એશિયા કપ પહેલાં બાંગ્લાદેશને ઝટકો, સ્ટાર બોલર ટૂર્નામેન્ટથી બહાર થયો

• 30 ઓગસ્ટથી એશિયા કપની થશે શરૂઆત
  
• એશિયા કપ પહેલાં બાંગ્લાદેશને લાગ્યો ઝટકો
• ફાસ્ટ બોલર ઈબાદત હુસૈન ઈજાગ્રસ્ત થયો

એશિયા કપ 2023ની શરૂઆત 30 ઓગસ્ટથી થશે. આ વખતે પાકિસ્તાન એશિયા કપનું મેજબાન છે, પરંતુ ભારતે પાકિસ્તાનમાં રમવા જવા માટે ઈન્કાર કર્યો છે. જેથી ટૂર્નામેન્ટની 4 મેચ પાકિસ્તાનમાં અને 9 મેચ શ્રીલંકામાં રમવામાં આવશે. આ તમામ વચ્ચે બાંગ્લાદેશની ટીમને મોટો ઝટકો લાગ્યો છે. બાંગ્લાદેશનો સ્ટાર ફાસ્ટ બોલર ઈબાદત હુસૈન ઈજાગ્રસ્ત થયો છે. જેથી તે ટૂર્નામેન્ટથી બહાર થયો છે. ઈબાદત હુસૈને પોતાના રિપ્લેસમેન્ટની પણ જાહેરાત કરી છે.

ઈબાદત ગત મહિને ઈજાગ્રસ્ત થયો હતો

ઈબાદત હુસૈન ગત મહિને અફઘાનિસ્તાન વિરુદ્ધ સીરિઝમાં ઈજાગ્રસ્ત થયો હતો, પરંતુ આમ છતાં તેને એશિયા કપની ટીમમાં સ્થાન આપવામાં આવ્યું હતું. જો કે, તે હજુ સંપૂર્ણ ફિટ થયો નથી. જેથી તે ટૂર્નામેન્ટની બહાર થયો છે. તેમના સ્થાને અનકેપ્ડ ખેલાડી તંજીમ હસનને ટીમમાં સામેલ કરવામાં આવ્યો છે.

એશિયા કપ માટે બાંગ્લાદેશની ટીમ-

શાકિબ અલ હસન (કેપ્ટન), મોહમ્મદ નઈમ, અફીફ હુસૈન, તસ્કીન અહેમદ, લિટન દાસ, શમીમ હુસૈન, મુસ્તફિઝુર રહેમાન, તંજીદ હસન, શોરીફુલ ઈસ્લામ, નજમુલ હુસૈન શાંતો, મેહેદી હસન મિરાજ, ઈબાદત હુસૈન, તૌહીત હસન, મેહેદી હસન, મુશ્ફિકુર રહીમ, નસુમ અહેમદ.