- BCCI દ્વારા સેન્ટ્રલ કોન્ટ્રાક્ટમાંથી ઈશાન-ઐયર બહાર
- PCBએ હારિસ રઉફનો સેન્ટ્રલ કોન્ટ્રાક્ટ પાછો ખેંચ્યો
- સમીન રાણા રઉફનો કોન્ટ્રાક્ટ રદ કરવાનો વિરોધ કર્યો
ભારતીય ક્રિકેટર ઈશાન કિશન અને શ્રેયસ ઐયરને BCCI દ્વારા સેન્ટ્રલ કોન્ટ્રાક્ટમાં સ્થાન ન મળવાને લઈને ઘણી ચર્ચા થઈ હતી. તે જ સમયે, પડોશી દેશ પાકિસ્તાનના એક સ્ટાર ખેલાડીનો કરાર ત્યાં T20 લીગ PSL પહેલા પાછો ખેંચી લેવામાં આવ્યો હતો. તે ખેલાડીનું નામ છે હારિસ રઉફ. પાકિસ્તાનના સ્ટાર પેસરે જાન્યુઆરીમાં ઓસ્ટ્રેલિયા સામે ટેસ્ટ સિરીઝ રમવાની ના પાડી દીધી હતી. આ પછી બોર્ડે તેનો કોન્ટ્રાક્ટ પાછો ખેંચવાનો નિર્ણય લીધો હતો. ત્યારબાદ ખેલાડી વતી આ મામલે અપીલ કરવામાં આવી હતી. હવે બોર્ડની લીગલ ટીમે તેની તપાસ કરી છે અને આ પછી પાકિસ્તાની પેસરનો સેન્ટ્રલ કોન્ટ્રાક્ટ પરત મળી શકે છે.
PCBના સૂત્રો પાસેથી મળતી માહિતી
એક અહેવાલ અનુસાર હારિસની અપીલ બાદ કાનૂની ટીમ તેની તપાસ કરી રહી છે. હવે એવી શક્યતાઓ છે કે અપીલ સ્વીકારવામાં આવશે અને કોન્ટ્રાકટ પાછો આપવામાં આવશે. નોંધનીય છે કે હારીસ રઉફ તાજેતરમાં ખભાની ઈજાને કારણે પાકિસ્તાન સુપર લીગ (PSL)માંથી બહાર થઈ ગયો છે. તે લાહોર કલંદરનો ભાગ હતો અને સિઝનની ત્રીજી મેચમાં ઈજાગ્રસ્ત થયો હતો.
હાલમાં જ તેનો કોન્ટ્રાક્ટ છીનવી લેવામાં આવ્યો હતો પરંતુ તે ન્યુઝીલેન્ડ સામેની T20 સીરિઝ માટે ટીમનો ભાગ હતો. રઉફનો કોન્ટ્રાક્ટ રદ કરવાની સાથે બોર્ડે વિશ્વભરની લીગમાં રમવા માટે આ વર્ષે જૂન સુધીના તમામ એનઓસી (નો ઓબ્જેક્શન સર્ટિફિકેટ) પણ રદ કરી દીધા હતા. સૂત્રએ જણાવ્યું કે, 'હારિસ રઉફે વકીલ મારફત પોતાની અપીલ કરી હતી. આ અંગે તેમના દ્વારા સંપૂર્ણ નિવેદન પણ આપવામાં આવ્યું હતું. જેમાં તે કારણો આપવામાં આવ્યા છે જેના કારણે તે ઓસ્ટ્રેલિયા સામે ટેસ્ટ રમી શક્યો ન હતો.
આ અંગે બોર્ડ પણ નારાજ
તે જ સમયે, બોર્ડ પણ હારિસ રઉફના PSL ફ્રેન્ચાઇઝીના માલિક સમીન રાણાના નિવેદનથી ખુશ નથી. રાણાએ એક ઇન્ટરવ્યુમાં બોર્ડ પર પ્રહારો કર્યા હતા. તેણે રઉફનો કોન્ટ્રાક્ટ રદ કરવાનો વિરોધ કર્યો અને કહ્યું કે આ નિર્ણય બિનજરૂરી છે. તેણે એમ પણ કહ્યું કે તેને સામાજિક રીતે હેરાન કરવામાં આવી રહ્યો છે. મેં આ ક્યાંય જોયું નથી. હું મારા કર્મચારીઓ સાથે આવું ક્યારેય નહીં કરી શકું. રઉફ સાથે ઘણું ખોટું થયું. આ ખરાબ મેનેજમેન્ટ છે.
