- NADAએ ભારતીય કુસ્તીબાજ બજરંગ પુનિયાને સસ્પેન્ડ કર્યો
- ડોપિંગ વિરોધી નિયમોના ઉલ્લંઘન માટે સસ્પેન્ડ કરાયો
- 11 જુલાઈ સુધીમાં નોટિસનો જવાબ આપવા જણાવ્યું છે
નેશનલ એન્ટી ડોપિંગ એજન્સી (NADA)એ ભારતીય કુસ્તીબાજ બજરંગ પુનિયાને સસ્પેન્ડ કરી દીધો છે. ડોપિંગ વિરોધી નિયમોના ઉલ્લંઘન માટે સસ્પેન્ડ કરવામાં આવ્યો છે. બજરંગ પુનિયાને નોટિસ મોકલીને જવાબ માંગવામાં આવ્યો છે. સોનીપતમાં આયોજિત રાષ્ટ્રીય ટ્રાયલ દરમિયાન ડોપ ટેસ્ટમાં તેણે પોતાનો સેમ્પલ આપ્યો ન હતો, ત્યારબાદ NADAએ આ મોટી કાર્યવાહી કરી છે. તેમને અગાઉ પણ સસ્પેન્ડ કરવામાં આવ્યા હતો.
બજરંગ પુનિયા સસ્પેન્ડ
એશિયન ક્વોલિફાયર્સના નેશનલ ટ્રાયલ દરમિયાન, NADAએ બજરંગ પુનિયાને ડોપ ટેસ્ટ માટે તેના નમૂના આપવા માટે કહ્યું હતું. પરંતુ તેણે આ વાતનો સ્પષ્ટ ઇનકાર કર્યો હતો. પછી તેણે કહ્યું હતું કે તેને પરીક્ષણ માટે મોકલવામાં આવેલી કિટ એક્સપાયર થઈ ગઈ છે. આ કારણોસર તેણે સેમ્પલ આપ્યા ન હતા. આ કારણોસર, તેમને 5 મેના રોજ સસ્પેન્ડ કરવામાં આવ્યા હતા, પરંતુ કોઈ નોટિસ આપવામાં આવી ન હતી. પરંતુ આ વખતે NADAએ તેમને પણ સસ્પેન્ડ કરી દીધો છે અને 11 જુલાઈ સુધીમાં નોટિસનો જવાબ આપવા જણાવ્યું છે.
ઓલિમ્પિકમાં ભારત માટે બ્રોન્ઝ મેડલ જીત્યો હતો
બજરંગ પુનિયાને પેરિસ ઓલિમ્પિક ક્વોલિફાયર માટે આયોજિત નેશનલ સિલેક્શન ટ્રાયલ્સમાં હારનો સામનો કરવો પડ્યો હતો. આ કારણથી તે આ વખતે ઓલિમ્પિકમાં રમવા જશે નહીં. બજરંગ પુનિયાએ ઓલિમ્પિકમાં ભારત માટે બ્રોન્ઝ મેડલ જીત્યો હતો. તેણે વર્લ્ડ ચેમ્પિયનશિપમાં એક સિલ્વર અને 3 બ્રોન્ઝ મેડલ જીત્યા છે. તેના નામે એશિયન ગેમ્સમાં એક ગોલ્ડ અને કોમનવેલ્થ ગેમ્સમાં બે ગોલ્ડ છે.
બજરંગ પુનિયા એવા કુસ્તીબાજોમાં સામેલ હતા જેમણે WFIના ભૂતપૂર્વ વડા બ્રિજભૂષણ શરણ સિંહ વિરુદ્ધ આંદોલન કર્યું હતું. ત્યારે મહિલા રેસલર્સે બ્રિજભૂષણ શરણ સિંહ પર યૌન શોષણના આરોપ લગાવ્યા હતા. બજરંગ પુનિયા, વિનેશ ફોગાટ અને સાક્ષી મલિકની આગેવાનીમાં ભારતીય કુસ્તીબાજોએ પણ જંતર-મંતર ખાતે વિરોધ પ્રદર્શન કર્યું હતું.
