- પાકિસ્તાનનો ક્રિકેટર બાબર આઝમ રચી શકે છે ઈતિહાસ
- T20Iમાં સૌથી વધુ રન બનાવનાર ખેલાડી બનવાની તક
- બાબર આઝમે 114 T20 ઈન્ટરનેશનલમાં 3823 રન બનાવ્યા
પાકિસ્તાન ક્રિકેટ ટીમ આ દિવસોમાં આયર્લેન્ડના પ્રવાસે છે. આ સમયગાળા દરમિયાન, બંને ટીમો વચ્ચે 3 T20 મેચોની સિરીઝ રમાશે. સિરીઝ 10મી મેથી શરૂ થશે અને છેલ્લી મેચ 14મી મેના રોજ રમાશે. પાકિસ્તાન ક્રિકેટ ટીમના કેપ્ટન બાબર આઝમ આ સીરીઝમાં ઈતિહાસ રચી શકે છે. તેની પાસે વિરાટ કોહલી અને રોહિત શર્માના રેકોર્ડ તોડીને T20 ઈન્ટરનેશનલમાં સૌથી વધુ રન બનાવનાર ખેલાડી બનવાની તક છે.
બાબર આઝમનું પ્રદર્શન
બાબર આઝમે તેની કારકિર્દીમાં અત્યાર સુધી રમાયેલી 114 T20 આંતરરાષ્ટ્રીય મેચોની 107 ઇનિંગ્સમાં 41.10ની એવરેજ અને 129.41ની સ્ટ્રાઇક રેટથી 3823 રન બનાવ્યા છે. આ દરમિયાન તેણે 34 ફિફ્ટી અને 3 સદી ફટકારી છે. આ ફોર્મેટમાં 122 તેનું સર્વશ્રેષ્ઠ પ્રદર્શન છે. બાબર આઝમ T20 ઈન્ટરનેશનલમાં સૌથી વધુ રન બનાવનાર ત્રીજા ક્રમે છે. આ લિસ્ટમાં વિરાટ કોહલી ટોપ પર છે અને રોહિત શર્મા બીજા નંબર પર છે.
વિરાટ કોહલીએ 4037 રન બનાવ્યા
વિરાટ કોહલીએ 117 આંતરરાષ્ટ્રીય મેચોની 109 ઇનિંગ્સમાં 4037 રન બનાવ્યા છે. આ સમયગાળા દરમિયાન તેની એવરેજ 51.75 હતી અને સ્ટ્રાઈક રેટ 138.15 હતો. બીજી તરફ રોહિત શર્માએ 151 મેચની 143 ઇનિંગ્સમાં 3974 રન બનાવ્યા છે. આવી સ્થિતિમાં જો બાબર આઝમે રોહિત શર્માને પાછળ છોડવો હોય તો તેણે આયર્લેન્ડ સામે 152 રન બનાવવા પડશે અને જો તેણે વિરાટ કોહલીને પાછળ છોડીને T20 ઈન્ટરનેશનલમાં સૌથી વધુ રન બનાવનાર બેટ્સમેન બનવું હશે તો તેને 215 રન બનાવવા પડશે.
T20 ઇન્ટરનેશનલમાં સૌથી વધુ રન બનાવનાર બેટ્સમેન
- વિરાટ કોહલી: 4037 રન
- રોહિત શર્માઃ 3974 રન
- બાબર આઝમ : 3823 રન
- માર્ટિન ગુપ્ટિલ: 3531 રન
- પોલ સ્ટર્લિંગઃ 3491 રન
આયર્લેન્ડ પ્રવાસ શેડ્યૂલ
- 1લી T20: 10 મે - ક્લોન્ટાર્ફ ક્રિકેટ ક્લબ ગ્રાઉન્ડ, ડબલિન
- 2જી T20: 12 મે - ક્લોન્ટાર્ફ ક્રિકેટ ક્લબ ગ્રાઉન્ડ, ડબલિન
- 3જી T20: 14 મે - ક્લોન્ટાર્ફ ક્રિકેટ ક્લબ ગ્રાઉન્ડ, ડબલિન
