AFG vs NZ: વરસાદે બગાડી મેચની મજા, 91 વર્ષમાં પહેલીવાર થયું આવું

અફઘાનિસ્તાન અને ન્યુઝીલેન્ડ ક્રિકેટ ટીમ વચ્ચેની એકમાત્ર ટેસ્ટ મેચ પાંચમા દિવસે પણ વરસાદના કારણે ધોવાઈ ગઈ હતી. વરસાદના કારણે 5 દિવસની મેચમાં એક પણ બોલ ફેંકી શકાયો ન હતો અને મેચનો ટોસ પણ થઈ શક્યો ન હતો. ભારતના 91 વર્ષના ક્રિકેટ ઈતિહાસમાં આવું પહેલીવાર બન્યું છે. વિશ્વમાં 5 દિવસ સુધી એકપણ બોલ રમ્યા વિના આઠમી વખત ટેસ્ટ મેચ રદ થઇ છે. આ પહેલા પણ 7 વખત આવું થઇ ચુક્યૂ છે.

તમામ 5 દિવસ મેચ રદ થઇ

અફઘાનિસ્તાન અને ન્યુઝીલેન્ડ વચ્ચેની આ ક્રિકેટ મેચ ગ્રેટર નોઈડા સ્થિત શહીદ વિજય સિંહ પથિક સ્પોર્ટ્સ કોમ્પ્લેક્સમાં રમવાની હતી. 9 થી 13 સપ્ટેમ્બર સુધી રમાયેલી આ ટેસ્ટ મેચમાં વરસાદ અને ભીના મેદાનને કારણે ટોસ પણ થઈ શક્યું ન હતું અને દરરોજ મેચ રદ કરવાનો નિર્ણય લેવો પડ્યો હતો.

ભારતમાં આવું પહેલીવાર બન્યું

1933માં ભારતમાં પ્રથમ વખત ટેસ્ટ મેચ રમાઈ હતી. ત્યારથી, ભારતે તેના 91 વર્ષના ઈતિહાસમાં કુલ 292 ટેસ્ટ મેચોની યજમાની કરી છે. પરંતુ અફઘાનિસ્તાન અને ન્યુઝીલેન્ડ વચ્ચેની આ ટેસ્ટ મેચ ભારતની પ્રથમ ટેસ્ટ મેચ બની હતી જેમાં પાંચ દિવસ સુધી એક પણ બોલ ફેંકી શકાયો ન હતો.

ટેસ્ટ ક્રિકેટના ઈતિહાસમાં આઠમી વખત આવું બન્યું

ટેસ્ટ ક્રિકેટના 147 વર્ષના ઈતિહાસમાં અત્યાર સુધી માત્ર 8 વખત આવું બન્યું છે, જ્યારે એક પણ બોલ રમ્યા વગર ટેસ્ટ રદ થઈ હોય. જ્યારે 26 વર્ષમાં પહેલીવાર આવું બન્યું છે. ડિસેમ્બર 1998 માં એક પણ બોલ ફેંક્યા વિના પ્રથમ વખત ટેસ્ટ મેચ રદ કરવામાં આવી હતી, જ્યારે પાકિસ્તાન અને ઝિમ્બાબ્વે અને ન્યુઝીલેન્ડ અને ભારત વચ્ચેની મેચો એ જ દિવસે પાકિસ્તાનના ફૈઝલાબાદમાં રદ કરવી પડી હતી.