- આર્જેન્ટિનાએ સતત બીજી વખત કોપા અમેરિકાનો ખિતાબ જીત્યો
- વિશ્વની ટોચની ફૂટબોલ ટ્રોફી વિશે જેની અબજોમાં છે કિંમત
- સૌથી મોંઘી ફૂટબોલ ટ્રોફી ફિફા વર્લ્ડકપ 2022ની ટ્રોફી છે
આર્જેન્ટિના ફૂટબોલ ટીમ પ્રેમીઓ માટે આ સવાર અદ્ભુત હતી. આર્જેન્ટિનાએ સતત બીજી વખત કોપા અમેરિકાનો ખિતાબ જીત્યો. કોલંબિયા સામેની ફાઇનલ મેચ લાંબા સમય સુધી 0-0થી બરાબર રહી હતી. પહેલા વધારાના હાફ સુધી ચારેબાજું સન્નાટો હતો. બંને ટીમો પહેલા એક્સ્ટ્રા હાફમાં ગોલ કરી શકી ન હતી.
આર્જેન્ટિનાના લૌટારો માર્ટિનેઝે 112મી મિનિટે ગોલ કર્યો જે ઈતિહાસ બની ગયો. આર્જેન્ટિનાએ અંત સુધી આ લીડ જાળવી રાખી અને અંતે 1-0થી કોપા ચેમ્પિયન બની. આજે અમે તમને કોપા કપ વિશે નહીં, પરંતુ વિશ્વની તે ટોચની ફૂટબોલ ટ્રોફી વિશે જણાવીશું જેની કિંમત અબજોમાં છે.
નંબર વન પર છે કઈ ટ્રોફી?
ફિફા વર્લ્ડકપ 2022ની ટ્રોફી નંબર વન પર છે. આ અત્યાર સુધીની સૌથી મોંઘી ફૂટબોલ ટ્રોફી છે. CNBC ના રિપોર્ટ અનુસાર, આ કપની કિંમત લગભગ 165 કરોડ રૂપિયા છે. 6 કિલોથી વધુ વજનની આ ટ્રોફી બનાવવા માટે 18 કેરેટ સોનાનો ઉપયોગ કરવામાં આવ્યો છે. તેનો અર્થ એ છે કે જો ભારતમાં કોઈપણ વ્યક્તિને આ ટ્રોફી મળે છે તો તે રાતોરાત અબજોપતિ બની જશે. આ ટ્રોફી આખી ટીમને આપવામાં આવી છે અને કોઈ એક વ્યક્તિ તેને પોતાની પાસે રાખી શકશે નહીં. તમને જણાવી દઈએ કે, આર્જેન્ટિના ફિફા વર્લ્ડકપ 2022ની ચેમ્પિયન પણ હતી.
બીજા નંબર પર FA કપ ટ્રોફી
ફૂટબોલ એસોસિયેશન ચેલેન્જ કપ ટ્રોફી મૂલ્યની દ્રષ્ટિએ બીજા સ્થાને છે. આ વિશ્વની સૌથી જૂની ફૂટબોલ ચેમ્પિયનશિપમાંની એક છે. જે ટીમ જીતે છે તેને અંદાજે 8 કરોડ રૂપિયાની ટ્રોફી આપવામાં આવે છે. આ ટ્રોફી બનાવવા માટે 6.3 કિલો ચાંદી અને અન્ય ધાતુઓનો ઉપયોગ કરવામાં આવ્યો છે. લિવરપૂલે વર્ષ 2022માં ચેલ્સીને હરાવીને આ ટ્રોફી જીતી હતી.
ત્રીજા નંબર પર બેલોન ડી'ઓર ટ્રોફી
જ્યારે પણ વિશ્વની સૌથી મૂલ્યવાન ફૂટબોલ ટ્રોફીનું નામ આવે છે, ત્યારે તેમાં ચોક્કસપણે બેલોન ડી'ઓર ટ્રોફીનું નામ આવે છે. આ ટ્રોફીની કિંમત લગભગ 4 કરોડ રૂપિયા છે. આ 12 કિલોની ગોલ્ડ પ્લેટેડ ટ્રોફી છે, જે મેસ્સી સાત વખત જીતી ચૂક્યો છે.
