અજીત અગરકરે વિરાટ કોહલીને લઈને કહીં મોટી વાત, T20 વર્લ્ડકપમાં મળશે સ્થાન!

• BCCIની ટીમ IPLમાં ખેલાડીઓ પર નજર રાખી રહી છે
  
• T20 વર્લ્ડકપ 2024 માટે મજબૂત ટીમ પસંદ કરવાનું દબાણ
• અજીત અગરકરે વિરાટ કોહલીની ફિટનેસના વખાણ કર્યા

BCCIના મુખ્ય પસંદગીકાર અજીત અગરકર પર T20 વર્લ્ડકપ 2024 માટે મજબૂત ટીમ પસંદ કરવાનું દબાણ છે. આ દિવસોમાં ઘણા પ્રતિભાશાળી યુવા ખેલાડીઓએ ટીમ ઈન્ડિયાનો દરવાજો ખટખટાવ્યો છે. તેમાં મયંક યાદવ, રિંકુ સિંહ, રવિ બિશ્વોઈ અને શિવમ દુબે જેવા ખેલાડીઓ સામેલ છે. T20 વર્લ્ડકપ માટે ટીમ ઈન્ડિયાની જાહેરાત એપ્રિલના અંતિમ સપ્તાહ અથવા મેના પહેલા સપ્તાહમાં થઈ શકે છે.

તે પહેલા પસંદગીકારોની ટીમ IPL 2024માં ખેલાડીઓના પ્રદર્શન પર નજર રાખી રહી છે. આવી સ્થિતિમાં BCCIની પસંદગી સમિતિના અધ્યક્ષ અજીત અગરકરે વિરાટ કોહલી અને પૂર્વ ભારતીય કેપ્ટન મહેન્દ્ર સિંહ ધોનીના વખાણ કર્યા છે. તેણે કહ્યું કે વિરાટ કોહલી દ્વારા તૈયાર કરવામાં આવેલી ફિટનેસ બ્લૂપ્રિન્ટની અસર સમગ્ર ભારતીય ક્રિકેટ પર પડી છે.

વિરાટની ફિટનેસના વખાણ કર્યા

અજિત અગરકરે કહ્યું, વિરાટ કોહલી આ પેઢી માટે ધારા ધોરણ નક્કી કરે છે. તેણે તેની 15 વર્ષની કારકિર્દીમાં જે કર્યું તે અદ્ભુત છે. તેણે તેના ફિટનેસ લેવલમાં એક દાખલો બેસાડ્યો છે. તમે પરિણામ જોઈ શકો છો. કોહલીની ફિટનેસ બ્લુપ્રિન્ટની અસર સમગ્ર ભારતીય ક્રિકેટ પર પડી છે.

ધોનીને મહાન કેપ્ટન ગણાવ્યો

જ્યારે ધોની માટે તેણે કહ્યું કે, તમે એમએસ ધોનીને મહાન કેપ્ટન કહો છો, કારણ કે તેની પાસે રમતની સમજ હતી, રમત પ્રત્યે સમર્પણ હતું. તે જાણતો હતો કે શું થઈ રહ્યું છે, રમત કેવી રીતે બદલાઈ રહી છે. તે રમત વિશે બધું જ જાણે છે, તેથી જ અમે તેને મહાન કેપ્ટન કહીએ છીએ.