- સુપર 8ની મેચમાંભારત અને ઓસ્ટ્રેલિયા વચ્ચે ટક્કર થશે
- સેમિફાઇનલ માટે બંને ટીમો માટે આ મેચ ખૂબ જ ખાસ
- મેચ વરસાદના કારણે ધોવાશે તો આ ટીમને ભારે નુકસાન થશે
T20 વર્લ્ડકપ 2024ની 51મી મેચ ભારત અને ઓસ્ટ્રેલિયાની ટીમો વચ્ચે રમાશે. સેમિફાઇનલની રેસને ધ્યાનમાં રાખીને બંને ટીમો માટે આ મેચ ખૂબ જ ખાસ બની રહેશે. પરંતુ આ મેચ પહેલા એક મોટું અપડેટ સામે આવ્યું છે. આ મેચમાં વરસાદ પડવાનો ભય છે. આવી સ્થિતિમાં જો આ મેચ વરસાદના કારણે ધોવાઈ જશે તો એક ટીમને ભારે નુકસાન વેઠવું પડશે. આ મેચ સેન્ટ લુસિયામાં રમાવાની છે.
ભારત-ઓસ્ટ્રેલિયા મેચમાં વરસાદનો ખતરો
ભારત અને ઓસ્ટ્રેલિયા વચ્ચેની આ મેચ 24 જૂને સેન્ટ લુસિયામાં સ્થાનિક સમય અનુસાર સવારે 10.30 વાગ્યે શરૂ થશે. તે જ સમયે, આ મેચ ભારતીય સમય અનુસાર રાત્રે 8 વાગ્યાથી રમાશે. પરંતુ હવામાન અહેવાલ મુજબ, સેન્ટ લુસિયામાં સવારે વરસાદની 55 ટકા સંભાવના છે અને તાપમાન 32 ડિગ્રીની આસપાસ રહેવાની ધારણા છે. આવી સ્થિતિમાં આ મેચ દરમિયાન વરસાદ વિક્ષેપ પાડી શકે છે.
જો મેચ રદ થશે તો કઈ ટીમને નુકસાન થશે?
તમને જણાવી દઈએ કે સુપર-8 રાઉન્ડમાં બંને ટીમોની આ છેલ્લી મેચ હશે. જો ભારત અને ઓસ્ટ્રેલિયા વચ્ચે રમાનારી મેચ વરસાદના કારણે રદ્દ થશે તો બંને ટીમોના ખાતામાં એક-એક પોઈન્ટ ઉમેરાશે. આવી સ્થિતિમાં ભારતીય ટીમ 5 પોઈન્ટ સાથે સેમિફાઈનલ માટે ક્વોલિફાઈ થઈ જશે. આ સાથે જ ઓસ્ટ્રેલિયન ટીમ 3 પોઈન્ટ સાથે સુપર-8 રાઉન્ડ પૂરો કરશે. બીજી તરફ, જો અફઘાનિસ્તાન તેની છેલ્લી મેચમાં બાંગ્લાદેશને હરાવશે તો તેના 4 પોઈન્ટ થઈ જશે અને ઓસ્ટ્રેલિયા ટૂર્નામેન્ટમાંથી બહાર થઈ જશે.
બંને ટીમોની સ્કવોડ
ભારત: રોહિત શર્મા (કેપ્ટન), હાર્દિક પંડ્યા (વાઈસ-કેપ્ટન), યશસ્વી જયસ્વાલ, વિરાટ કોહલી, સૂર્યકુમાર યાદવ, રિષભ પંત (વિકેટ કીપર), સંજુ સેમસન (વિકેટ કીપર), શિવમ દુબે, રવિન્દ્ર જાડેજા, અક્ષર પટેલ, કુલદીપ યાદવ, યુઝવેન્દ્ર, ચહલ, અર્શદીપ સિંહ, જસપ્રિત બુમરાહ, મોહમ્મદ સિરાજ.
ઓસ્ટ્રેલિયા: મિચેલ માર્શ (કેપ્ટન), એશ્ટન અગર, પેટ કમિન્સ, ટિમ ડેવિડ, નાથન એલિસ, કેમેરન ગ્રીન, જોશ હેઝલવુડ, ટ્રેવિસ હેડ, જોશ ઈંગ્લિસ, ગ્લેન મેક્સવેલ, મિચેલ સ્ટાર્ક, માર્કસ સ્ટોઈનિસ, મેથ્યુ વેડ, ડેવિડ વોર્નર, એડમ ઝમ્પા.
