સ્ટાર ખેલાડીનું કરીયર થશે ખતમ? બોર્ડ જલ્દી સંભળાવી શકે છે ફેંસલો

• હાલ પાકિસ્તાનના પ્રવાસે છે બાંગ્લાદેશની ટીમ
  
• આ મેચમાં મજબૂત સ્થિતિમાં બાંગ્લાદેશની ટીમ
• સ્ટાર ખેલાડી શાકિબ અલ હસન પર હત્યાનો આરોપ

બાંગ્લાદેશની ટીમ હાલ પાકિસ્તાનના પ્રવાસે છે. બંને દેશો વચ્ચે બે ટેસ્ટની પ્રથમ મેચ રમાઈ રહી છે. આ મેચમાં બાંગ્લાદેશની ટીમ હજુ પણ મજબૂત સ્થિતિમાં જોવા મળી રહી છે. આ દરમિયાન બાંગ્લાદેશી ખેલાડીની કારકિર્દી જોખમમાં છે. બાંગ્લાદેશમાં તખ્તાપલટ બાદ ત્યાંની સ્થિતિ બદલાઈ ગઈ છે. હવે તેની અસર ક્રિકેટ પર પણ જોવા મળી રહી છે. બાંગ્લાદેશ ક્રિકેટ બોર્ડના નવા પ્રમુખ ફારુક અહેમદે કહ્યું કે પ્રથમ ટેસ્ટ મેચ બાદ તેઓ સ્ટાર ખેલાડી શાકિબ અલ હસનના ભવિષ્ય અંગે નિર્ણય લેશે.

સાકિબ વિરુદ્ધ હત્યાનો કેસ નોંધવામાં આવ્યો

વાસ્તવમાં બાંગ્લાદેશના સ્ટાર ખેલાડી શાકિબ અલ હસન વિરુદ્ધ હત્યાનો કેસ નોંધવામાં આવ્યો છે. તેના પર રૂબેલ ઈસ્લામની હત્યામાં સામેલ હોવાનો આરોપ છે. પોલીસે શાકિબ અલ હસન વિરુદ્ધ હત્યાનો કેસ પણ નોંધ્યો છે. તમને જણાવી દઈએ કે રૂબેલ ઈસ્લામની 5 ઓગસ્ટના રોજ હત્યા કરવામાં આવી હતી. હત્યા કેસમાં શાકિબ અલ હસન અને બાંગ્લાદેશના પૂર્વ વડાપ્રધાન શેખ હસીનાના નામ પણ સામે આવ્યા છે. મીડિયા રિપોર્ટ્સ અનુસાર, આ મામલાની ફરિયાદ એડબોર પોલીસ સ્ટેશનમાં દાખલ કરવામાં આવી છે. ઈન્સ્પેક્ટર મોહમ્મદ નઝરુલ ઈસ્લામે આ વાતની પુષ્ટિ કરી હતી.

BCBને મોકલવામાં આવી નોટિસ

આ આરોપો બાદ સુપ્રીમ કોર્ટના વકીલ શાજીબ મહમૂદ આલમે શનિવારે એડવોકેટ મોહમ્મદ રફીનુર રહેમાન વતી ઈમેલ અને રજિસ્ટર્ડ પોસ્ટ દ્વારા BCBને કાનૂની નોટિસ મોકલી હતી. તેણે શાકિબ અલ હસનને ક્રિકેટના તમામ ફોર્મેટમાંથી હટાવવાની માંગ કરી છે. આ સિવાય તેણે નોટિસમાં કહ્યું છે કે તેનું નામ હત્યાના કેસમાં આવ્યું છે, આવી સ્થિતિમાં ICCના નિયમો અનુસાર તે રાષ્ટ્રીય ટીમમાં રહી શકે નહીં.

બોર્ડે આપ્યું નિવેદન

નોટિસમાં એમ પણ કહેવામાં આવ્યું છે કે તપાસને આગળ વધારવા માટે શાકિબ અલ હસનને દેશમાં પરત લાવવામાં આવે. આ સિવાય ICCને પણ આ અંગે જાણ કરવી જોઈએ. દરમિયાન, બાંગ્લાદેશ ક્રિકેટ બોર્ડના નવા અધ્યક્ષ ફારુક અહેમદે શનિવારે શેર-એ-બાંગ્લા નેશનલ ક્રિકેટ સ્ટેડિયમમાં તેમના બોર્ડના કેટલાક ડિરેક્ટરો સાથે બેઠક યોજી હતી અને કહ્યું હતું કે તેમને હજુ સુધી કોઈ સૂચના મળી નથી. તેઓ પાકિસ્તાન સામેની બીજી ટેસ્ટથી નિર્ણય લેશે.