- બેલારુસની અરિના સબાલેન્કાએ ઓસ્ટ્રેલિયન ઓપન 2024 જીત્યું
- ફાઈનલ મેચમાં ચીનની ઝેંગ કિનવેનને સીધા સેટમાં 6-3, 6-2થી હરાવી
- અરિના સાબાલેન્કાએ ઓસ્ટ્રેલિયન ઓપન 2023નો ખિતાબ જીત્યો હતો
બેલારુસની અરિના સબાલેન્કાએ ઓસ્ટ્રેલિયન ઓપન 2024 જીત્યું છે. અરિના સબાલેન્કાએ ટાઈટલ મેચમાં ચીનની ઝેંગ કિનવેનને હરાવી હતી. આ રીતે અરિના સાબાલેન્કા પોતાનું ટાઈટલ બચાવવામાં સફળ રહી હતી. આ પહેલા અરિના સબલેન્કાએ ઓસ્ટ્રેલિયન ઓપન 2023નો ખિતાબ જીત્યો હતો. ખિતાબી મુકાબલામાં અરિના સબાલેન્કાએ ઝેંગ કિનવેનને સીધા સેટમાં 6-3, 6-2થી હરાવી હતૂ. બંને વચ્ચેની આ મેચ 1 કલાક 16 મિનિટ સુધી ચાલી હતી. તે જ સમયે, અરિના સાબાલેન્કાની જીત સાથે, ઝેંગ કિનવેનનું ટાઈટલ જીતવાનું સ્વપ્ન ચકનાચૂર થઈ ગયું છે.
સાબાલેન્કા પર પૈસાનો વરસાદ
વાસ્તવમાં ચીનની ઝેંગ કિનવેન પહેલીવાર ગ્રાન્ડ સ્લેમની ફાઇનલમાં પહોંચી હતી. પરંતુ બેલારુસની અરિના સબાલેન્કા પોતાનું ટાઈટલ બચાવવામાં સફળ રહી હતી. ઓસ્ટ્રેલિયન ઓપન જીતનાર અરિના સબલેન્કાને ઈનામી રકમ તરીકે 17.10 કરોડ રૂપિયા મળશે. જ્યારે ટાઇટલ મેચમાં હારનાર એટલે કે રનર અપ ઝેંગ કિનવેનને 12.20 કરોડ રૂપિયા મળશે. તે જ સમયે, ઓસ્ટ્રેલિયન ઓપનમાં 2013 પછી આ પ્રથમ વખત બન્યું જ્યારે કોઈ ખેલાડીએ મહિલા સિંગલ્સમાં તેના ટાઇટલનો બચાવ કર્યો હતો.
અરિના સાબાલેન્કાએ ઝેંગ કિનવેનને શું કહ્યું?
ઓસ્ટ્રેલિયન ઓપન 2024 જીત્યા બાદ અરિના સબલેન્કાએ કહ્યું કે છેલ્લા કેટલાક અઠવાડિયા મારા માટે સારા રહ્યા છે. મેં વિચાર્યું ન હતું કે હું ફરીથી ઓસ્ટ્રેલિયન ઓપન જીતીશ. આ ખરેખર અવિશ્વસનીય છે. જો કે, આ સિવાય ઓસ્ટ્રેલિયન ઓપનની વિજેતા અરિના સબાલેન્કાએ તેની પ્રતિસ્પર્ધી ચીનની ઝેંગ કિનવેનની પ્રશંસા કરી હતી. તેણે કહ્યું કે ફાઇનલમાં હારવું આસાન નથી. પરંતુ ઝેંગ કિનવેન એક ઉત્તમ ખેલાડી છે. તે આગામી દિવસોમાં ઘણી ફાઈનલ રમતી જોવા મળશે.
