ધાકડ ખેલાડી માટે ઓસ્ટ્રેલિયન ક્રિકેટ બોર્ડે લીધો મોટો નિર્ણય, હટાવ્યો આજીવન પ્રતિબંધ

ક્રિકેટ ઓસ્ટ્રેલિયાએ ટીમના મજબૂત ખેલાડીને લઈને મોટો નિર્ણય લીધો છે. વર્ષ 2018માં ક્રિકેટ ઓસ્ટ્રેલિયા દ્વારા આ ખેલાડી પર આજીવન પ્રતિબંધ લગાવવામાં આવ્યો હતો. આ પ્રતિબંધ તેની કેપ્ટનશિપ પર લગાવવામાં આવ્યો હતો, જેનો અર્થ છે કે આ ખેલાડી ક્યારેય ટીમને કમાન્ડ કરી શકે નહીં. પરંતુ હવે ક્રિકેટ ઓસ્ટ્રેલિયાએ આ ખેલાડીને સારા સમાચાર આપ્યા છે. હવે આ ખેલાડી સુકાની પણ જોવા મળી શકે છે.

ડેવિડ વોર્નર પરથી પ્રતિબંધ હટાવવામાં આવ્યો

વર્ષ 2018માં ઓસ્ટ્રેલિયા અને દક્ષિણ આફ્રિકા વચ્ચે ટેસ્ટ શ્રેણી રમાઈ હતી. આ સિરીઝમાં ડેવિડ વોર્નર બોલ ટેમ્પરિંગનો દોષી સાબિત થયો હતો. જે બાદમાં વોર્નરે પણ સ્વીકારી હતી. આ કારણે ક્રિકેટ ઓસ્ટ્રેલિયાએ આ ખેલાડી પર આજીવન સુકાનીપદ પર પ્રતિબંધ મૂક્યો હતો.

હવે ક્રિકેટ ઓસ્ટ્રેલિયાએ ડેવિડ વોર્નર પરથી આજીવન પ્રતિબંધ હટાવી લીધો છે. ગ્રેગ ચેપલ અને કેન વિલિયમસનની બનેલી ત્રણ સભ્યોની સ્વતંત્ર સમીક્ષા પેનલે આ નિર્ણય લીધો હતો. સભ્ય પેનલે નક્કી કર્યું કે ખેલાડીએ તેના પરનો પ્રતિબંધ હટાવવા માટે જરૂરી તમામ શરતો પૂરી કરી છે.

હવે આ ટીમની કરી શકે છે કપ્તાની

પ્રતિબંધ હટાવ્યા બાદ હવે ડેવિડ વોર્નર બિગ બેશ લીગની નવી સીઝનમાં કેપ્ટન્સી કરતો જોવા મળી શકે છે. બિગ બેશ લીગની નવી સીઝન પહેલા એવી અટકળો ચાલી રહી છે કે વોર્નર સિડની થંડરની કેપ્ટનશીપ કરતો જોવા મળી શકે છે. તમને જણાવી દઈએ કે, ડેવિડ વોર્નર ક્રિકેટ ઓસ્ટ્રેલિયાને તેના પર લાગેલા પ્રતિબંધને હટાવવા માટે ઘણી વખત અપીલ કરી રહ્યો હતો. ક્રિકેટ ઓસ્ટ્રેલિયાએ આ મોટો નિર્ણય કાળજીપૂર્વક વિચાર્યા બાદ લીધો છે.