે.

જૉ રૂટ

ઈંગ્લેન્ડના ભૂતપૂર્વ ટેસ્ટ કેપ્ટન જો રૂટનું પ્રદર્શન પણ આ વર્ષે અત્યાર સુધી જબરદસ્ત રહ્યું છે અને તેણે ઘણા રેકોર્ડ પણ તોડ્યા છે. રૂટે અત્યાર સુધી રમાયેલી 11 મેચોમાં ચાર સદી ફટકારી છે. આ દરમિયાન તેણે 54.77ની એવરેજથી 986 રન બનાવ્યા છે. આ વર્ષે ટેસ્ટમાં સૌથી વધુ રન બનાવવાના મામલે રૂટ પ્રથમ સ્થાન પર છે.

કેન વિલિયમસન

આ યાદીમાં ન્યૂઝીલેન્ડના પૂર્વ ટેસ્ટ કેપ્ટન કેન વિલિયમસન ત્રીજા સ્થાને છે. આ અનુભવી જમણા હાથના બેટ્સમેને અત્યાર સુધી રમાયેલી 6* મેચોમાં ત્રણ સદી ફટકારી છે. આ દરમિયાન તેણે 62.77ની એવરેજથી 565 રન બનાવ્યા છે. તે જ સમયે, શુભમન ગિલ (8* મેચ) અને ઓલી પોપ (11 મેચ)એ પણ 3-3 સદી ફટકારી છે, પરંતુ તેઓ વિલિયમસન કરતા વધુ મેચ રમ્યા છે.