- ટાઈમ આઉટ વિવાદમાં આવ્યો નવો વળાંક
- મેથ્યુસને પુરાવા માટે વીડિયો રજૂ કર્યો હતો
- MCCએ મેથ્યુસના વીડિયો પર આપ્યો જવાબ
બાંગ્લાદેશ અને શ્રીલંકા વચ્ચેની મેચ બાદ ટાઈમ આઉટ વિવાદ સતત ચર્ચામાં છે. આ મેચમાં બાંગ્લાદેશના કેપ્ટન શાકિબ અલ હસનની અપીલ પર અમ્પાયરે શ્રીલંકાના ખેલાડી એન્જેલો મેથ્યુસને ટાઇમ આઉટના નિયમ હેઠળ આઉટ જાહેર કર્યો હતો. આ પછી મેથ્યુઝે કહ્યું કે મારી પાસે વિડીયો પુરાવા છે કે હું અણનમ રહ્યો હતો. મેથ્યુઝે પુરાવા તરીકે આ વીડિયો પણ રજૂ કર્યો હતો. હવે MCC (મેરીલેબોન ક્રિકેટ ક્લબ)એ પોતે એન્જેલો મેથ્યુસના વીડિયો પુરાવા પર પ્રતિક્રિયા આપી છે. MCCએ શું કહ્યું વાંચો.
તે માત્ર મેદાન પર રહેવાથી નથી....
ICC ODI રમતના નિયમો જણાવે છે કે આઉટ થયા પછી બેટ્સમેન બે મિનિટની અંદર બોલનો સામનો કરવા માટે તૈયાર હોવો જોઈએ. હવે MCCએ દિલ્હીમાં તે મેચના પાંચ દિવસ બાદ શનિવારે જારી કરેલા નિવેદનમાં નિયમ 40.1.1ના મુખ્ય ભાગને પ્રકાશિત કર્યો છે. આ ભાગ સમય મર્યાદા સાથે સંબંધિત છે. આ નિયમને સમજાવતા MCCએ કહ્યું કે મેદાન પર બેટ્સમેનની હાજરી માત્ર આઉટ થવાથી બચવા માટે પૂરતી નથી. બેટ્સમેને આ સમયમર્યાદામાં એક બોલ રમવા માટે તૈયાર રહેવું જોઈએ અને માત્ર મેદાન પર જ રહેવાનું નથી.
અમ્પાયરે યોગ્ય રીતે આઉટ આપ્યો - MCC
MCCએ કહ્યું કે જો અમ્પાયરોને બે મિનિટની અંદર ક્રિક્રેટ ઉપકરણ સંબંધિત વિલંબ વિશે જાણ કરવામાં આવી હોત, તો તેઓ તેને વિલંબના નવા પ્રકાર તરીકે માની શક્યા હોત. ઉદાહરણ તરીકે, જો કોઈ ખેલાડીનું બેટ તૂટી ગયું હોય, તો અમ્પાયરનો કોલ બેટ્સમેનને ટાઈમ આઉટ થવાના જોખમ વિના વિલંબને ઉકેલવા માટે પરવાનગી આપે છે. એ નોંધવું પણ મહત્વનું છે કે બંને અમ્પાયરોના જણાવ્યા અનુસાર વિલંબ બે મિનિટ વીતી ગયા પછી થયો હતો. આનાથી સ્પષ્ટ થાય છે કે MCCએ પોતાના નિર્ણયમાં ખુલાસો કર્યો હતો કે અમ્પાયરોએ મેથ્યુસને યોગ્ય રીતે આઉટ આપ્યો હતો.
અમ્પાયરને પૂછીને હેલ્મેટ બદલવું જોઈએ
MCCએ વધુમાં જણાવ્યું હતું કે જ્યારે હેલ્મેટ તૂટી ગયું હતું, ત્યારે એવું દેખાય છે કે મેથ્યુઝે અમ્પાયરોની સલાહ લીધી ન હતી, જે ખેલાડી નવા સાધનોની માંગ કરતી વખતે કરે તેવી અપેક્ષા રાખવામાં આવે છે. અમ્પાયરને પૂછ્યા વિના, તેણે ફક્ત ડ્રેસિંગ રૂમમાં બદલવા માટે સંકેત આપ્યો. જો મેથ્યુસે અમ્પાયરોને શું થયું તે સમજાવ્યું હોત અને તેને ઉકેલવા માટે સમય માંગ્યો હોત, તો તેઓએ તેને હેલ્મેટ બદલવાની મંજૂરી આપી હોત.
