- ઓસ્ટ્રેલિયા ભારત સામે બોર્ડર ગાવસ્કર ટ્રોફી રમવા જઈ રહ્યું છે તે પહેલાં ઝાટકો
- પહેલા તેઓ વનડે ક્રિકેટમાંથી પણ સંન્યાસ લઈ ચૂક્યા છે
- મને એવી લાગણી છે કે હું હવે 2024નો T20 વર્લ્ડ કપ રમી શકીશ નહીં: ફિંચ
ઓસ્ટ્રેલિયાના સ્ટાર ખેલાડી એરોન ફિંચે આંતરરાષ્ટ્રીય ક્રિકેટમાંથી નિવૃત્તિ લેવાની જાહેરાત કરી છે. આની પહેલા તેઓ વનડે ક્રિકેટમાંથી પણ સંન્યાસ લઈ ચૂક્યા છે. ગયા વર્ષે સપ્ટેમ્બરમાં તેમણે નિવૃત્તિની જાહેરાત કરી હતી. અત્યારે ઓસ્ટ્રેલિયા ભારત સામે બોર્ડર ગાવસ્કર ટ્રોફી રમવા જઈ રહ્યું છે. તેની પહેલા ફિન્ચની નિવૃત્તિએ બધાને ચોંકાવી દીધા છે.
ફિન્ચે તેની કારકિર્દીમાં પાંચ ટેસ્ટ, 146 વનડે અને 103 ટી-20 મેચ રમી છે. તે એકમાત્ર ઓસ્ટ્રેલિયન ખેલાડી છે જેમણે 76 T20માં ટીમની કેપ્ટનશીપ કરી છે. તેમણે તેની 103 T20 મેચમાં 34.28ની એવરેજથી રન બનાવ્યા. તેનો સ્ટ્રાઈક રેટ પણ 142.5 હતો. વર્ષ 2018માં ઝિમ્બાબ્વે સામે તેમણે 76 બોલમાં 172 રન બનાવીને એક અલગ રેકોર્ડ બનાવ્યો હતો. પરંતુ હવે ફિંચે આંતરરાષ્ટ્રીય ક્રિકેટમાંથી નિવૃત્તિ લઈ લીધી છે. ભારત સાથેની સીરીઝ પહેલા ઓસ્ટ્રેલિયા માટે આ એક મોટો ઝટકો માનવામાં આવે છે.
