- વર્લ્ડ ચેમ્પિયન્સ ઓફ લિજેન્ડસમાં ભારતીય ટીમ ચેમ્પિયન બની
- ભારત ઓસ્ટ્રેલિયા ચેમ્પિયન્સને હરાવીને ફાઇનલમાં પ્રવેશ્યું હતું
- યુસુફ પઠાણે વિપક્ષી ટીમના દિગ્ગજ ફાસ્ટ બોલર બ્રેટ લીની ધોલાઇ કરી
વર્લ્ડ ચેમ્પિયન્સ ઓફ લિજેન્ડસમાં ભારતીય ટીમ ચેમ્પિયન બની હતી. ભારત ચેમ્પિયન્સે ઓસ્ટ્રેલિયા ચેમ્પિયન્સને 86 રનના વિશાળ અંતરથી હરાવીને ફાઇનલમાં પ્રવેશ કર્યો હતો. મેચ દરમિયાન ભારતીય બેટ્સમેનો શાનદાર લયમાં જોવા મળ્યા હતા. ટીમ માટે રોબિન ઉથપ્પા (65), કેપ્ટન યુવરાજ સિંહ (59), યુસુફ પઠાણ (51 અણનમ) અને ઈરફાન પઠાણે (50) અડધી સદી ફટકારી હતી. મેચ દરમિયાન યુસુફ પઠાણે વિપક્ષી ટીમના દિગ્ગજ ફાસ્ટ બોલર બ્રેટ લીની ધોલાઇ કરી હતી.
હકીકતમાં, તેના સમયમાં, બેટ્સમેન માટે લીની વિનાશક બોલિંગનો સામનો કરવો ખૂબ મુશ્કેલ હતું. આ જ કારણ છે કે તેની સામે બેટ્સમેનો આક્રમક બેટિંગની વાત તો છોડો હંમેશા ડિફેન્સિવ સ્ટાઈલમાં જોવા મળતા હતા.
યુસુફ પઠાણે બ્રેટ લીની જોરદાર ધોલાઇ કરી
આ વખતે મામલો અલગ જ જોવા મળ્યો. વર્લ્ડ ચેમ્પિયનશીપ ઓફ લિજેન્ડ્સની સેમીફાઈનલ મેચમાં જ્યારે ઈન્ડિયા ચેમ્પિયન્સ અને ઓસ્ટ્રેલિયા ચેમ્પિયન્સ વચ્ચે ટક્કર થઈ હતી, ત્યારે યુસુફ પઠાણે બ્રેટ લીની જોરદાર ધોલાઇ કરી હતી.
આ ઘટના ઓસ્ટ્રેલિયન બોલિંગ દરમિયાન જોવા મળી હતી. બ્રેટ લી પોતાની ટીમ માટે ઇનિંગ્સની 19મી ઓવર સાથે મેદાનમાં આવ્યો હતો. ઓવરનો પહેલો બોલ વાઈડ હતો. જેના કારણે બોલની ગણતરી થઈ ન હતી અને બ્લુ ટીમને પણ 1 રન મળ્યો હતો.
બ્રેટ લીની ઓવરના પહેલા બોલ પર પઠાણે લોંગ ઓફ તરફ પહેલો ચોગ્ગો ફટકાર્યો હતો. તે પછી, બીજા બોલ પર તેણે મિડ-વિકેટ પર સિક્સર ફટકારી. તેણે ત્રીજો બોલ ડીપ મિડ-વિકેટ તરફ ફોર માટે મોકલ્યો.
ચોથા બોલ પર તેણે ડીપ એક્સ્ટ્રા કવર તરફ શોટ રમ્યો. અહીં પણ તેને ફોર મળી હતી. પઠાણ અહીંથી સંતુષ્ટ નહોતો. બેકવર્ડ સ્ક્વેર લેગની દિશામાં 5મો બોલ રમતી વખતે તેને ચોગ્ગો પણ મળ્યો. છેલ્લા બોલ પર કોઈ રન થયો ન હતો. આ રીતે પઠાણ આ ઓવરમાં કુલ 23 રન બનાવવામાં સફળ રહ્યો હતો.
