- બાબર આઝમને ઓડી કંપનીની કાર ભેટમાં મળી હતી
- ભારતમાં તેની કિંમત લગભગ 2 કરોડ રૂપિયા છે
- પાકિસ્તાનમાં તેની સૌથી વધુ કિંમત 8 કરોડ રૂપિયા છે
ટી20 વર્લ્ડ કપમાંથી પાકિસ્તાનની બહાર થયા બાદ કેપ્ટન બાબર આઝમ અને તેની ટીમની ટ્રોલર્સનો સામનો કરવો પડ્યો હતો. ગયા વર્લ્ડ કપમાં રનર્સઅપ રહી ચૂકેલી પાકિસ્તાની ટીમ આ વખતે સુપર-8માં પણ જગ્યા બનાવી શકી નથી. પાકિસ્તાનના મુખ્ય કોચ ગેરી કર્સ્ટને પણ ટીમમાં એકતાના અભાવનો સ્વીકાર કર્યો છે. હવે એક વરિષ્ઠ પત્રકારે બાબર આઝમ પર ગંભીર આરોપ લગાવ્યા છે, જેમાં બાબર આઝમને મોંઘી કાર ગિફ્ટ કરવાની વાત કરવામાં આવી છે. આ કારનું નામ ઓડી ઈ-ટ્રોન જીટી છે, જેની ભારતમાં કિંમત 2 કરોડ રૂપિયા સુધી છે. જ્યારે પાકિસ્તાનમાં તેની સૌથી વધુ કિંમત 8 કરોડ રૂપિયા છે. આ કાર વિશે કહેવામાં આવ્યું હતું કે બાબરના ભાઈએ તેને ગિફ્ટ કરી હતી.
વાયરલ થઈ રહેલા એક વીડિયોમાં પાકિસ્તાનના વરિષ્ઠ પત્રકાર મુબાશિર લુકમાન કહેતા જોવા મળી રહ્યા છે, "બાબર આઝમને નવી ઓડી ઈ-ટ્રોન મળી છે. આઝમે કહ્યું કે આ તેને તેના ભાઈએ ગિફ્ટમાં આપી છે. હું જાણવા માંગુ છું કે તેમના ભાઈ શું કામ કરે છે. જે ભાઈ 7-8 કરોડની કાર ગિફ્ટ કરી રહ્યા છે તે મને ખબર છે કે કંઈ કરતા નથી. મને કોઈએ કહ્યું કે તમે નાની ટીમો સામે હારી જાઓ તો પણ તમને પ્લોટ કે કાર નહીં મળે. તો પછી આ બધું શું છે? મને એક વ્યક્તિએ કહ્યું છે કે આ સૌથી વધુ ગંભીર આરોપ છે, તેને કહ્યું કે બધાં જાણે છે કોને શું મળી રહ્યું છે.
