KBCમાં અમિતાભ બચ્ચને પુછ્યો ક્રિકેટને લઈને સવાલ, કોહલી-જયસ્વાલમાં કન્ફ્યૂઝ થયો સ્પર્ધક

ભારતીય ટેલિવિઝનના સૌથી પ્રખ્યાત ક્વિઝ શો "કૌન બનેગા કરોડપતિ" (KBC)માં ક્રિકેટનો જાદુ હંમેશા રહે છે. 2 ઓક્ટોબરના રોજ પ્રસારિત થયેલા એપિસોડમાં, શોના હોસ્ટ અમિતાભ બચ્ચને એક પ્રશ્ન પૂછ્યો જેણે દર્શકોને રોમાંચિત કરી દીધા. આ પ્રશ્ન ભારતમાં આ વર્ષે રમાયેલી ભારત-ઈંગ્લેન્ડ ટેસ્ટ સિરીઝ સાથે સંબંધિત હતો. સ્પર્ધકો અને પ્રેક્ષકો આ પ્રશ્નના જવાબ વિશે મૂંઝવણમાં દેખાયા.

KBCમાં અમિતાભ બચ્ચને કર્યો હતો આ સવાલ

સ્પર્ધકને પૂછવામાં આવ્યું કે, "સુનીલ ગાવસ્કર પછી એક સિરીઝમાં 700 થી વધુ રન બનાવનાર બીજો ભારતીય બેટ્સમેન કોણ છે?" આ પ્રશ્ન રૂ. 6.4 લાખનો હતો અને તેમાં ચાર વિકલ્પો હતાઃ વિરાટ કોહલી, યશસ્વી જયસ્વાલ, શુભમન ગિલ અને રોહિત શર્મા. સ્પર્ધક થોડો મૂંઝવણમાં હતો, તેથી તેણે 'ઑડિયન્સ પોલ' લાઇફલાઇનની મદદ લીધી.

'ઓડિયન્સ પોલ' એ બધાને ચોંકાવ્યા

રસપ્રદ વાત એ છે કે, 37% મતદારોએ વિરાટ કોહલીને વોટ આપ્યો, તેમ છતાં તે ભારત વિરુદ્ધ ઈંગ્લેન્ડ ટેસ્ટ સિરીઝમાં રમી રહ્યો ન હતો. સાચો જવાબ યશસ્વી જયસ્વાલ હતો, જે 49% દર્શકોએ આપ્યો હતો. શુભમન ગિલને 4% અને રોહિત શર્માને 10% મત મળ્યા, તેમ છતાં બંને ભારત તરફથી સિરીઝમાં રમ્યા હતા.

યશસ્વી જયસ્વાલનું શાનદાર પ્રદર્શન

યશસ્વી જયસ્વાલે ભારત વિરુદ્ધ ઈંગ્લેન્ડ ટેસ્ટ સિરીઝમાં શાનદાર પ્રદર્શન કર્યું અને 712 રન બનાવીને સુનીલ ગાવસ્કરની સાથે એક વિશિષ્ટ ક્લબમાં જોડાઈ. ગાવસ્કર પ્રથમ ભારતીય બેટ્સમેન હતા જેમણે એક સિરીઝમાં 700 થી વધુ રન બનાવવાનું ગૌરવ મેળવ્યું હતું. તેણે વેસ્ટ ઈન્ડિઝ સામે 1970/71માં 774 રન અને 1978/79માં 732 રન બનાવીને આ સિદ્ધિ મેળવી હતી.

ઈંગ્લેન્ડ સામેની આ સિરીઝમાં યશસ્વી જયસ્વાલે શાનદાર પ્રદર્શન કર્યું હતું અને બે બેવડી સદી અને ત્રણ અડધી સદી ફટકારી હતી, જેના પરિણામે ભારતે 4-1થી સિરીઝ જીતી હતી. હવે ભારત તેની આગામી સિરીઝમાં ન્યુઝીલેન્ડ સામે ટકરાશે, જ્યારે તેણે તાજેતરમાં બાંગ્લાદેશને 2-0થી હરાવ્યું હતું.